Dalam thun, hadei di ngak Katê baloh di angaok bimon kalan, gauk gah po dhia Đổng Bạ jeng ngak lasei payiak daa mukkei mai jum pataom saong anek taco. Taong abih anek tacao gauk gar atah jaik ginum gauk kuria caga alak hala baoh karaoh pok tagok brei ka mukkei brei thau hatai jai pok praong pok glaong mukkei jeng ye brei thau yak yum jum pataom gauk gar. Po Dhia Đổng Bạ - Palei Phước Đồng, xã Phước Hậu brei thau lac:

Di yang payiak lasei di sang po Dhia, ndap nda kaya ngui ngak yang srap gap tani tanat yau ye tapei nung tapei galik, sakaya, har gi nòng riya, patei baoh har maneng. Dom janih ndap nda har maneng dak di baoh talam salao glaong, thaok meng hala patei dak tagok angaok ciu bang. Tuk ngak yang, po dhia ba mbaok tapa kiai harei tagok, anak dom klam salao takai glaong bak baoh karaoh har maneng. Tui urang Chăm saneng lac, gah iai harei tagok ieu lac labik mukkei mai taom mbaok gam saong anek tacao, uaon raok thun barau daong brei saron mbon dalam sang danaok bhum palei. Ong bac Lưu Sanh Thanh- Thôn Như Bình, xã Phước Hữu dom mayai lac:

Dalam salao lasei, urang Chăm pok payua hatai jai caong takre di drei brei ka rai diuk siam makre saron mbon karo kajap jeng ye selamat haniem phol. Hadei di ieu yang blaoh, abih hauk daok dala jiaik taphia win salao lasei, bui sambai neh rabha dom baoh kadha, raok uon thun barau selamat haniem phol./.