Ndom biai haong urang vak di rayo sap ndom Viet Nam, lambaok di Mintri Nội vụ brei thau, ngan saong dom urang oh ngak hu bruk, oh ngak salah bruk, oh ginup ilamu, prein yava, oh siam gah ndom puac daok dang… (meng lavik mai daok hu ieu lac “mesup pan payong nao, biar harei pan payong mai”), Hukum dahlau daih hu sarak piah klaak tabiak. Pasang iek gah bruk ngak, dalam yaok 2 thun gam meyah oh ngak hu bruk ye brei padeih bruk. Viên chức oh ngak salah bruk ye đơn vị sự nghiệp hu quyền brei padeih ngak bruk.

Min bruk taong yaom urang jakar, công chức, viên chức daok hu rilo kadha njauk ndom biai, daok huac urang ginaong, daok tui hatai sahneng. Kayua yau nan ye, 1 dalam dom asal kadha di Hukum pasiam veik mbang ini, lac langyah njauk  bruk  di nyu, ba dom jalan taong yaom meng pasang iek, meng bruk ngak hu tantu, cambaih laih.

Hukum pasiam veik mbang ini tabiak bruk lac, mbaoh tangin tame harak pambuak bruk ngak hu tukvak cambaih laih ngan saong viên chức salih ka bruk “oh hu tukvak” yau dahlau daih lac 1 salih bahrau dalam bruk khik ramik. Hadei di tuk Hukum pasiam, pabak dom paka di Hukum urang jakar, công chức saong Hukum viên chức hu ba tame ngak tui, viên chức hu pilih ruah meng harei 1/7/2020 mai ini hu mbaoh tangin tame harak pambuak bruk hu tukvak meng 36 bilan tal 60 bilan.

Lambaok Mintri Nội vụ brei thau lac bruk klaak “viên chức luac rai” meda ba mai siam lagaih ka urang ngak saong urang pandar urang ngak. Tui nan, labik halei hu jien bilan glaong, hu labik ngak bruk siam jang ye dui pachreih hu rilo menuac naih gheih jang. Pabak veik, urang ngak jeng brei kham merat piah ngak hu, ngak siam bruk hu jao brei.

Taong yaom ini lac 1 sarak siam, min tui lambaok Mintri Nội vụ, piah peih ngak siam sarak ini, brei hu bruk taong yaom biak tantu, cambaih laih di urang dang akaok. Khin taong yaom ka nyu njauk bruk ngak di urang, brei thau cambaih labik ngak, bruk ngak di yaok urang. Yaok bruk ngak brei thau biak cambaih trách nhiệm jeng yau jalan ngak bruk piah ngak habar tapa bruk ngak piah taong yaom. Padang tanut taong yaom di sa labik ngak bruk haong dom bruk karei di gauk, oh caik tabiak ka dom urang karei di gauk.

Jalan ngak, jalan sahneng di Đảng, Karja lac pamaong tal xã hội hóa dom đơn vị sự nghiệp công lập, nan lac yam tal cakak meneing “ia tasau” Karja. Urang halei oh ngak hu bruk atau lah ngak bruk ye labik ngak bruk karja nan hu sarak klaak tabiak saong dui pachreih urang naih gheih tame salih. Kayua yau nan ye, yaok urang ngak brei kham merat, eng drei salih bharau meng siam lagaih, kein laba di bruk ngak, piah oh njauk klaak tabiak. Meyah ngak siam, sarak nan hu daong ka labik pandar urang ngak pilih ruah njauk menuac tame labik ngak bruk, khik veik njauk menuac ngak hu bruk.

Lingiu di nan, meng sarak tacei tabiak cambaih labik bruk ngak, oh daok bruk “biên chế luac rai” meda ba tal bruk meriak gauk oh siam, oh samu gauk dalam darak pasar urang ngak, labik halei hu jien bilan glaong jang, hu jalan piah patagok siam jang ye viên chức meda duah nao tal labik nan./.

Urang lang: M.Phương  4/7/2020