19h tuk melam car song melam adit yaok adit, labaih 50 adei umo meng  6 tal 14 thun di Bản Bó, phường Chiềng An, ban sit Sơn La hu mbaok ginup di tal bac akhar haroh Thái kayua gru Quàng Văn Hặc, urang jakar ilamu padeih hưu bloh mai pato ka dom adei. Piah khik ka tal bac njauk tuk bac , khik hu anek saih mai bac, pakat  uỷ, chi bộ palei brei ka gru song anek saih nyim hội trường sang ilamu palei piah bac. Langiu di dom adei lac urang bangsa Thái, tal bac dok hu dom adei lac bangsa Kinh dok dalam palei jeng mai bac. Tapa tal bac ni, gru song anek saih mong khik hu sap ndom, akhar haroh di bangsa drei. Adei Lù Thị Hồng Vi, sa anek saih di tal bac ini brei thau: 

 “Anek angan Lù Thị Hồng Vi, anek mai ni bac haroh Thái, anek bac hu 4, 5 adit, urak ni anek thau haroh ye, anek kham merat bac naih joi piah yau ong muk pato anek harei ni.

             Gam song tal bac haroh Thái di ong Quàng Văn Hặc, sa tal bac karei kayua ong Lường Văn Pản, sa urang thau cambaih sap ndom, haroh Thái dang tabiak pato, jeng hu pato ka labaih 20 urang hu umo meng 18 tal 65 thun. Dom ong, muk yaom lac umo prong, bruk ngak jar var, min kham merat tame bac saong hatai caong khik ramik  veik sap ndom akhar haroh ilamu bangsa drei.  Ong Cầm Văn Lạc, sa urang bac di tal bac brei thau:

 “ Yaom lac prong thun ye, min hulin khin thau haroh Thái, nan ye  kham merat mai ini bac. Urak ni, hulin vak hu, bac hu, nao sang hulin puac dom baoh tapuk ka dân ca Thái. Urak ni thau ye, hulin pato veik ka anek taco piah thei jeng thau akhar haroh Thái, piah ba gauk khik ramik ilamu bangsa drei..”    

Ilamu Thái biak gheih, biak rilo. Kan kandahdi gru pato song anek saih di labik ni lac dom adei thau sap phổ thông rilo jang sap bangsa, gru pato oh hu ilamu pato. Min meng hatung hatai di drei, dom gru iek tui tài liệu giáo trình pato haroh Thái di pasak pato megru thường xuyên tỉnh Sơn La, ba tame pato, ngak  ka urang bac mbuan thau, mbuan kanan . Dom gru jeng hu caik rilo tuk vak langyah atau lang tabiak sap phổ thông piah ka dom adei thau jang. Tapa nan, hadei di jiak 3 bilan, dom urang bac di tal bac puac hu, vak hu, hu urang eng drei roh duah dom tác phẩm trường ca bhap bini  Thái  yau  “ Xống chụ xon xao, Tâm tình tiễn thương, Khun Lú nàng Ủa”. Ong Quàng Văn Hặc, gru pato tal bac haroh Thái di Bản Bó, Phường Chiềng An, ban sit Sơn La brei thau:

  Anak tal hulin khin pato haroh Thái ni ka mik va dalam palei, dom kamuan thei khin bac hulin  kham pato. Hulin cong urang halei jeng thau ka sap ndom akhar haroh di bangsa drei. Abih di nyu nan lac dom anek kamuan hadei ni brei thau sap ndom akhar haroh di bangsa drei, meyah oh thau ye nyu mbuan lihik nao tui thun bilan .

          Dom tal bac halan hatain di bản Bó  biak njauk iek prong, kayua gru pato meng hatai takre, oh mbang  jien ndua hagait, anek saih mai bac piah duah veik akhar haraoh di bangsa drei bo ong muk caik veik. Bruk pachreih ba dom urang nan, lac bruk cong rik dong pren yava khik ramik sap ndom, akhar haroh di bangsa drei./.