Tui ong Thập Liên Trưởng – Sa urang roh duah ilamo bangsa Cam Khánh Hòa: urang bangsa Cam iek bruk ngak yang pulao pasah biak praong. Kan dahlau daok di dom bhum palei Cam jeng ngak yang pulao pasah ini, dalam nan hu ralo di dom palei daok di tapen tasik. Nyu brei thau lac kan diah mukkei diuk di taong mek ikan tasik. Ngak yang pulao pasah padang ngak di pabah tasik piah dar tal dom ong kei mikva kan dalau jeng ye lakau chraong daong ka bhap bini rahra ngak mbang hu min mbiah tal harei ini, adat ngak yang pulao pasah daok di sa palei Ban Riya, xa Bắc Sơn, huyen Thuận Bắc (dahlau) dang ngak. Ong Thập Liên Trưởng khan lac: “Adat pulao pasah pagam haong ilamo urang bangsa Cam meng lavik mai piah likau hadom hagait siam mekre”.

Labik ngak yang pulao pasah ndih di mbaok tasik praong … dahlau diah ngak Yang pulao pasah ngak di angaok pulao, min harei ini bruk nao mai mada hu kan candah, bhap bini rahra ba tame taneh hluk ngak ka lagaih… Di dalam 2 harei ngak Yang pulao pasah, bhap bini rahra yuer yang dom janih ndap nda pok tagok yang mabang po tasik… Taong baih urang palei ieu mai duh yang… Ong Sầm Văn Quyến, Kapul halau daneg palei Bal Riya, xa Ninh Hải 1 khan brei thau lac: "Mban adat cambat srap gap labaih 1 bilan ini. Harei ini ngak adat di pabah tasik saong mboh mikva drei mai biak rilo."

Dahlau si ngak Yang pulao pasah urang ngak yang ka po Muk Po Nagar di pabah lamnge tasik. Sang Po Muk Po Nagar daok di taneh tambok maong tapak tasik. Dak dalikal khan lac dahlau kan diah Po Bia Cam hu pilih labik ini padeih padei. Gam tui tukvak thun bilan, urang hu duah mboh patau akhar meng kal, min oh tahu dalam nan cih wak hagait. Tui hatai pok praong pok glaong brei ka po bia ini, bhap bini rahra urang tuh mai di ini biak ralo yuer yang lakau ka hajan lagaih hangin siam raidiuk sahnang sanie saron mbon… 

Oh chreih srai otanot yau ye Kate atau Ramawan min ngak Yang pulao pasah nyu ba mai ralo sambai dalam hatai brei ka bhap bini rah ra urang bangsa Cam, Yang pulao pasah daong pachreih yak yum jum pataom di urang bangsa Cam dak tuk dak khang, daong ka rai hadei yau ye rai dahlau pambuak bruk khik ramik jeng ye patagok ilamo bangsa. Ong Đạo Văn Lịch daok di Palei Bal Riya, xa Bắc Sơn, huyen Thuận Bắc, Ninh Thuan (dahlau): “Adat pulao pasah ini biak hu makna. Dalam adat ini hu dom ragam ragu yau ye Gineng”.

Peih kajang ngak Yang pulao pasah ieu lang yang peih pabah lamnge … hu ganap halau daneng dalam palei… Ralo urang brei thau lac, Yang peih kajang brei ta-eng ka urang ngak mbang tasik peih mbaok ngak mbang lakau brei ka ghe kapal cagar angin ikan dang bak dom siam ralo, min tui urang bangsa Cam, ngak Yang pulao pasah hu yaom kaom glaong, brei mboh inem krung urang ngak mbang tasik di urang Cam dahlau jeng daok tamo di dalam glao akaok urang bangsa Cam, mada hu thau mbiah urang Cam jaman ini oh daok thein gak mbang tasik. Ong Bá Văn Quyến, Pasak Roh duah bangsa saong Gilang khik drap ar tinh Khanh Hoa lac: “Adat pulao pasah hu padang 2 harei. Mikva daok di palei Bal Riya mai ngak adat ndih veik sa malam ngak adat uan harei akaok thun”.

Dom baoh hatai dar tal dom inem krung tasik tapa ragam tamia vah ghe vah kapal dalam ngak Yang pulao pasah di ong Ka-ing. Tame bruk ngak Yang pulao pasah hu mbok bih urang halau daneng Cam… Tapa ngak Yang pulao pasah, urang Cam oh sa janih lakau yang brei ralo prein yava, hajan lagaih hangin siam, brah padai tangei ikan siam, blaoh nyu daok yau ye jhul patiaok abalaih saiton raok taduan janih siam makre tame raidiuk. Abih tamat pataik di nyu hu kadha palao atau lac palao pasah. Dom hagait ba mai duh ka yang brei tuh trun tui kraong ia, palao dom hagait oh gheih oh siam, dom kanjah chak dalam raidiuk brei tuh klak, khin caong hangin siam hajan lagaih piah bruk ngak nong siam makre, raidiuk haniem phol selamat..../.