Dom harei tapa, urang daok di palei Thạnh Điền, ban sit Phú Lộc, huyện Thạnh Trị, tỉnh Sóc Trăng oh damen panuac meyaom ka bruk duan hu jien bayar veik ka urang ngal lahik di 3 adei lac: Đỗ Thanh Bằng, Trần Thanh Mới saong adei Lê Nhỉ Khang daok di palei Thạnh Điền, ban sit Phú Lộc. Dahlau di nan, harei 19/2 lac harei 4 bingun Tết, tuk nao mein Tết, adei Bằng, Mới saong Khang duan hu bóp jien jaik mblang radaih huyện Thạnh Trị. Hadei di nan, 3 adei ba bóp nan nao tal jabat Công an, piah duah bayar veik ka urang ngak laik. Tapa pasang iek, công an mboh dalam nan hu labaih 40 trieu dong saong dom janih harak gar di urang pô bóp nan. Tui nan, Cong an hu bayar veik ka amuk Dương Ngọc Diễm daok di Kiên Giang, urang ngak laik bóp nan.

Khan veik bruk dun jien dalm bui sambai kayua hu ngak sa bruk siam, adei Trần Thanh Mới, lac: Anek mboh biak bui sambai tuk bayar veik jien ka urang ngak lahik: "3 anek nao mbang baoh kayau, mong 8 nao sang. Nao tapa mblang radaih mboh bóp jien, 3 urang ieu gauk trun duan min oh thei khin duan. Bloh Ayut Phong trun dun. Khang pajeng dahlak  saong yar bóp ka anek, peih tabiak mboh hu jien. Ayut Bằng lac nao Công an khan brei urang thau."

          Patui panuac di sahabat drei, adei Đỗ Thanh Bằng lac:“ Drei lahik dom ribau daok damen, ye urang ngak lahik tal 40, 50 trieu,, urang haduh hatai thau hadom, sahaneng mboh yau nan blaoh khol dahlak ba nao bayar veik.”

Hu thau lac, klau adei jeng lac anek di sang kan kandah, sang jaik kan kathaot, kurang taneh pala drak, jien duah hu meng bruk ngak apah. Nan ye, dalam 3 adei, tok hu Bằng daok nao bac, Khang saong Mới njauk padeih bac ngak bruk daong amaik ame. Khang ye glang kubao;  daok Mới ngak phụ hồ saong ame, lingiu di nan daok nao caik halm nyul chap ikan atau ngak dom bruk karei piah duah jien daong amaik ame.

Da-a khol dahlak tame sang daning hala, tabung tauk ton, sa-ai Trần Thanh Liêm, ame di adei Mới brei thau, sang oh hu taneh pala drak, jien duah hu meng bruk nao ngak mbnang apah di dua diuk pasang. Sa-ai ngak thợ hồ, diuk phụ hồ piah duah var mbang tapa harei. Mboh amaik ame glaih glar, Mới padeih bac piah daong amaik ame duah jien kuhria ka sa-ai kumei daok bac tal 11 daok khin ngak gru pato mam non. Hu thau Mới saong dom ayut duan hu drap ar di urang ngak lahik ba nao ka cong an piah bayar veik ka urang ngak lihik, sa-ai Liêm haok ia meta uan tabuan: Uan tabuan tal haok ia meta, kayua anek daok sit bo thau sahaneng ngak bruk siam yau nan. Rilo melam sahaneng tal anek ndih oh var, uan tabuan lô ia meta nyu sre mai, oh thau ndem yau habar tra. 

Ndem ka bruk ngak di Bằng, Khang, Mới, ông Nguyễn Quốc Khanh, Bí thư chi bộ, Akok ban bhap bini palei Thạnh Điền brei thau, sang di klau adei jeng lac sang kan kandah, jaik kathaot, min daok dang ghieh ghang, salut mbuat, anit ranam mikva puk paga. Yaom lac glaih glar nduac ngak duah jien, duah var mbang tapa harei, min anek bik hu pato pakai, diuk rai siam mekre. Bruk bayar veik bop jien ka urang ngak lahik di harei 19/ 2  lac bruk njak meyaom  dom adei. Ong Khanh  brei thau, urak ini, karja palei daok jak ba dua adei Khang saong Mới nao bac veik. Ong lac:“urang siam njauk pambak praong, njauk pok meyaom, duan hu bóp jien di urang daok pak Kiên Giang. 3 adei ini, Khang sit di abih min thau sahaneng mboh. Bằng daok bac tal 10, Mới bac blaoh tal 9 min thau sahaneng lac halei di drei, halei di urang ngak lahik. 3 adei dun blaoh ba tagok cong an piah bayar veik ka urang ngak lahik.

Gah chức năng ban sit Phú Lộc, huyện Thạnh Trị, tỉnh Sóc Trăng hu peih bruk taom mbaok, pok meyaom ka klau adei Bằng, Mới saong Khang kayua bruk ngak siam mekre nan./.