VOV4.VOV.VN - Taphia dom ragu daoh bhap bini, dom panuac pandao, panuac pandit, urang Cam daok hu ariya lục bát saong ilamu puac Ariya. Yau nan min, kayua rilo makna, nyu ngak brei bruk puac Ariya laik tame var klaak saong dom urang thau puac Ariya dak harei dak takik nao. Piah khik ramik ilamu puac Ariya, Miuyim tỉnh Bình Thuận hu peih dom tal pato puac Ariya di dom palei Cam saong daok ba mai rilo siam mekre dalam bhap bini urang Cam daok pak ini. Kadha vak di Đoàn Sĩ hu ndom ka bruk ini.

VOV4.VOV.VN - Ariya lac gilang ilamu bhap bini biak hu yaom glaong di urang Cam ngan saong rilo janih rilo kadha karei di gauk, pagap yau damnei… min tui thun bilan, Ariya oh daok hu rilo menuac thau tal, dak harei dak lahik nao saong mbuan si lahik abih. Rilo thun tapa, ong Thông Đinh Phụng, daok di palei Lâm Thuận, xã Hàm Phú, huyện Hàm Thuận Bắc, tỉnh Bình Thuận jeng daok kham merat khik ramik veik dom Ariya, jalan puac saong daoh Ariya tal rilo menuac sia. Ong jeng lac sa dalam dom urang hu mbaok tame tal pato Ariya di xã Phan Hòa saong xã Phan Hiệp, huyện Bắc Bình, kayua Miuyim tỉnh Bình Thuận peih tabiak bahrau ini. Urang vak Jasi daok di TP.HCM hu kadha vak brei thau ka ong.

VOV4.VOV.VN - Dalam raidiuk urang bangsa Cam meng kan, tui thar vak bo padang ngak sang karei di gauk. Dalam sa lavang paga sang danaok urang Cam meng kan di bhum taneh Paduranga meda ginup abih brei hu meng 5 tal 7 baoh sang. Yaok baoh sang hu angan ieu, hu makna saong bruk pandar karei di gauk. Kadha vak “Baoh sang meng kan di urang bangsa Cam daok di Paduranga” di Ái Nghiêm, urang vak di Rayo sap ndem Viet Nam:

VOV4.VOV.VN - Ilamo Cam lac sa binah biak mbak dalam blah cih rilo sambo màu di ilamo dom bangsa Việt Nam. Dalam nan, ragu ragam lac sa binah biak prong. Oh njauk lac tok hu panuac daoh, sap takơ ba mai sap yava, ragu ragam biak karei, dui pachreih urang pang, dom alat ragam meng kan daok ndung bak hatai saneng, hatai jia di urang Cam.

VOV4.VOV.VN - Di tỉnh Ninh Thuận, yaom lac daok rilo kan kandah, min dom puk palei di bhum ceik, bhum urang bangsa takik hu padang dom kadha piah padang ngak sang bac haniem phul. Bruk ngak ini, lac mek anek saih ngak pasak di yaok bruk ngak, ngak habar piah daong ka anek saih mboh bui sambai, chreih chrai piah bac ta-a, piah oh mboh trak damak tuk nao bac.

VOV4.VOV.VN - KADHA DAOH “ĐẤT THÁP QUÊ TÔI” -KAYUA HÁN VĂN TRÀ PANEH TABIAK SAONG DAOH

VOV4.VOV.VN - Kadeit Saranai lac sa janih alat ragam oh kurang hu dalam dom rija, roya meng kan di urang Cam, nan lac alat ragam ginreih, pambuak anek menuac yang mebhang. Di palei Lâm Thuận, xã Hàm Phú, huyện Hàm Thuận Bắc, tỉnh Bình Thuận, ong Thông Long hu thau tal lac sa nghệ nhân yuk Saranai hu angan. Ong Thông Long daok lac menuac tacei pato saong truac hadah tagok dalah apui anit ranam alat ragam di bangsa drei ka rilo rairah dam dara urang Cam, rik daong khik ramik ilamu bangsa.

VOV4.VOV.VN - Nao tal dom palei Cam di Ninh Thuận saong Bình Thuận, tuai damuai langiu di duah thau dom yaom glaong ilamu gheih mekre yau ye rija, roya, adat cambat tanarakun, bruk ngak mbang, ngak huak, me-in sambai, daok hu thau dom janih alat ragam meng kan hu khik ramik meng dom rai ini mai di urang Cam.

VOV4.VOV.VN - Bhap bani Cam di tỉnh Bình Thuận hu rilo adat cambat dalam rai diuk. Yaok adat cambat hu sa makna biak karei, bo adat ngak Palao Sah di bhap bani Cam huyện Tuy Phong peih ngak lac bruk yau nan. Adat hu peih ngak di pabah lamnge dalam xã Phước Thể, huyện Tuy Phong. Janih biak karei di adat ini nan lac bruk ba pataom taong abih halau janeng di dua gah Awar saong Ahier piah hu mbaok tame ngak adat.

VOV4.VOV.VN - Labaih 20 thun abih hatai jai, langiu di bruk padang tabiak song patagok labik pablei khan ao di urang Islam jeng sa labik hu angan je, muk Basiroh dok hu padang angan pandap mbang Halal Food Basiroh piah dui pachreih tuai du lịch meng pandap mbang meng kan di urang Cam song yaih khan ilamu Việt Nam tabiak dunya. Oh lac naih joi pablei salih bo muk dok hu ngak pahla, dong ka rilo urang Cam hu rai duik kan kandah yam tagok dalam rai duik.