Thuy Linh
Khik ramik ragam daoh bhapbini Sán Dìu
Hu padang tagok meng thun 2008, kalup kapul daoh ragu bhapbini Sán Dìu di xã Giáp Sơn (huyện Lục Ngạn, tỉnh Bắc Giang), lac libik taom gaok di dom urang takre ragam daoh di bangsa, saong meng dom urang nan yaok harei khik ramik saong pato veik ka rairah hadei ilimo di urang Sán Dìu.
|
Sa dalam dom bruk ngak gam gam di kalup kapul daoh ragu bhap bini Sán Dìu lac peih dom var daoh dalam palei, di dom palei saong gauk, daoh nao mai tui ilimo mengkan di urang Sán Dìu. Bruk daoh hu peih tabiak meng bruk anek kumei mai sang daoh salam saong likau po sang hu daoh nao mai. Dom kadha daoh salam tuai, daa tuai daoh nao mai di likei saong kumei jeng hu dom urang dalam kalup kapul daoh nao mai saong gauk. Pachreih abih dalam bruk daoh mein di urang Sán Dìu lac bruk daoh nao mai dalam ging di dom yau likei kumei. Di ini, dom yau likei kumei brei mboh sap daoh gheih di drei tapa dom ragam daoh ye : daoh lang cieu, daoh pauan po sang, daoh pok meyaom raidiuk, tadhau auh palei pala siam mekre trei sir. Dom urang dalam kalup kapul daok daoh saong pasram bruk daoh nao mai di likei kumei, jalan daoh biak gheih di ragu daoh bhap bini Sán Dìu. Tapa yaok panuac daoh, rilo kumei likei hu thau gauk, meng di nan caik hatai anit gauk. Dom mbang daoh mein jeng lac tuk piah dom urang di kalup kapul bac megru saong khik ramik dom ragam daoh bhapbini di bangsa. Saai Nguyễn Thị Kỳ, Tổ trưởng ragu daoh bhapbini palei Bèo, xã Giáp Sơn, khan lac : “tal harei ia bilan bak baok, adei saai kumei pataom gauk, nao dauh thau dom kadha daoh mengkan, pasram daoh saong gauk piah pato veik dom ilimo yau dom urang nao dahlau hu ngak”. Kuhria tal urak ini, kalup kapul daoh ragu bhapbini Sán Dìu, xã Giáp Sơn hu labaih 60 urang . Chủ nhiệmkalup kapul Trần Văn Ba brei thau : rilo urang hu kak kajap saong kalup kapul yaok pluh thun, duah tal gauk dalam hatai ranam saong takre kadha daoh di bangsa. Dom urang nan lac menuac daok khik dom kadha daoh, ragam daoh bhapbini Sán Dìu tapa rilo tài liệu, baoh tapuk hu roh duah, biên soạn. Sang ilimo palei Bèo, xã Giáp Sơn, tal harei thanecar, harei adit, dom urang dalam kalup kapul peih dom var bac ragam daoh bhapbini ka dom adei sit dalam palei. Meng dom tan bac yau ini bo urak ini di palei Bèo hu jaik 20 adei sit thau, meda daoh saong daoh yaok ratuh kadha daoh bhapbini Sán Dìu. Bruk nan daok rik daong khik ramik dom kadha daoh bhapbini, patagok dom yaom ilimo di bangsa Sán Dìu dalam raidiuk barau harei ini./. |
Viết bình luận