Urak ini, dalam taneh ia hu 14 sang bac đại học sư phạm, 23 sang bac đại học đa ngành hu khoa sư phạm, 45 sang bac cao đẳng sư phạm, 4 sang bac cao đẳng hu khoa sư phạm saong 7 sang bac trung cấp sư phạm. Meng dom labik pato pakai ini, yaok thun, hu jaik 50 ribau sinh viên bac tamat gah sư phạm piah pabak bruk pato megru. Min, lượng oh nao gam saong chất tuk daok hu ralo kan kandah ngak ka dom gru pato taneh ia drei oh ka pabak siam bruk pato bac dalam tukvak barau. Jalan pato bac suai salih barau, ilamu dang pato oh ka samu gauk, kỹ năng ngoại ngữ, tin học oh ka naih gheih, kiến thức xã hội daok biar… lac dom điểm yếu mbuan mboh di abih dalam ralo gru pato urak ini.

Tui dom chuyên gia pato megru, bruk kurang ilamu song kurang đồng bộ dalam gah pato megru di dom sang bac sư phạm nan lac sa dalam dom makna ba tal bruk nan. Taphia di nan, bruk pilih ruah oh catang jeng ngak ka dom sang bac palih suan sinh vein. Min, tui meta maong di sa gru pato, Thạc sĩ Cao Văn Quang, giảng viên sang bac Đại học Khoa học Xã hội saong Nhân văn ban raya Hồ Chí Minh mboh lac, gru pato takik takre bruk ngak daok kayua sarak:

“Urak ini, jien bilan ka gru pato biak biar, oh ginup ka rai diuk di urang nan ye urang oh mbak carak saong gah sư phạm. Ka dua, bac bloh tabiak likau bruk oh mbuan hagait. Drei brei salih veik cơ chế ini. Ngak yau habar piah khik hu rai diuk ka gru pato, pachreih hu urang nao tui gah sư phạm”.

Daok tui Tiến sĩ Hoàng Mai Khanh, akaok Khoa pato megru, sang bac Đại học Khoa học Xã hội saong Nhân văn ban raya Hồ Chí Minh ye gah pato megru yaom lac biak kham merat min jeng oh ka paglaong hu chất lượng taong abih di dom gru pato kaayua daok kurang rilo kadha praong. Amuk Khanh lac:

“Hu sa kadha oh ka ba tame dalam dom khóa pato megru saong paglaong ilamu ka gru pato. Nan lac patagok dom yaom glaong saong dom kỹ năng. Meng bruk trải nghiệm nyu jeng yaom glaong di drei, gru pato meda daong ka anek saih di drei trải nghiệm saong jeng dom yaom glaong diuk rai. Bruk nan brei hu sangka jang”.

Taong yaom chất lượng dom gru pato urak ini, phaok giáo sư, tiến sĩ Trần Khánh Đức, Viện Sư phạm Kỹ thuật, sang bac Đại học Bách khoa Hà Nội nom lac: dom gru pato naih gah chuyên môn min yếu gah kỹ năng mềm jeng yau kiến thức xã hội. Saong kayua kurang nan ye tuk pato, urang oh pambuak hu saong urang bac, oh pato hu ka anek saih jalan sahneng gheih, meng nan dom tuk dang pato nyu jeng đơn điệu, nhàm chán. Gru pato meda pato siam tuk pabak hu gah chuyên môn saong gah sư phạm. Khin hu yau nan, dalam tuk salih barau đồng bộ, gah pato megru brei hu dom điểm nhấn praong. Phaok giáo sư, tiến sĩ Trần Khánh Đức lac:

“Hu 3 điểm nhấn. Ka sa lac điểm nhấn đầu vào. Dom sang bac brei palih ruah anek saih njauk menuac lagaih saong gah sư phạm. Bruk salih barau ka dua nan lac danak dak pato pakai gru pato di dom sang bac sư phạm. Brei salih barau căn bản ka gah cấu trúc gam nội dung. Điển nhấn ka klau nan lac bruk palih ruah saong pandar gru pato hu cơ chế ka gah chứng chỉ hành nghề”.

Anak panuac tangi sua “ngak yau habar piah paglaong chất lượng dom gru pato piah pabak siam bruk salih barau pato megru dalam tukvak anak tal”, Tiến sĩ Nguyễn Quốc Chính, akaok mban Đại học saong hadei đại học, Đại học quốc gia ban raya Hồ Chí Minh ndom lac, yaok sang bac sư phạm brei padang sa bộ chuẩn đầu ra ka dom gru pato iek tui 3 tiêu chí: ilamu, kỹ năng saong thái độ. Tuk nan sinh viên meda mboh hu yaom glaong di bruk pato bo drei daok tui bac piah hu jalan pasram megru dom kiến thức, kỹ năng pabak ka bruk ngak hadei ini. Ong Chính brei thau

“Kol drei brei padang hu sa bộ chuẩn đầu ra biak cambaih laih. Iek tui bộ chuẩn đầu ra nan, kol drei meda padang atau ramik veik danak dak pato megru, danak dak pato megru brei lagaih saong dom bruk kol drei caong. Min bruk nan bahrau lac sa binah. Daok binah patui di nan lac bruk palih ruah, chế độ đãi ngộ saong praong jang nan lac gam gam pato megru piah patagok kapul gru pato”.

Gru pato lac urang quyết định chất lượng pato megru. Kapul urang ini brei hu đầu tư tal labik tal dhua piah khang bruk ngak, joi kỹ năng. Hu yau nan urang meng jia tame bruk pato pakai dom tal anek saih tiến bộ, tui dil bruk salih barau di xã hội harei ini./.