Di An Giang, urang Cam daok pataom gauk ralo di huyen An Phú saong xa Châu Phong, ban sit Tân Châu klak. Ahar Ko hu pablei luac thun, naih gheih abih lac tadai ahar di urang ngak nyu angan Rofiah tuk halei jeng dui pachreih tuai damuai mai rah rivang, mbang har ko biak bingi di ini.

Urang ngak ahar angan Rofiah ndom meyai lac, pandap tamo piah ngak jeng ahar ko hu angan jie di ini ngak meng baoh thot not taha, tapung brah, ia li-u iak, saradang… Ngak ahar ko oh kan min piah ngak tabiak baoh ahar gheih bingi oh njauk mbuan kayua nyu daok patui tame bruk gheih tangin ha oh di urang ngak jeng baoh ahar. Piah hu baoh ahar bangi njauk tanut bingi pabah, urang kamei Cam ruah blei brah soc di mikva urang Khmer pala di taneh ceik Thất Sơn, tinh An Giang. Brah ba nao tram ia ka laman blaoh chai klik jeng tapung brah ba pa-auk srau haong saradang, ia meng ralo baoh thot not.

Brei pa-auk nyu meng nam tuk ba tagok ye ahar meng hu bong tagok dan saong tachop. Urang pandar klaih sit am ahar, khik apui dang saong tuh ginup tapung tame klaih, dalam tuk am oh pableik ahar. Piah ka ahar am tasak sambo tagok kanyik dua mbaok har, urang peih tanuak klaih paghang pandiak angaok ging apui blaoh gam tagok chao klaih ahar. Sa baoh ahar menam gheih njauk brei tathak kanyik, blaoh bong tagok, daok ahar khiak atau khik apui oh njauk nan ahar oh ka tathak dalam ye maong yau ye oh jeng har ko.

Ahar Ko lac kaya mbang bhap bini di bangsa Cam, hu pandar rilo dalam dom harei raya, likah atau payak tuai  di urang Cam, min jaik ini ahar ko jeng kaya mbang hu rilo urang mbang nyu di langiu. Nghe nhan Rofiah ndom mayai lac, amuk pagam haong bruk ngak ahar ko saong ngak ahar bian harei di urang Cam hu labaih 20 thun.

Ieu lac tadai ahar min biak nao di nyu lac baoh tadai sit tapen jalan, dom baoh paban kik ka tuai daok mbang di labik atau cang mek ahar. Dom thun tapa, yaok page, tadai tuan har tuk halei jeng hu rilo tuai damuai mai blei, cambuai klao njauk hatai di tuai damuai hu daong prein ka bruk ngak ka di muk Rofiah. Dalam dom harei raya, adat dalam saong langiu tinh, amuk bhian hu da-a nao dom labik piah am ahar. Meyah thei caong khin ta-eng drei ngak tabiak baoh ahar ko ye amuk tuk halei jeng abih hatai tian tacei ba bruk am ahar saong ngak habar piah am hu baoh ahar ko bangi.

Pan baoh ahar ko pandiak dalam tangin, ong Nguyễn Văn Nghỉ daok di Chợ Mới, brei thau: “Dahlak thau ahar ko lac kaya mbang di urang Cam daok di An Giang, min oh ka hu mbang. Harei ini, mboh tapak amuk Rofiah ngak, maong sambo bar kanyik di ahar, mbau pahe par tabiak ngak mboh biak bangi”.

Di raidiuk urak ini, dom yaom kaom kaya mbang bhap bini kurang jang min ahar ko jeng daok karo kajap meng bruk buh hatai tian di dom urang gheih tangin khik ramik bruk meng kal. Praong jang angan ahar kaya mbang, nan lac bruk tari taring saong tangin gheih ghang di mikva urang bangsa Cam An Giang, do urang gandi gandang khik apui ka binguk yava palei pala dalam tukvak nduac nao tapa./.