Kuhria ta-eng ia pandar, tal tuk vak ni hu labaih 4.100 bingum dalam tỉnh thu lagu, ngak kan kandah trak tal rai duik di labaih 5.400 boh sang. Dom xã Ya Xier, Ya Tăng song ban sit Sa Thầy di  huyện Sa Thầy lac labik thu lagu kurang ia pandar  khang di tỉnh Kon Tum.

Meng labaih sa bilan ni mai, 69 boh sang di palei Lút, xã Ya Tăng njauk nao tapa palei karei likau ia mai pandar. Min palei halei jeng thu ia , mik va njauk  nao takac duah ia tapen kraong chraoh biak kan kandah gleih glar.

Anak bruk yau nan, Ban chỉ huy Quân sự huyện Sa Thầy brei 32 urang jakar, urang lin song brei 2 radeih bồn pajeng pabak ka bhap bini. Meng hu dom radeih ia di bộ đội, mik va oh dok gleih glar nao duah ia yau dahlau deih. Ong  A Tuấn, sa urang daok di palei Lút, brei thau

 “Bingun thu lagu oh hu ia meng labaih sa bilan ni mai. Mik va kuac raok veik jeng oh hu ia. Urak ni bộ đội ba ia mai ye mik va uan tabuan lo. Mik va biak thau dar phol bộ đội”.

Taphia bruk bruk pandar radeih bồn pajeng ia pandar tal bhap bini, Bộ chỉ  huy Quân sự tỉnh Kon Tum dok hu pambuak bruk song dom Ban chỉ huy Quân sự huyện, ban di tỉnh dong bhap bini kuac raok bingun, mek ia pak di labik nan. Dalam nan, Ban chỉ huy Quân sự ban sit Kon Tum hu kuac raok dalam hu 13 bingun ia di phường Trần Hưng Đạo, ginup pabak ia pandar ka labaih (yaok ribau?) sa rituh boh sang. 

Bruk dong ka bhap bini pacang pandiak bhang dalam tuk vak anak tal, đại

tá Đỗ Thanh Xuân, Chính ủy Bộ chỉ huy Quân sự tỉnh Kon Tum brei thau

 “Bộ chỉ huy Quân sự tỉnh hu tacei pato Ban chỉ huy Quân sự dom huyện, dom jabat, đơn vị dalam tỉnh tui iek bruk pandiak bhang  piah samar pathau khan ka Bộ chỉ huy Quân sự tỉnh yaok harei piah likau panuac tacei pato. Ieu pataom dân quân, tự vệ ba tal dom puk palei urak ni njauk pandiak bhang trak piah samar dong ka bhap bini. Anak bruk pandiak bhang dui atah urak ni  Bộ chỉ huy Quân sự tỉnh daok  hu mbaok saong tui panuac cong khin di puk palei, labik halei caong hu bộ đội  mai dong ye khol hulin tuk halei jeng halan hatain./.