Jeng lac daoh ragu bhap bini yau doh ví, doh dặm, doh ca trù min doh nhà tơ dok ieu lac doh cửa đình di Quảng Ninh biak karei song urang pang. Hu mboh song patagok meng dahlau CM bilan 8 di bhum urang Kinh tapen tasik Đông Bắc, janih daoh ndung bak adat cambat ni, lac bruk oh kurang hu dalam rija akaok thun di dom đình làng di Quảng Ninh. Song hatai cong likau yang mebang sraong dong ka mik va dalam palei hu siam merke, khang kajap pren yava, hajan siam, ngin lagaih, pala drak njauk, dom kép doh meda doh luac melam, dui atah luac dom harei rah tabiak rija roya. Tuk daoh dalam sang ieu lac doh nhà tơ, doh di dom đình làng ieu lac doh cửa đình.

Doh nhà tơ, doh cửa đình urak ni dok hu mboh di dom xã tapen tasik Vân Đồn, Hải Hà, Tiên Yên di tỉnh Quảng Ninh, abih di nyu nan lac 2 xã bhum tapen negar lac Vạn Ninh, Quảng Nghĩa (ban sit Móng Cái). Ong Nguyễn Quang Vinh, Akaok kapul văn nghệ bhap bini tỉnh Quảng Ninh brei thau:

Asar di doh nhà tơ cửa đình hu meng bhap 13, nan lac hadei di tuk ong Lý Thường Kiệt ieu pataom menuac meng gah kreih negar tabiak ni piah pataom bol lin meng caik veik bruk ni. Ka 2 lac bhap bini drei  meng gah kreik negar, rilo meng lac Nghệ An, Hà Tĩnh, Thanh Hóa song Đồ Sơn, Hải Phòng tal labik ni ngak ikan meng padeih takai di labik ni. Hadei di nan, bhap bini di labik ni padang sa đình thờ hadar phol urang buh pren yava ka taneh ia. Vạn Ninh lac sa dalam dom labik camereip doh nhà tơ, cửa đình, sa labik di Quảng Ninh hu đình thờ Lý Thường Kiệt.”    

Ong Nguyễn Quang Vinh dok brei thau doh nhà tơ, doh cửa đình tabiak meng doh trù Việt Nam. Gam song dom ca nương, trống chầu, phách song campi đáy, min 2 janih ni hu rilo kadha karei di gauk, ba mai dom đặc trưng nghệ thuật karei. Meyah doh trù, urang pan chầu lac urang pan akaok mbang doh ye dalam doh nhà tơ, doh cửa đình urang doh lac urang pan akaok, trống chầu tok phụ đệm tui urang doh. Sa bruk karei mboh cambaih laih tra nan lac doh tamia nhà tơ, doh cửa đình hu tamia pok gilau, pok bingu, pok dil tagok dom pô yang song labik tamia tok rah tabiak di dom đình làng dalam harei rija akaok thun. Yaok kép doh bhian hu 5 urang, dalam nan hu sa ong kép paik campi đáy, sa quan viên tong hagar chầu song 3 đào nương salih gauk doh.

Khol hulin mai palei biên giới Vạn Ninh di ban sit Móng Cái njauk tuk dom nghệ nhân bhap bini daok pato pasram ka dom urang daok ranaih umo di kalup kapul palei Nam, xã Vạn Ninh. Ndik tapui tabiak song prong tagok di bhum tapen negar kan kathaot, dalam hatai di nghệ nhân bhap bini Hoàng Thị Thảo umo 80 thun, bruk megru doh nhà tơ, doh cửa đình pambuak pagam song dom biar harei daok pang amaik doh, livik livik harei njom tame dalam rup tapa dom mbang gam nao tong dặm gam doh, bloh takre tuk umo bahrau 15 thun

Tuk nan eik lipa jeng nao tasik, amaik nao doh mai amaik pato veik bac hu dom panuac ngak phun, daoh oh bloh,  doh ye mboh takre lo, thau bloh jeng bac, jeng megru bloh nyu njom tame dalam hatung hatai di drei. Nan jeng doh mboh biak takre.

          .Langiu nghệ nhân Hoàng Thị Thảo, kalup kapul palei Nam daok lac labik sinh hoạt di 2 nghệ nhân bhap bini Phùng Thị Gái song Nguyễn Thị Từ. Ni lac rai ka 3 di Vạn Ninh dok kanal, daok khik hu tong abih dom ragu doh saong dom ragam tamia meng kan.

Dom panuac doh tadhau yhut Yang mebang yau panuac salam, panuac pathau khan di kép doh song yang mebang hu peih mbaok mbang parang main. Nghệ nhân Nguyễn Thị Từ umo 84 thun brei thau:

Dahlau di abih brei tadhau ayuh pô yang bloh khin daoh hagait jeng daoh. Doh suan lac dusa song yang mebang, oh hu. Yam tame 18 quan viên, tadhau ayuh kaya meda, khang kajap pren yava. Tadhau yhut ka taneh ia, likau hagait hu nan, likau siam ka likei, siam ka kumei”

Hadei di kadha doh pok meyaom dom pô Yang, dom đào doh meda brei mboh bruk naih gheih di drei tapa dom kadha doh pato kakei brei abih hatai haongg pô Patau, pato pakai ka đạo đức, ka bruk thủy chung, pato kakei anek taco brei thau đạo hiếu, thau ka talei rohim puk paga. Dom kép doh patui gauk daoh 9 sap doh di doh tamia nhà tơ, doh cửa đình: sap thét nhạc, sap Thả, sap Phú, sap Ca trù, sap Hãm song sap Nhị. Dak lavik melam, sap doh di dom đào doh biak drut drui, lai li-an, dak brei mboh đẳng cấp, labik dang karei di gauk. Nao gam song dom lagu doh lac dom lagam tamia limin lamuac yau pok gilau, pok bingu song pok dil tagok dom pô Yang.

Yaom lac lagu doh di janih ni kan yau doh ca trù min kalup kapul doh tako bhap bini palei Nam di xã Vạn Ninh dak harei dak pachreih hu dom hội viên ranaih umo hu mbaok tame. Amuk Lê Thị Lộc, Chủ nhiệm kapul kapul doh tako bhap bini palei Nam brei thau:

Xã Vạn Ninh palei Nam khol hulin meng dahlau mai hu patoa meng saman ni tapa saman daih. Khol hulin jeng mboh dom adei saai kumei dalam palei biak pachreih tui. Camereip padang hu 18 hội viên, hadei di nan dom adei saai likau tame tal urak ni hu 42 urang. Kalup kapul dok ngak bruk yaok adit 2 , 3 mbang. Dom amuk, dom saai kumei luac harei nao tasik  min melam mai nao pasram daoh.

Khol hulin tabiak truh Vạn Ninh tuk livik melam. Dalam ia bilan akaok bilan labik tapen negar, sap doh di dom amuk, dom adei saai di angaok ar, dong ka jalan mai sang di khol hulin hu jiak veik. Page mesup, urang jeng daok tabiak hamu atau nao pablei salih di darak pasa piah duah jien ka rai duik min dom urang takre yaok panuac daoh, ragu daoh tamia nhà tơ, doh cửa đình daok njom tame dalam rilow drah, rong ba ka dom rairah hadei khik ramik inem krung ilamu phi vật thể di Quảng Ninh./.