Hadei di Po Gru brei harei, urang wakil lambaok urang dang akaok but pajaih dang tabiak nyaom veik mikva dalam but pajaih piah ginum biai ka jien padai peih ngak saong parabha bruk ka yaok urang piah ka bruk ngak rija hu mbuan lagaih.

Tal harei ngak Rija, po sang brei padang kajang saong kuhria caga dom ndap nda dalam nan hu: menuk diuk, lisei, aia bai, lamang, kalin, baoh, patei… Dalam harei ini, taong abih manuac urang dalam but pajaih njauk hu mbaok.

 Hadei di kuhria caga blaoh dom janih ndap nda, po sang likau daa po Car nan lac sa halau janeng gah Bini Awal mai peih taleih menuk saong peih ngak dom adat cambat pambuak pagam tal bruk ngak yang mabang.

Ong Dụng Nghi, sa gru Ghi-nang harei ngak Rija di baoh sang amuk Đặng Thị Xuân Nương, urang daok di palei Tinh My, xa Hong Thai, tinh Lam Ndong brei thau:

Hadei di tuk tamat binah ngak adat di po Car, tal binah ngak adat di ong Maduan, sa halau janeng gah Ahier.

Adat cambat di urang bangsa Cam bhian nao tui sa talei ngan haong dom makna jeng dreih gauk gam saong kadha, khan tal mukkei, ong muk dalam sang, khan ka akaok halau daneng saong khan brei ka yang mabang thau.

Di dalam kajang, dom baoh Cit atau hu ngak meng krem la-a, pandar piah buh khan ao, ndap nda drap ar karei karei di mukkei – hu ba caik dak di angaok. Tui yaok but pajaih blaoh hu sa atau rilo baoh Cit atau.

Tuk sap Ghi-năng, Saranai gam saong sap Baranưng yawa tagok nan jeng lac tuk muk rija sa urang kamei (bhian lac urang hu angan je dalam but pajaih) dang tagok tamia kakuh mukkei.

Amuk Đặng Thị Xuân Nương, po baoh sang urang ngak Rija brei thau, dalam harei ini anek taco dalam but pajaih bhian blei khan ao bahrau saong dom janih ndap nda karei piah salih ka dom blah khan ao saong dom janih ndap ndap klak dalam Cit atau.

Urak ini di labik tinh Binh Thuan klak, urang Cam Ahier jeng daok khik railo adat cambat tanarakun bhap bani saong dom adat cambat bhap bani brei mboh ka bruk mbang angui daok dang di mikva.

Hatai jia di urang Cam Ahier biak rilo, biak kaya meda hu mboh tui rilo jalan ngak karei di gauk. Hu dom hatai jia pambuak pagam tal adat iew mukkei, but pajaih, hu dom hatai jia pambuak pagam tal bruk ngak nong, min tapi lavik nao hu jeng adat cambat tanarakun hu peih ngak pagam tui haong dom adat ndung bak asal nyaom adat bhap bani ngan haong asal kadha pambuak pagam bhap bani./.