Dua gah tapen kraong Bei Gon 

Kraong Bei Gon labik nduac tapa quận Bình Thạnh saong Quận 2 lac labik “giniuk” di abih. Labik kraong ini hu labaih 50 baoh sang glaong tal hu padang ngak blaoh saong daok hu padang ngak. Ini jeng lac labik quy hoạch padang ngak dom baoh chung cư pakat glaong, langiu di nan daok hu khu thương mại, duk ngak bruk, khách sạn 5 patuk, dom tổ hợp giải trí hiện đại… ngan haong mật độ padang ngak di khu đô thị jaik 35%, dom tal glaong hu brei padang ngak glaong di abih lac 55 tal (glaong samu 220m).

Daok meng tatua Bei Gon nao gah phường Thảo Điền, Quận 2 ye takai kraong njauk talei sang biệt thự pacang abih. Jalan tapen kraong labik ini lac jalan Nguyễn Văn Hưởng daok hu rilo gah mek panda, ngak ka labik công cộng jeng tapen du thuyền, labik daok pakat glaong, sang daok yaom glaong. Meng jalan ini khin nao tal takai kraong ye oh mbuan, kayua dom dự án padang ngak sang hu ngak pabah mbang tame, pacang barie khang kajap ngak jeng jalan nao di menuac daok dalam khu biệt thự. Labik ini hu menuac khik iek, urang karei oh brei tame.

Rah tui jalan Nguyễn Văn Hưởng hu tal 17 công trình ngak suan bruk padang ngak yau ye padang ngak rilo tal jang, padang ngak suan thiết kế. Yaom lac gah chức năng tabiak quyết định cưỡng chế, taoh klak labik ngak suan min jaik 2 thun ini mai, po đầu tư oh ka ngak salah. Pagap yau bruk po đầu tư dự án Khu biệt tự tapen kraong HOLM Residences (daok hu angan iew lac Thảo Điền Sapphire) di labik 145 Nguyễn Văn Hưởng njauk taong phạt hành chính yaom jien 1 tỷ đồng kayua lih tabiak kraong Bei Gon saong ribaong Ông Hoá. Rilo biệt thự jaik gauk di dự án ini mbaiy mbaok tabiak gah kraong, dom danao caluai aia, mblang ma-in thể dục thể thao jeng daok dalam mblang taneh pacang khik kraong Bei Gon. Bhap bani Quận 2 thei jeng duh hatai kayua labik công cộng njauk caik duh ka bhap bani ini ye urak ini jaik abih labik nan hu jeng labik di ta-eng urang. Ong Nguyễn Thế Anh, daok di phường Bình An, lac: Ini lac labik công cộng, brei ka taong abih manuac sia ye dahlak meng bui sambai yam takai tal, min dom labik diah mboh yau oh brei ka drei nan ye dahlak oh caong khin tame nan piah padeih takai, ma-in sambai”.

Tui Quyết định ka 22 thun 2017 di UBND TPHCM (quy định ka bruk khik iek, pandar hành lang angaok takai kraong, ribaong saong danao công cộng dalam bal raya) hu tacei cambaih ka hành lang takai kraong Bei Gon nan lac meng 30m tal 50m, tui labik. Min anak meta mboh lac, dom dự án padang ngak hu peih tabiak ngak dahlau di thun 2004 hu hành lang an toàn takai kraong oh samu gauk, hu labik tok lac 20m. Saong yaom lac hu tacei tabiak cambaih trách nhiệm khik iek di yaok jabat min hành lang pacang khik takai kraong Bei Gon jeng njauk lih mek suan adat hukum.

Sở Tài nguyên saong Môi trường TPHCM brei thau kayua cakrok patagok pandiak dalam tukvak tapa nan ye labik takai kraong Bei Gon padang ngak oh ka samu gauk, gam haong bruk khik iek oh catang dom kraong, ribaong nan ye tamuh tagok dom sang daok padang ngak jaik tapen kraong. Daok Sở Quy hoạch saong Kiến trúc TPHCM yaok pataom hu 83 dự án praong abih tih jaik 454 ha padang ngak sang daok, khu phức hợp sang daok pambuak haong bruk pablei salih, dịch vụ… di kraong Bei Gon. Ong Nguyễn Thanh Nhã, Akaok Sở Quy hoạch saong Kiến trúc ndom lac piah khai thác hiệu quả kinh tế meng dom dự án rah tui takai kraong ye brei hu khung pháp lý ka nyu laghaih, saong brei hu chế tài khang: “Dom puk palei njauk patagok bruk pasang iek saong langyah. Kham merat oh caik rah tabiak dom bruk yau nan dalam tukvak anak tal, daok dom bruk lih mek bo ngak jak tal jalan aia nduac atau dom hạ tầng kỹ thuật ye dom jabat chuyên môn meda hu panuac brei langyah taong abih jeng yau khik ka nyu tani tanat”. 

Ong Võ Văn Hoan, Phaok akaok UBND TPHCM taduan lac bruk khik iek oh ka siam daok ngak ka quy hoạch tapen kraong daok gaok biak rilo kan kandah. Bruk quy hoạch oh samu gauk di dom saman jeng lac makna ngak ka bruk khik iek oh ka siam mekre. Dom quy định dahlau di thun 2004 tok lac chiều rộng hành lang pacang khik kraong Bei Gon nan lac meng 10m tal 20m. Min ong Hoan jeng brei thau jalan ngak di bal raya lac oh brei adat ka dom công trình lih mek ar kraong, meblah mek không gian chung jeng labik di ta-eng drei. Ngan haong dom công trình ngak suan gah hành lang kraong hadei di tukvak hu quy định bahrau meda njauk ngak tui. Anak tal, TPHCM meda hu quy hoạch piah cakrok patagok labik tapen kraong. Ong Hoan lac: “Samar ngak quy hoạch piah cakrok patagok hạ tầng tapen kraong, meyah oh yau nan ye mbuan njauk urang lih mek, saong lahik cảnh quan tapen kraong. Labik halei ngak tapen pataok, labik halei ngak mblang bein, labik halei ngak jalan nao… taong abih bruk njauk kuhria ka nyu cambaih laih”.

Urang pal akaok bal raya njauk samar hu quy hoạch piah khai thác giá trị dua gah takai kraong Bei Gon duh ka bruk cak rok patagok đô thị, saong  khik ramik cảnh quan ka rai rah harei hadei, oh caik ka labik công cộng jeng di ta-eng thei. Yau nan ka meng ngak jeng sa mbaok meta bal raya samu gauk, gheih mekre, praong jang lac khik hu bruk nghiêm minh di adat hukum piah ka bhap bani ngak tui./.

Urang lang: Jasi-12/12