VOV4.VOV.VN - Hadei di labaih 30 thun paneh kadha daoh, NSUT A Mư Nhân hu tabiak mbaok 3 album hu dom kadha daoh kayua ong paneh saong daoh. Nan lac: Ragu daoh bimon kalan, Bhum palei saong Bhum taneh bimon kalan. Taong abih 3 album ini, album halei jeng hu caik veik dalam hatai urang takre daoh take dalam negar. Dom kadha daoh kayua A Mư Nhân paneh, kadha halei jeng ndung bak ragu ragam bhap bani bangsa Cam. Piah thau cambaih jang ka jalan nghệ thuật di NSUT A Mư Nhân, da-a mikva saong taong abih gauk pang kadha vak hadei ini di Lương Định angaok báo Điện tử Lao động saong Xã hội:

VOV4.VOV.VN - Urang kamei hoạ sĩ angan Chế Kim Trung oh njauk lac tok hu dom urang ngak nghệ thuật dalam negar thau tal tapa dom blah cih sơn dầu bo daok lac tapa dom kadha cih vak angaok lan am. Baoh sang di họa sĩ Chế Kim Trung daok angaok jalan Ngô Gia Tự, TP. Phan Rang - Tháp Chàm, tỉnh Ninh Thuận hu caik binah prong piah ngak duk parang iek blah cih saong dom janih pandap lan am Hamu Craok hu cih bingu la. Daa mikva saong taong abih gauk mai rivang duk parang iek blah cih – lan am di họa sĩ Chế Kim Trung tapa kadha vak di Lê Trường angaok harak báo Người Lao động Online:

VOV4.VOV.VN - Urang Cam daok pak Ninh Thuận, Bình Thuận, hu ilamo, adat cambat brei mboh cambaih di abih dalam adat metai lahik. Urang Bàlamôn tuk metai ye ngak adat ba nao cuh, tok khik veik 9 candaih talang labik dhei piah hadei ini ngak adat tame Kut. Tuk talang dhei hu ba tame Kut ye suan yava di urang metai meng hu nao haong ong muk kei.

VOV4.VOV.VN - Bimon Po Dam lac sa nyaom bimon Cam di palei Cavait Lạc trị, xã Phú Lạc, huyện Tuy Phong, tỉnh Bình Thuận. Bimon hu padang ngak piah pok kakuh patao Po Dam, daok iew lac Po Kathit, urang Yuen iew lac Bàn La Trà Duyệt. Ong lac urang rik prein yava biak prong dalam bruk daong ka bhap bani ngak binek kavei, ribaong kraong, brei ka bhap bani pala drak, patagok bruk ngak nong di jaman nan saong tal urak ini jeng daok, binek kavei ribaong kraong ini jeng daok patagok hu jak jeng siam mekre ka bhum taneh Tuy Phong saong Bắc Bình. Jeng di bimon ini, dom urang roh duah hu duah mboh Linga ngak meng ameh dalam mbang roh duah di thun 2013. Kadha vak di Jasi:

VOV4.VOV.VN - Urak ini, bruk vak akhar tapuk di hala agal dak harei dak lahik nao, kayua bruk ngak ini abih rilo prein yawa, tukvak, brei caik hatai sahaneng tani tanat meng ngak hu sa baoh Agal bac siam mekre piah caik rai. Min harei ini, dom halau janeng daok rainaih takik thei thau harak, kayua ini lac Akhar Thrah biak kan harak, brei kham merat, tari tarieng meng bac hu. Langiu di nan, lac kayua kurang hala hapur, phun ini tok tamuh di bhum Tánh Linh, Căn Cứ 4, tỉnh Bình Thuận min jeng hu biak takik.

VOV4.VOV.VN - Ramưwan ieu lac mbang muk kei di urang Cam Aval (Bani). Ramưwan hu rilo adat cambat ndung bak makna thau dhar phol, hadar tal mukkei, ong muk, amaik ame, halau gha di dom urang lot ini ngan haong urang lot diah saong likau brei hangin siam hajan lagaih, ngak hagait hu nan, sang danaok trei sir haniem phol…gam ngak dom bruk pahala daong dom urang kan kandah. Thun ini, Ramưwan rah tabiak dalam klau harei, meng harei 9 tal harei 11/3.

VOV4.VOV.VN - Dom harei ni, mai tal dom palei Cam di Bhum gah Meraong, khol drei hu mboh mikva daok chreih chrai caga ka bilan Ramadan thun 2024 – Bilan eik di urang Cam Islam. Ini jeng lac bilan mikva urang Islam ngak amal ibadat saong ngak pahala daong ka urang kan.

VOV4.VOV.VN - Meng kan mai, taong abih dom adat cambat, tanarakun, ilamu siam gheih hu dalam raidiuk, dalam bruk ngak mbang pala drak jeng hu dom urang hahlau janeng dalam dom palei Cam di dom tỉnh bhum kreh negar saong bhum gah Meraong negar vak veik tani tanat di hala dram, hala ba-ar saong hu khik ramik yau sa drap ar krih, abih di nyu lac dom asal kadha vak di hala agal.

VOV4.VOV.VN - Thanh Pháp – sa angan bhian randap haong dom menuac takre ragu ragam Cam. Urang likei daoh daok ranaih ini hu rilo thun kak kajap saong hu ba ragu ragam Cam tabiak truh puk palei Cam di Bình Thuận piah nao tal rilo urang pang dalam taneh ia. Jaik 20 thun ngak bruk di Sang daoh tamia Biển Xanh, tỉnh Bình Thuận, langiu di gheih daoh, Thanh Pháp daok hu paneh tabiak yaok pluh kadha daoh.

VOV4.VOV.VN - Drei inegirai hu urang Cam ba tame blah khan menyim haong rilo rup binguk, brei mboh bruk praong, glaong saong quyền lực. Dalam langik la-an bingi di harei 4 bingun tết, daa mikva saong taong abih gauk mai ravang palei manyim khan bai Cam Mỹ Nghiệp, ban sit Phước Dân, huyện Ninh Phước, tỉnh Ninh Thuận piah maong iek rup binguk anek inegirai dalam dom blah khan bai manyim di urang Cam tapa kadha vak hadei ini