Dalam thun, mbiah tal bilan 6, bilan 8, atau bilan 10 (saka Cam), mikva urang bangsa Cam tui Bani ngak Kareh – Katal, daok hu angan ieu lac ngak adat brei tame bini ka dom urang tame umor 15 thun. Ini daok ieu lac sa adat praong di dom urang bangsa Cam tui Bani.

Kareh - Katan hu brei ngak 3 harei 2 malam. Harei akaok meti, abih urang dalam gauk ieik caga khan ao, padang kajang. Harei yang ka 2, harei brei caga ndap nda baoh karaoh yau ye pate, kamang pein ung pei balik, har xalam... adat ngak kareh katan di harei ka 3.

Po sang brei da-a abih mikwa dalam palei mai saksi ieik anek bak dam dara di drei hu po taduan brei angan. 

Tame baharei, dom dam dara pataom gauk di labik ngak yang. Anek lakei dam ye hu Imem ba tame daok dalam kajang. Kumei dara ye hu "Amuk Buh" ba tame daok di dalam kajang karei. Tal hadah page harei hadei, tuk ia harei barau tamuh tagok, urang ngak ane ame brei ka dak dom urang dam dara trun kraong ribaong ia manei pahacih rup. Ini lac yau ye janih ngak asar dalam adat.

Tame harei adat, masup page awal dom urang taha ba dam dara trun ribaong kraong ia manei nercaoy. Hadei di nercaoy di ia kraong, dak dom dam dara ba mai tame kajang adat. Di ini, dom po sang dak angan brei ka urang ngak kareih ngak katan. Angan brei meng di dom po Yang dang akaok. Angan ini hu ba tui mbiah tal tuk taha tapa lot diah.

Tui di nan urang ngak adat Katan “cắt bao quy đầu” katat brei ka dam lakei. Tui anek kumei ye brei kakak mbuk dhei ngak adat janji saong po ngak dom baoh siam makre di dalam ugama. 

Lang yah brei ka adat cambat ini, Imem Kết daok di palei Panat, xa Bắc Bình, tinh Lam Dong brei thau lac, kayua lac thei ndih tapui mai jeng dalau di hatian amaik. Kayua yau nan ye dalam kajang dalau abih brei ka anek ini, hadei ngak adat ka anek po sang blaoh di nan brei ngak ka dara anek po sang blaoh tal anek po karei: "Brei ka hu anek naih ini, kayua adat di mukkei drei caik veik meng kal mai…"

Mada jeng daok ralo janih kadha ei ka adat cambat min tapi Kareh - Katal, jeng hu baoh siam lagaih jang tui meng kan dalau. Ong Lư Văn Xuống, jeng daok palei Panat, xa Bắc Bình, tinh Lam Dong brei thau: " Dahlau diah, dom urang hu mbaok tame ngak adat Kareh -Katal ini brei nao thac danao ia, tame glai kaoh njuh piah srap gap ka adat…"

Tamat pataih yang adat, po sang daa mikwa gauk gar, tuai damuai dalam palei mai saksi brei ka anek lakei kumei di drei bak dam dara jeng ye daa sa war huak pataom mbaok. Dom anek kumei bak dara, anek lakei bak dam di harei ngak adat chreih chrai hu mikwa gauk ralo hadiah alin kaya salam ayuh uan tabuan./.