Bhian mai, sa baoh Agal bac hu meng 4 -10 baoh, yaok baoh hu meng 20 -30 hala gar, yaok hala gar tok vak hu 5 talei, haong labaih 150 anek khar saong lahik abih sa bilan meng meda ngak salah, oh kuhria tukvak drei ngak suan, klak ngak veik.
Ong Paseh Nại Cao Liêm daok di palei Pabhan, xã Phước Ninh, huyện Thuận Nam, tỉnh Ninh Thuận mboh suh sah dalam hatai tuk daok tok ta-eng ong thau ngak, thau harak anek khar di hala gar. Urak ini, ilamu sarak akhar di hala hapur di urang Cam daok lahik nao: “ Dom rai rah uranaih Cam takik thei thau bac, thau vak oh hu thai mai gru oh. Daok halau janeng daok pak Parik mai bac min oh ka thau ngak baoh gal ini oh”.
Mboh makna praong glong di baoh Agal bac dalam bruk ngak adat cambat ilamu di bhap bini Cam dak harei dak lahik. Pasak Roh duah Ilamu Cam tỉnh Ninh Thuận brei peih bruk roh duah, pasang iek di dom palei urang Cam di tỉnh Ninh Thuận saong Bình Thuận. Di Pasak Roh duah Ilamu Cam tỉnh Ninh Thuận daok khik 12 baoh Agal bac. Muyim tỉnh Ninh Thuận hu khik 7 baoh Agal bac caik parang saong yaih khan ka tuai damuai mai mong iek. Di Pasak Parang iek Ilamu Cam tỉnh Bình Thuận hu khik piah 4 baoh Agal bac. Muyim tỉnh Bình Thuận khik 5 baoh Agal bac. Ong Trượng Tính, Pho Yam ndoc Pasak Roh duah Ilamu Cam tỉnh Ninh Thuận brei thau ka dom jalan khik piah baoh Agal bac bo pasak daok ngak:“Hadei nao veik, Trung tam jeng khin nao duah manuac piah gru ong Bac Liêm”
Tui panuac khan di PGS -TS Thành Phần, dahlau diah ngak Pho yam ndoc Pasak roh duah Việt Nam - Đông Nam Á: Dom baoh Agal hu makna biak praong piah tacei pato ngak adat cambat, ilamu di urang Cam. Dom baoh sang daok khik piah min dom urang ilamu mai duah thau ye oh daok tamo yau meng kan. Bruk pasiam veik baoh Agal bac nan lac bruk hu makna biak praong ngan haong ilamu Cam: “Brei ba tame so hoa khik piah veik ka harei hadei. Peih tal pato veik ka anek saih hadei hadei …piah thau khik ramik ilamo Cam drei”.
Nan lac dom baoh panuac abih hatung hatain di dom urang ilamu Cam ka dom jalan khik ramik baoh Agal bac Cam. Meyah ngak hu bruk nan, meda rik daong biak praong dalam bruk khik ramik saong patagok drap ar ilamu Cam dalam bein yaok rituh bingu hadah mekre di dom bangsa Việt Nam./.
Viết bình luận