VOV4.VOV.VN - Nao tal dom palei Cam di Ninh Thuận saong Bình Thuận, tuai damuai langiu di duah thau dom yaom glaong ilamu gheih mekre yau ye rija, roya, adat cambat tanarakun, bruk ngak mbang, ngak huak, me-in sambai, daok hu thau dom janih alat ragam meng kan hu khik ramik meng dom rai ini mai di urang Cam.

VOV4.VOV.VN - Bhap bani Cam di tỉnh Bình Thuận hu rilo adat cambat dalam rai diuk. Yaok adat cambat hu sa makna biak karei, bo adat ngak Palao Sah di bhap bani Cam huyện Tuy Phong peih ngak lac bruk yau nan. Adat hu peih ngak di pabah lamnge dalam xã Phước Thể, huyện Tuy Phong. Janih biak karei di adat ini nan lac bruk ba pataom taong abih halau janeng di dua gah Awar saong Ahier piah hu mbaok tame ngak adat.

VOV4.VOV.VN - Labaih 20 thun abih hatai jai, langiu di bruk padang tabiak song patagok labik pablei khan ao di urang Islam jeng sa labik hu angan je, muk Basiroh dok hu padang angan pandap mbang Halal Food Basiroh piah dui pachreih tuai du lịch meng pandap mbang meng kan di urang Cam song yaih khan ilamu Việt Nam tabiak dunya. Oh lac naih joi pablei salih bo muk dok hu ngak pahla, dong ka rilo urang Cam hu rai duik kan kandah yam tagok dalam rai duik.

VOV4.VOV.VN - Tui thun bilan, hu dom adat cambat tarakun dalam sang, dalam bhap bini urang Cam daok di Việt Nam hu dom salih karei ka nyu lagaih haong saman bahrau, min urak ini, hu dom yaom ilamu meng kan siam mekre dalam ilamu tui darah gah amaik jeng daok hu khik ramik. Bruk tui darah gah amaik di urang Cam hu brei mboh tapa rilo gah dalam raidiuk: urang kamei lac po baoh sang, urang kamei haong bruk khik ramik saong cakrok ilamu bangsa, rup binguk urang kamei tapa dom kadha bhap bini,… Tapa nan, rik daong khik ramik ilamu, saong brei mboh hatai sahneng meng kan mai lac iek praong urang kamei di bangsa Cam. Kadha vak di Aí Nghiêm hu brei thau ka bruk nan:

VOV4.VOV.VN - Harei ini, harei 14/10, lac harei 1/7 tui saka Cam, yaok pluh rabau urang Cam Ahier ba gauk nao tal dom bimaong kalan Cam piah uan Ka tê 2023. Hadei di adat cambat Ka tê di bimaong kalan, lac Ka tê palei saong Ka tê baoh sang. Jeng yau dom palei Cam karei di dalam tỉnh Ninh Thuận, rahra palei lan am Bàu Trúc, ban sit Phước Dân, huyện Ninh Phước jeng chreih chrai uan raok Ka tê. Ngan saong mikva Cam palei Bàu Trúc, bruk bui sambai dalam harei Katê thun ini yau hu tagok jang dua mbang tuk bruk ngak lan am Cam Bàu Trúc bahrau hu UNESCO pok brei angan lac Inem krung ilamu oh mboh di mata njauk khik caga samar drah.

VOV4.VOV.VN - Dalam dom harei ini, yaom lac oh ka tal harei Katê, min dom palei Cam dalam tỉnh Ninh Thuận daok jhul khang dom bruk yaih khan, pasram pahat daoh tamia piah pamere tuai damuai mai tal Ninh Thuận dalam dom harei Kate. Kadha vak di urang pambuak bruk Minh Triều daok di Ninh Thuận brei thau ka bruk nan:

VOV4.VOV.VN - Bình Thuận lac bhum taneh hu biak rilo inem krung ilamo mboh di meta saong oh mboh di meta, dom nghệ nhân haong dom taha akaok palei nan lac dom “inem krung diuk” khik iek yaom ilamo meng kan di ong akaok ong kei caik veik. Kayua yau nan ye, bruk ngak di dom nghệ nhân bhap bani hu makna biak prong dalam khik ramik saong cak rok patagok inem krung ilamo. Dom urang nan, lac mbaik dhil pabak apui ka rai rah harei hadei khik ramik veik dom yaom ilamo di bangsa drei,... Kadha vak di Jasi ndom tal bruk ini:

VOV4.VOV.VN - Meng kein lagaih lac daok angaok canah jalan du lịch meng pasak TP. Phan Thiết nao Mũi Né, Bàu Trắng (dalam tỉnh Bình Thuận), inem mek bimon Pô Sah Inư lac sa labik rivang ma-in dui pachreih rilo tuai damuai dalam saong langiu negar. Dalam dom bruk ngak di Thun Rivang ma-in pakat negar – Bình Thuận pataom hijao, dom harei ini tuai damuai mai pak ini piah duah thau ka dak rai sajarah, bruk padang ngak bimon kalan, ilamo, rai diuk, bruk ngak mbang ngak huak di urang Cam… Kadha vak di Jasi, urang vak di Rayo sap ndom VN daok di TP. Hồ Chí Minh hu ndom tal bruk ini:

VOV4.VOV.VN - Tỉnh Bình Thuận lac bhum taneh hu bein ilamo biak karei saong rilo janih pataom veik di rilo bangsa adei sa-ai daok pak ini. Sa dalam dom bangsa hu caik veik rilo kadha dalam hatai tuai damuai meng dom yaom ilamo biak karei nan lac urang Cam. Dalam tukvak tapa, tỉnh Bình Thuận hu pasiam veik dom bruk ngak meng kan, padang ngak veik dom adat cambat tanarakun bhap bani, pasiam veik dom labik inem mek dak rai sajarah – ilamo Cam, peih ngak dom bruk rivang ma-in di bol bhap rah ra duh ka tuai damuai dalam saong langiu negar. Ái Khanh hu kadha vak angaok harak báo Điện tử Bình Thuận hu ndom tal bruk ini:

VOV4.VOV.VN - Ong Hán Quân (umo 74 thun, daok di palei Tân Đức, xã Phước Hữu, huyện Ninh Phước, tỉnh Ninh Thuận) hu mong yau "báu vật" ka alat ragam meng kan di urang Cam, kayua ong langiu di bruk lac sa ong Maduen, daok lac menuac ngak tabiak saong me-in hu jaik abih dom janih alat ragam Cam, dalam nan hu Paranưng. Kadha vak di Như Thừa angaok VTC News hu ndom ka ong Hán Quân: