Bimon ini daok tapen jalan raoy 1A, biak mbuan lagaih piah pambuak haong bruk cak rok patagok du lịch, min rilo thun tapa dom siam lagaih ini jeng oh ka hu cakrok patagok. Nan lac asal dalam kadha vak di Đoàn Sĩ – urang vak di rayo sap ndom Viet Nam daok di TP.HCM:

Pabah mbang tame labik bimon kreik sil, gah dalam mblang bein phun glai phun hareik tamuh bak, dom klaih kiak di bimon daok khut, tapaok… nan lac dom hagait bo khaol dahlak mong mboh hu tuk yam takai tal labik inem mek pakat negar biak karei ini. Tui panuac khan di mikva daok jaik taphia baoh bimon ini, dom thun dahlau diah daok hu manuac urang tame ini jah hareik, kaoh phun glai, puh ramik min dom thun jaik di ini oh daok mboh tra.

 Ong Nguyễn Văn Tuấn, Phaok akaok UBND xã Bắc Phong, huyện Thuận Bắc, tỉnh Ninh Thuận brei thau:  "Bimon ini daok dalam xã min xã oh khik iek nyu. Bimon ini kayua  Sở Ilamo, The thao saong Du lich tỉnh Ninh Thuận khik iek, lac inem mek pakat negar, Sở khik iek, puk palei oh gaok tame".

  Labik inem mek  bimon Yang Kran daok dalam xã Bắc Phong, huyện Thuận Bắc hu Thủ tướng Rajaei brei angan lac inem mek pakat negar biak karei tui Quyết định ka 2499/QĐ-TTg harei 22/12/2016. Bimon ini hu padang ngak di abap VIII - IX, hu padang ngak biak gheih, mekre.

 Tuk vak tapa, dom gah chức năng hu peih ngak rilo bruk pasiam veik, kuac raok roh duah, padang ngak harak brei angan inem mek… piah khik ramik saong patagok yaom glaong di labik inem mek ini. Min kayua tukvak dui atah, dom labik di baoh bimon ini daok khut nao biak khang. Dalam nan baoh bimon kreh – sa dalam klau baoh bimon di labik inem mek ini nyu glut jaleih, urak ini tok daok dua baoh bimon nan lac bimon meraong saong bimon barak.

Dalam tỉnh Ninh Thuận daok hu bimon Pô Klong Garai (ban Phan Rang - Tháp Chàm) saong bimon Pô Rôme (huyện Ninh Phước). Dalam tuk dua baoh bimon nan hu urang Cam khik ramik, pambuak pagam haong rilo bruk ngak adat cambat tanarakun, abih di nyu lac adat mbang Kate, ye di bimon Yang Kran oh mboh rah tabiak dom bruk ngak adat halei, urang Cam jeng oh hu thei mai njuan yang pak ini. Ong Phạm Trọng Hùng, Akaok UBND huyện Thuận Bắc, tỉnh Ninh Thuận lac: "Labik inem mek bimon ini biak di nyu lac oh hu urang Cam sangka, min nyu nan jeng lac sa inem mek dak rai sajarah daok dalam bruk khik iek di gah ilamo".

 Piah khik ramik saong cak rok patagok yaom inem krung dalam tỉnh, abih di nyu lac dom inem mek hu brei angan lac pakat negar biak karei, tui ong Phạm Văn Thành, Akaok Jabat Khik ramik ilamo saong ngavom, Sở Ilamo, The thao saong Du lịch tỉnh Ninh Thuận, njauk padang ngak quy hoạch khik ramik saong cak rok patagok inem mek bimon Yang Kran. Ong Thành brei thau, tukvak anak tal, UBND tỉnh meda pambuak bruk haong Mentri Ilamo, The thao saong Du lich padang ngak quy hoạch tổng thể piah khik ramik, pasiam veik saong cak rok patagok yaom inem mek bimon Yang Kran saong bimon Pô Klong Garai, pambuak pagam haong cak rok patagok  bruk rivang ma-in Ninh Thuận tal thun 2030: "Tui bruk dak padang quy hoạch meda ba tabiak jalan ngak piah pasiam veik inem mek, padang ngak cơ sở hạ tầng, labik parang iek, peih bruk kuac raok, rok duah saong parang iek pandap panda yao klaak pambuak pagam tal inem mek bimon Hòa Lai. Meng nan, patagok hu siam mekre inem mek pakat negar biak karei bimon Yang Kran pambuak pagam haong bruk pachreih tuai damuai mai rivang ma-in dalam tukvak anak tal".

 Tui ong Nguyễn Thanh Hải, gru pato Sang bac Đại học Ilamo TP. HCM, caong khin peih bruk du lich di sa labik inem mek ye brei hu rilo kadha. Cambaih laih nan lac inem mek bimon Hòa Lai, yaom lac hu yaom biak prong gah sajarah, ilamo, padang ngak min dom công trình daok veik biak takik, kiến trúc saong pandap yao klak oh daok rilo, binah prong khut khat abih, glut jaleih abih. Kayua bruk pasiam veik hu ngak oh ka siam, nan ye oh ka brei mboh hu bruk gheih mekre saong yaom glaong di inem mek. Taphia nan, bruk oh lagaih saong kan kandah abih urak ini di bimon Yang Kran nan lac nyu daok atah dut haong dom labik rivang ma-in karei dalam tỉnh. 

  "Meda lac dom kadha piah cak rok patagok du lịch di inem mek bimon Yang Kran hu dom bruk oh ka lagaih, min meyah khaol drei hu hatai saneng saong jalan ngak cak rok patagok njauk meng dom jabat khik iek jeng yau dom menuac ngak du lịch ye meda pasiam veik hu".

  Pambuak tal bruk ba pandar inem mek bimon Yang Kran piah ngak kaya meda jang pandap panda du lịch di tỉnh Ninh Thuận, langiu di bruk patagok yaih khan inem mek bimon kalan yao klak jeng yau ilamu padang ngak biak karei di nyu, meda pambuak bruk haong gah đầu tư piah peih tabiak labik ravang me-in, pambuak pagam haong bruk pasiam veik inem mek. Baoh bimon yao klak daok klaak var dalam tukvak atah dhua jeng ba tabiak trách nhiệm di dom gah chức năng pambuak pagam tal, njauk hu bruk sangka, iek prong jang ngan haong sa inem mek pakat negar biak karei daok di dalam tỉnh./.