Mbaoh tangin tame harak pambuak bruk pacang cakak apui khuah glai 

Pandiak bhang dui atah dalam luac tukvak tapa ngak ka mbaok aia di dom baoh ribaong, kraong dalam Khu khik ramik thiên nhiên Lung Ngọc Hoàng trun biak biar. Di rilo labik, hareik thu, hala dhar thu pataom jeng tal biak kapal, talei sro vin taom dhar phun khlam (tràm) daok thu ka-iu, jruh hala. Ong Nguyễn Quốc Toàn, Phaoak akaok jabat Khik caga glai dalam Khu Khik ramik thiên nhiên Lung Ngọc Hoàng brei thau: kayua thun ini pandiak bhang khang jang dut haong tukvak ini thun dahlau nan ye ngak ka phun khlam (tràm) dalam glai njuk aia samar, pambuak haong angin khang daok ngak ka dom labik tanu tambok, glaong di Khu khik ramik hu hala dhar thu yau urak ini. Meyah langik tasik yau ini ye akaok bilan 3 tal, tui kuhria  bruk khuah glai pak ini meda tagok pakat 5 – pakat biak mbuan si khuah di abih. Meng dahlau Tết, mboh lac thun ini tua riya pandiak bhang khang, mbuan ba tal khuah glai nan ye Mban Khik iek Khu khik ramik thiên nhiên Lung Ngọc Hoàng hu tacei pato dom gah ba tabiak dom jalan ngak pacang caga apui khuah glai:“Urak ini mbaok aia angaok glai thu abih, mbuan ba tal khuah glai. Urak ini khaol dahlak brei menuac hu mbaok khik iek 3 bilai sa harei. Daok kapul pasang iek chuyên trách jeng brei nao pasang iek 2 mbang. Dom jamriak mac bơm tràn, mac padam khuah jeng hu caga bloh”.

Mban Khik iek Khu khik ramik thiên nhiên Lung Ngọc Hoàng hu tacei pato dom gah peih bruk khoanh dom labik mbuan rah tabiak khuah piah ngak jalan pacang cakak apui saong puh ramik ar ribaong ka nyu laneng lanoi piah ba aia, daong  gah chức năng ngak hu samar drah tuk rah tabiak khuah. Di dom labik tanu tambok, glaong hu tal hala dhar thu kapal ye dom lực lượng jeng bhian ba aia pruh piah ngak tathah saong hu độ ẩm ka glai. Taphia di nan, dom Balai pacang khik glai saong dom gah karei brei hu menuac khik iek  saong patagok bruk pasang iek, bhian trun nao mong iek, peih iek dom jamriak mac moc pacang cakak apui khuah glai piah caga pacang padam. Ong Nguyễn Thanh Điền- Akaok balai pacang khik glai Bửu Long dalam Khu khik ramik thiên nhiên Lung Ngọc Hoàng brei thau: kayua daok tame tukvak tabung glaong di bilan thu nan ye dom harei tapa, Balai hu ba caik 2 mac bơm njuk aia padam khuah, 3 sruh gilai saong 5 urang jakar, urang ngak salih gauk tui iek. Taphia di nan, balai jeng hu pataom tame pathau khan ka labaih 500 baoh sang daok jaik taphia glai paglaong akaok saneng pacang khik glai. “Thun ini bilan thu mai avar jang nan ye menuac di Balai jeng puh ramik ar ribaong, nao pasang iek khik caga khuah. Balai hu peih bruk pathau khan jak ba mikva, pambuak bruk haong karja palei peih ngak siam bruk pacang caga khuah”

Tui ong Lư Xuân Hội, Akaok Khu khik ramik thiên nhiên Lung Ngọc Hoàng: 9 thun tapa Khu khik ramik oh caik rah tabiak mbang khuah glai. Bruk ini ngak hu nan lac mai meng yaok thun tuk tame akaok bilan thu, Khu khik ramik hu ba tabiak jalan ngak piah pacang caga khuah glai saong parabha bruk ngak cambaih laih ka yaok urang, yaok jabat. Yaok thun pambuak haong Hạt kiểm lâm huyện Phụng Hiệp, karja palei peih bruk pathau khan pacang caga apui khuah glai ka jaik 1.500 mbang bhap bani hu mbaok tame, taphia di nan peih ngak sa mbang pathram hu cuh phun khlam (tràm) piah ka urang jakar, urang gah pacang caga khuah – padam khuah glai pathram bruk ngak di drei. Abih di nyu, dalam dom thun jaik di ini, kayua hu tỉnh Hậu Giang buh jien tame blei pandap panda trang thiết bị bahrau nan ye bruk pacang khuah, padam khuah glai labik ini dak harei dak hu paglaong. Dalam nan hu dom camera hu caik di labik glaong 23 m, pasang iek hu taong abih labik di Khu khik ramik. Meng camera hu brei mboh tapak tal urang jakar, urang ngak di Pasak Khu khik ramik nan ye bruk pasang iek, mboh hu apui khuah hu mbuan laghaih jang dahlau biak rilo. Ong Lư Xuân Hội daok brei thau lac: Bruk caga pacang yau puh ramik ar ribaong atau nao pasang iek hu khaol dahlak peih ngak gam gam, abih di nyu lac dalam tukvak tabung glaong ye gam gam khik iek. Dahlau, dalam, hadei di Tết bo abih di  nyu lac dalam tukvak Tết, gaok tuk mai hu mboh dom urang dauk tame glai nao mek dang ko, yau nan ye khaol dahlak caik hatai tal bruk nao pasang iek piah pacang khik glai, takik brei manuac sia nao tame glai. Bruk pandar apui dalam glai ye pacang klaoh”.

  Khu khik tamik thiên nhiên Lung Ngọc Hoàng hu Thủ tướng raja-ei mboh tangin brei padang di thun 2002, hu mblang taneh vùng lõi labaih 2.800 ha, hu mong yau hala phổi hijao  di taong abih bhum taneran kraong CL. Langiu di nan labik vùng đệm hu mblang taneh labaih 8.800 ha dalam nan hu sa binah mblang taneh dom xã daok jaik taphia nan lac Phương Phú, Hiệp Hưng, Tân Phú. Dalam labaih 500 janih phun, drei athur daok hu khik ramik pak ini hu biak rilo janih quý hiếm./. 

Urang lang: Jasi - 29/2