Ong Phan Bá Hoan, daok di bal Phan Thiết brei thau, dom bruk ngak srau dhau, palai pajoa di dom urang quá khích dalam dom harei tapa nan lac bruk ngak suan adat hukum saong oh chấp nhận hu. Kayua yau nan ye, công an khởi tố bruk ini nan lac njauk hatai ralo bhap bani pak ini: Gar jalan mbak oh nao mai hu nyu pambak tal bruk ngak mbang kinh tế, urang pablei salih lợi dụng, pacang jalan ngak ka pandap panda tagok yaom, blaoh kol kanjah jhak pagam pambak tuk nan piah klaik mek pandap panda. Blaoh nyu daok patui bruk nan nyu palai pajua darp ar karja jeng lac drap ar di bhap bani drei. Bruk ngak yau nan dahlak oh njauk hatai.

Ong Đỗ Văn Tuyên, daok di huyện Thống Nhất, tỉnh Đồng Nai brei thau: ong hu mong nao mong mai ralo mbang clip angaok mạng xã hội jeng mboh manuac urang pataom gauk lac piah phản đối dự thảo Hukum Đặc khu saong Luật An ninh mạng min oh thei thau hu dom urang nan phản đối hagait bo tok mboh parah patau tame cảnh sát, palai pajoa labik ngak bruk di karja, cuh radaih công vụ blaoh ngak gar jalan mbak. Kayua yau nan ye, bruk  lợi dụng piah ngak srau dhau, palai pajoa drap ar di Karja jeng yau di bhap bani nan lac bruk ngak suan adat hukum njauk langyah tui adat hukum: Bhap bani hu quyền ndom tagok quan điểm, hatai saneng di drei min njauk ngak tui jalan siam gheih di abih tui ralo jalan ngak karei di gauk. Praong di abih lac njauk khik hu an ninh trật tự oh njauk lac tabiak jalan ngak srau dhau, palai pajoa yau nan. Tapa nan, puk palei drei, bhap bani drei, taneh aia drei khut khat).

Sangka tal dom kadha prong di taneh aia saong caong khin rik daong panuac ndom di drei piah ka dom dom adat hukum hu daong ngak ka rai diuk hu siam mekre jang nan lac brei mboh hatai ranam taneh aia. Min oh njauk lac kayua yau nan bo caik ka urang karei dui hua, pacuh pajarak saong lợi dụng hatai ranam taneh aia di drei ba tal dom bruk ngak suan adat hukum. Sa-ai Nguyễn Nam Ngọc, daok di bal Vũng Tàu tỉnh Bà Rịa – Vũng Tàu ndom lac, tapa bruk ini, yaok urang drei njauk saneng veik ka nyu cambaih piah mboh jalan ngak di kaol kanjah jhak caong ngak ka srau dhau, ba hận thù mai dalam xã hội: Sa-ai lac: Dalam yaok urang Việt Nam thei jeng hu hatai ranam taneh aia, bruk brei mboh hatai ranam taneh aia nan lac siam. Min khaol drei ranam taneh aia jeng njauk tuk, njauk labik, oh njauk lac trun jalan ngak kan kandah tal bruk nao mai jan sang cuh radaih karja. Khaol drei ranam taneh aia tui njauk lý trí saong hu dom bruk ngak siam juai caik ka kaol kanjah jhak nyu katung dui ngak srau kadau an ninh trật tự. Tui dahlak bruk ngak nan oh brei mboh hatai ranam taneh aia bo nan lac palai pajoa. Karja drei njauk langyah catang dom urang cố tình ngak srau kadau, palai pajoa drap ar di urang karei.

Anak dom panuac kakei juai pataom gauk ralo saong brei thau hatai saneng di drei njauk labik njauk tuk, ralo urang sua tangi lac: labik nan lac pak halei? Bo, nan dahlau abih lac di dom mbang mek panuac rik daong ka dom dự thảo, dom ghi nhận ý kiến cử tri di dom jabat thông tin đại chúng, dom mbang taom gaok cử tri di đại biểu HĐND, Quốc hội saong dalam dom van taom gaok bhap bani di jabat karja. Amuk Nguyễn Thị Cần, sa urang daok di quận Bình Thạnh, bal raya HCM ndom lac: Bhap bani oh kurang hagait dom labik piah brei panuac tame dom jalan ngak, sarak di Đảng, karja. Juai lah pachot kaol kanjah jhak gah langiu nyu pacuh pajarak ngak ka drei srau dhau. Taong abih mikva drei njauk bình tĩnh juai caik rah tabiak bruk oh siam ka taneh aia palei negar, piah ka bhap bani drei hu tani tanat chính trị - xã hội, rai diuk hu siam mekre.

Pataom gauk ralo menuac meda ba tal srau kadau, jhak tal rai diuk bhap bani saong mbuan si njauk urang lợi dụng, pacuh pajarak. Yaok urang drei njauk bình tĩnh, saneng kuhria ka nyu cambaih saong palih ruah njauk jalan piah ndom puac, brei mboh hatai saneng di drei ka dom kadha prong di taneh aia. Yau nan, dom panuac rik daong meng hu tui pang, meng hu sangka./.