Lan am lac pandap oh kurang hu dalam raidiuk yaok harei di yaok baoh sang saong dalam adat cambat di urang Cam. Lan am Cam urak ini daok hu mboh rilo meng lac di dua palei Ligok (Trì Đức, tỉnh Bình Thuận) saong Hamu Crok (Bàu Trúc, tỉnh Ninh Thuận). Dalam nan, tabiak rai meng puac abap 12 tal urak ini, Bàu Trúc hu maong lac sa dalam biak takik dom palei ngak lan am lavik zaman abih di Đông Nam Á daok khik veik jalan ngak meng kan mai.

Lan am di urang Cam rilo meng lac dom pandap pandar dalam sang, pandap pandar dalam bruk ieu yang saong pandap mỹ nghệ nan lac jeik, gok, mâm (cambak), bình (bilaok)… Bruk ngak lan am hu maong lac brei mboh bruk hadah krah dalam sahneng duah kayua urang kumei Cam ngak tabiak tui hatai sahaneng hu patoa veik meng rai ini tapa rai deih dalam rahra. Salih ka bruk pandar bàn payeng, urang kumei Cam nao kadun vil val pandap ngak piah ngak jeng thaot binguk ka pandap lan am.

Lan am oh hu tráng men saong hu pabu thu, am di langiu langik meng njuh saong pong dalam 7 tal 8 maong di nhiệt độ labaih 8.000 độ C. Pandap tamo piah ngak, lac haluk lan, cuah, ia, njuh saong pong hu mek pak di labik. Haluk lan hu tamuh veik tui tukvak lac jaik 3 thun hadei di tuk kuac mek di mblang Hamu Tanu Halan, tapen kraong Quao di palei Bàu Trúc (tỉnh Ninh Thuận) saong mỏ haluk di palei Xuân Quang (atah di palei Bình Đức, tỉnh Ninh Thuận, 3 km nao gah Tây Bắc).

Pandap panda ngak lan am hu nghệ nhân mek meng dom janih pandap di pak ini, yau ye: Vòng quơ, vòng cạo (meng kreim) piah kuah lapih rup lan am, saong kaduh sò, khan bai njuk ia piah sah lapih lan am.

Ilamo ngak lan am hu patoa veik ka dom rai dalam sang tapa pasram ngak. Bruk ngak lan am jeng hu daong patagok jien mek tame ka baoh sang saong khik ramik ilamo di urang Cam daok di Việt Nam. Min, yaom lac hu rilo kham marat khik caga, min bruk ngak lan am di urang Cam jeng daok dang anak bruk mbuan lahik nao kayua bruk đô thị hóa tal bruk kurang pandap tamo piah ngak, bruk suai palagaih haong kinh tế darak pasa saong rai ranaih takik urang caik hatai sangka tal bruk ngak lan am.

Bruk UNESCO vak angan ilamo ngak lan am di urang Cam tame harak angan inem krung ilamo njauk khik ramik samar drah sa mbang tra hu brei mboh bruk taong yaom glaong di dunya ngan haong dom yaom glaong ilamo di Việt Nam. Tapa nan yaih khan tal ayut saabat dunya dom inem krung ilamo hadah krah di bhum taneh duyên hải Nam Trung Bộ. Vruk vak angan nan meda patagok dom jalan ngak siam lagaih piah khik ramik, pamadeih prein khang di inem krung ilamo, daong cak rok patagok kinh tế, ilamo tui jalan khang kajap, ma-om bak di dom puk palei, dalam bol bhap rahra. Ini lac inem krung ilamo oh maong mboh di meta ka 15 di Việt Nam hu UNESCO vak angan./.