Nyaom daoh tamia Huong Champa di Dhar Kapol Van hoc nghe thuat bangsa Cam di Kapol Van hoc nghe thuat dom bnagsa takik di Ban raya HCM hu padang tagok di thun 1993 haong hatai caong khin hu sa mblang main  siam lagaih, daong ka dom urang takre daoh tamia bhap bini Cam hu labik pasram saong parang me-in.

 Harei camereip padang tagok, kapol tok hu 10 urang. Yaom lac gaok rilo kan kandah kayua kurang jien saong dom urang dalam nyaom thei jeng thivi thuvar haong bruk ngak min Akok nyaom lac NSƯT Đàng Quang Dũng kham merat dui pataom saong pato pasram piah khik veik kapol tamia.

Thun 2021, NSƯT Đàng Quang Dũng plang lahik nao, sa-ai Đàng Nguyên Vũ lac anek kumei kacua di ong  dang tabiak ngak bruk ka nyaom. Dom rairah nao dahlau patua veik saong pambuak haong dom rai hadei dalam bruk khik ramik ilamu tamia Cam di Ban raya HCM. Tal urak ini, Nyaom tagok hu jaik 30 urang bhian hu mbaok pasram. Langiu di bruk pasram saong padang kadha birau, nyaom ini daok caik tukvak pato pasram dom kadha tamia Cam ka dom urang birau tame. Pachreih dom urang ranaih umo patui bac megru, pasram patia, parang iek saong patagok bruk bac piah paglong bruk rik daong  khik ramik ilamu bangsa drei.

Urak ini, nyaom hu urang iek biak takre kayua dom kadha tamia birau saong parang me-in biak gheih, yau tamia “ Tagok bimon”, “ Tamia khan me-om”,  “Hội làng Chăm bên tháp cổ” kayua NSUT Đàng Quang Dũng padang ngak; kada dak dalikan daoh tamia “Apui ranam”…Oh lac hu da-a parang me-in duh ka bhap bini di Ban raya, Nyaom daok hu da-a nao parang me-in di dom labik jaik taphia.

Đàng Nguyên Vũ, Akok Nyaom daoh tamia Hương Champa khan lac: “Nyaom drei urak ini tok hu urang Cam, rilo umo thun karei di gauk , meng uranaih, sinh vien hu taceo pato di dom anai dom cei naih hu rilo ilamu ka daoh tamia Cam patoa veik ka dom ayut bac pasiam. Dom uranaih di Ban raya HCM hu lagaih bac thau ka ilamu bhap bini, ilamu Cam saong meng nan dom ayut mboh takre”.

 Dalam raidiuk, yaom lac yaok urang sa bruk ngak, labik daok atah di gauk, yau nan min, tuk hu bruk ieu pasram daok tamia ye dom urang dalam nyaom brei mai pataom , abih hatai pasram.

 Labiah 30 thun ngak bruk, caong khin ba ilamu Cam yaih khan tal dom bangsa adei sa-ai dalam negar, Nyaom daoh tamia Huong Champa kham merat hu mbaok  tame dom bruk ilamu nghe thuat uan raok dom harei le, tet di taneh ia, dom mbang jum pataom pakat negar. Abih di nyu, Nyaom mek hu giai thuong meng dom nyaom pataom pakat negar, dalam nan hu: Huy chương pariak Harei pataom Pakacah Rayo papar binguk pakat negar ngan haong danak dak daoh tamia “Tháp nắng quê hương”, dalikan daoh tamia “Apui ranam”; giải A tamia “Ribau bingu paling tagok Wa Ho” di Festival bangsa Cam di Hà Nội; huy chuong ameh dom kadha tamia “Trống hội Play Chăm”, “Khăn matơra”…

  Pho Akok Kapol  VHNT dom bangsa takik TPHCM - Tiến sĩ Phú Văn Hẳn cho biết: “Khol dahlak bika hadah mbaok meta ngan haong bruk ngak hu jak jeng di Nyaom daoh tamia Huong Champa…”

Nyaom daoh tamia Huong Champa di bhap bini Cam di Ban raya HCM daok rik daong yaih khan, pambak praong tal bhap bini dom kadha daoh tamia, dak dalikan biak gheih di bangsa Cam. Tapa nan, daong khik ramik, patagok ilamu meng kan di bhap bini Cam./.