Ong Danh Phai, sa urang tari tarieng di Kapul daok di palei Hòa Hớn, xã Định Hòa yaom lac umo labaih 50 thun min ong jeng rami ramik bruk sang danaok, caik tukvak saong dom adei sa-ai dalam kapol piah ngak siam bruk padang tatua ngak pahala. Hu tuk nao ngak tatua di dom palei atah sang, page nao, biar harei mai min ong oh ka hu mbang halei luai, klak. Ong Danh Phai brei thau, meng akok thun tal ini, Kapol padang tatua ngak pahala di ong ngak hu 10 baoh tatua di dom xã dalam saong langiu huyện. Bruk ngak glaih glar min khol dahlak biak bui sambai kyua ngak hu bruk kein ka xa hoi, daong ka bhap bini abih di nyu lac dom bhum kan kandah noa mai hu mbuan lagaih jang:

“Dahlak sahaneng lac tuk ngak tatua salah blaoh ye bhum soc nan urang biak uan tabuan haong bruk ngak pahala di khol dahlak. Kayua yau nan ye, meyah dahlak tavak bruk ye dahlak oh nao, daok oh hu bruk hagiat ye dahlak nao.”

#Tui ong Huỳnh Lạ, Phaok dhar kapul daong urang ruak kan kathaot xã Định Hòa ye bruk padang tatua ngak pahala hu dom urang dalam dhar kapul ngak meng livik mai. Min dahlau diah, tuk dhar kapul oh ka hu padang tabiak, dom urang nao ngak pahala meng hatai takre di drei, oh ka hu rilo menuac thau tal. Thun 2007, dhar kapul hu padang tabiak hu angan ieu, hu tổ chức ye meng nan hu rilo menuac thau tal blaoh hu mbaok tame. Urak ini, dhar kapul daong urang ruak kan kathaot xã Định Hòa hu 28 urang, dalam nan hu 11-12 urang bhian hu mbaok nao padang tatua ngak pahala. Yam tapa kan kandah dalam raidiuk, umo taha saong prein yawa oh daok khang kadang, yaok urang dalam kapol tuk halei jeng abih hatai haong bruk ngak. Yau nan ye, tuk Kapol nao tal halei piah padang tatua jeng hu mikva labik nan anit ranam, abih hatai daong. Menuac hu jien ye rik jien, menuac oh hu jien ye daong pren ngak bruk piah gam saong Kapol samar ngak salah blaoh piah ba tame pandar. Ong Huỳnh Lạ brei thau: 

 “ Tuk halei drei nao ngak tatua ye khan brei ka urang thau dahlau 3-4 harei piah urang ramik bruk sang danaok nao daong drei. Nao grauk labik, An Minh, An Biên, U Minh Thượng, bloh Cà Mau. Mboh bui sambai lo. Mboh mikva nao mai hu lagiah, blaoh meyaom, thau dhar phol drei, kol dahlak biak bui sambai, mai sang mboh chreih chrai lo.”  

Meng bruk ba gauk tame ngak, oh huac glaih glar di taong abih dom urang  nan ye dom thun tapa, Kapol padang tatua ngak pahala di Dhar kapul daong urang ruak kan kathaot xã Định Hòa ngak hu biak rilo baoh tatua betong ka bhap bini daok di dom palei dalam huyện saong dom huyện jaik taphia yau : Giồng Riềng, Châu Thành, Tân Hiệp, U Minh Thượng…Meng hu dom tatua betong khang kajap bo bruk nao mai di mikva hu mbuan sahanang jang, rik daong oh lac takik dalam bruk padang ngak palei pala birau di Kiên Giang; jhul bruk kinh tế -xa hoi di bhum taneh ini cak rok patagok, abih di nyu nan lac dom labik daok gaok kan kandah./.