Kiên Giang : kurang rabau gru pato di thun bac barau

         Thun bac barau  2016-2017 mai blaoh, taphia kan kandah ka cơ sở vật chất lac bruk kurang gru pato trak daok rah tabiak di tỉnh  Kiên Giang. Bruk ini rah tabiak hamiet jaik 10 thun ini, yaom lac gah pato megru tỉnh hu pandar rilo bruk pachreih gru pato, min bruk ini jeng oh ka siam, ngak kan kandah tal bruk bac megru di anek saih. Kadha vak di Lam Hiếu – urang vak di rayo sap ndom Vn daok di bhum taneran kraong CL.

-Di sang bac THCS Dương Đông I, di huyện pulao Phú Quốc, thun bac ini taduan raok jaik 2.300 anek saih, tagok jaik 300 anek saih duk saong thun bac barau. Yaom lac số lượng anek saih nao bac tagok, min dom tan bac saong biên chế gru pato oh salih  ngak ka sang bac ini tuk halei jeng ndih tame quá tải. Nai gru  Lê Thị Thu, Phó hiệu trưởng sang bac THCS Dương Đông I brei thau : Biên chế lac 52 tan bac lac urak ini sang bac daok kurang jaik 19 gru pato. Meng di nan dalam bruk  parabha  bruk ka gru pato jeng ye ramik labik daok ka dom adei, ramik ramik tan bac gaok rilo kan kandah ka sang bac.

Thun bac 2016-2017 huyện Phú Quốc raok labaih 18.000 anek saih mai bac di 3 pakat bac hu pato megru mầm non, tiểu học saong THCS, tagok 816 anek saih ngan saong 12 tan bac. Dalam nan, khối THCS tagok 471 anek saih. Dalam ngành urak ini hu 1081 urang jakar, gru pato duk saong định biên brei phép lac Phú Quốc jeng daok kurang 136 gru pato di klau pakat bac. Karei Ban giáo hiệu urak ini jeng daok  kurang 16 urang jakar, dalam nan hu dom xã Bãi Thơm, Cửa Dương saong Dương Tơ hu 3 sang bac Mầm non hu dak apdang barau min jeng oh ka hu Ban giám hiệu.

Đống Thành Đạt- Trưởng phòng pato megru huyện Phú Quốc ndom lac, dom thun jaik ini, bruk nhập cư  meng mbaok haluk tabiak pulao Phú Quốc tagok khang. Rilo sang hu ba anek tabiak Phú Quốc bac, yau nan ye dom sang bac njauk raok tuyển rilo anek saih di dom đối tượng ini. Rilo sang bac di dua pasak thị trấn Dương Đông saong An Thới jeng quá tải ban tal bruk kurang duk bac saong kurang gru pato .

      Anak bruk ini Phòng pato megru huyện Phú Quốc hu ba tagok pakat angaok paglaong biên chế gru pato ka Phú Quốc. Phòng jeng tacei pato dom sang bac hu số lượng anek saih tagok glaong, caga kan kandah meng bruk ghép tan bac, bố trí dom anek saih yaok tan bac rilo jang duk saong quy định di mintri pato megru .

      Tui Sở pato megru Kiên Giang, bruk kurang gru pato oh lac di Phú Quốc bo lac bruk chung di gah pato megru di Kiên Giang rah tabiak labaih 10 thun. Yaok thun bac, dalam ngành kurang jaik 1.000 gru pato. Dom thun dahlau, gru pato kurang rilo lac dom môn năng khiếu saong tin học di bậc trung học cơ sở.

     Amuk Nguyễn Thị Minh Giang, Giám đốc Sở pato megru tỉnh brei thau : bruk gru pato dalah – kurang cục bộ saong oh sumu gauk di dom ngành bac, pakat bac saong puk palei lac kayua Kiên Giang hu điểm xuất phát bair. Dom gru pato di tỉnh huy động meng rilo gah saong chắp vá yau nan ye piah hu dom gru pato gam catang gam pabak hu caong khin cơ cấu di dom ngành bac lac njauk peih ngak sua livik. Dalam thực tế kayua hu sa bộ phận gru pato đầu vào bair oh ngak njauk bruk ngak urak ini, yau nan ye tak tuk brei padheih hưu atau padheih sarak meng caga hu. Makna ka dua lac  qui định thẩm quyền ka jao biên chế ka bruk pato megru hu salih. Dahlau thiah kayua hội đồng bhapbini tỉnh quyết định. Meng tuk peih ngak Nghị định 41 ka labik bruk ngak lac thẩm quyền ini njauk kayua rajaei saong Bộ Nội vụ phê duyệt yau nan ye suai jang. Yau nan ye, meyah hu jao brei biên chế drak samal meng meda caga hu bruk kurang – dalah gru pato praong ye urak ini. Meyah oh ka hu biên chế atau peih ngak samal mbang pakacah tuyển lac uy mban bhapbini tỉnh saong dom gah chức năng njauk brei cơ chế hợp đồng ka giáo sinh bac tamat peih ngak ye hợp đồng 3 bilan tagok lac hu bảo hiểm paje piah khik takai dom adei ka tal mbang pakacah tuyển lac tuk nan meng khik hu dom urang ini. /

Thúy Linh