Piah daong brei ka tuai damuai jirah bui sambai, Labik jirah Bàu Trắng U&Me daok di palei Hồng Lâm, xa Hòa Thắng, Tinh Lam Dong brei pambuak saong dom urang main, urang gheih tangin diễn viên urang bangsa Cam daok di xã Bắc Bình padang ngak danak dak main adaok tamia tui sap bangsa Cam.

MukNguyễn Thị Hạnh, sa urang tuai jirah mai meng tỉnh Đồng Nai brei thau, ini lac sa danak dak nghệ thuật bangsa bak dom ilamu bangsa Chăm. Barau hu mateh jam min tapi danak dak ba mai biak ralo baoh druat druai chreih ranam.

"Danak dak main ini biak gheih, adei mboh nyu yau ye brei mboh cambac rai diuk mikwa urang bangsa daok di ini. Danak dak bik gheih ghang, biak chreih."

Dalau si tame mbuan cuah Bàu Trắng, tuai jirah brei palao jiwa tui ragam tamia Apsara di urang bangsa Chăm. Dom ragam tamia gam saong sap adaoh, gam tui sap Ghi-năng, Paranưng, Saranai… brei chreih dalam hatai urang manuac.  Ông Phạm Văn Trọng, urang lambaok wakil brei ka Labik jirah Bàu Trắng U&Me brei thau, langiu bruk brei ka tuai jirah tame ieik ialmu Chăm, Labik jirah daok khin brei khan yaih ilamu bangsa Chăm di ini.

Gam saong bhum taneh ralo pandiak bak angin tapa dom abab, urang bangsa Chăm gam saong dom bangsa pabam pabak ilamu brei ka Lâm Đồng jeng ye Việt Nam ralo janih ilamu praong glaong. Dalam nan hu lac ragam tamia Apsara, ragu tadik halai tame sap Ghi-năng, sap Paranưng, Saranai… ngak chreih hatai manuac urang; dom bimon kalan bangsa Chăm tapa dom thun bilan anit ranam, tapa hajan hangin min yau ye daok tamo; dak dom dalikan, ariya jeng ye dom janih bruk ngak meng kan dalau caik mai oh pablah hu janih karei.

Ông Trần Đức Dũng, Pan Akaok Ban Quản lý bimon Pô Sah Inư brei thau lac, tal ini, langiu di dom bimon kalan sang danaok karei di bimon kalan Po Sah Inư, tuai jirah daok ieik daok pang daom ragam ragu adaok tamia di urang bangsa Chăm main:

"Masa meng blaoh, khol akau dahlak hu pambuak saong dom công ty lữ hành piah padang dom tua jalan nao brei ka jirah piah duh brei ka tuai damuai. Dalam nan hu brei ka ieik main brei ieik ragam ragu ilamu bangsa Chăm, ieik urang Cham menyim urang Cham ngak gok glah hu taong yaom biak glaong jeng ye caik tame dalam hatai, chreih abih hu di bimon kalan Pô Sah Inư."

Tỉnh Lâm Đồng urak ini hu 42.000 urang bangsa Chăm, daok pataom ralo di tỉnh Bình Thuận dalau diah. Tuk wak masa barau di ini, seni ilamu urang bangsa Chăm đóng khik yau ye gai taih dalam bruk paralo ilamu brei ka jirah. Bruk ba drap ar ilamu bangsa tame brei ka urang jirah dalam nagar jeng ye di langiu nagar mai jeng ye ngak tabiak ndap nda suvinia ba padar brei pachreih urang mai jirah tal tỉnh Lâm Đồng dalam masa mai meng anak daok tal./.