Meng dom harei jaik Tet thun sak sau 2018, sang sa-ai A Kin daok di palei Dak Nong, xã Ngọc Tụ, huyen Dak To, tinh Kon Tum hu tame daok sang birau praong, siam, khang kajap. Sa-ai A Kin khan meyai dalm bui sambai: oh sahaneng lac drei padang hu sang kayua sang kan kathoat mbang oh ka trei. Sang hu padang tagok meng 30 trieu ndong jien di UNMTTQVN tỉnh Kon Tum daong gam saong 17 trieu ndong di sang sa-ai patak pataom hu saong mikva dalam palei rik pren tame daong ngak sang birau ka sa-ai A Kin meng Tet ini nao oh daok dalam sang taik tahak. Dalam baoh sang Jum pataom daok pahe cur birau, dom paok pandap bo dom kapol nyaom, xa hoi alin brei hu ba Tet mai aval jang ka sang sa-ai. Sa-ai A Kin khan lac: “ Urak ini, dahlak hu sang daok, dahlak mboh bui sambai, haniem phul. Dahlau diah, raidiuk kan kandah, daok dalam baoh sang taik tahak, urak ini hu Karja daong ka dahlak, dahlak biak thau dhar phol. Hadei ini kham ngak mbang patagok jang. Dahlak kham merat jang.”

Piah ka rilo sang hu bui sambai uan raok tet, oh daok baoh sang kan kathaot halei eik lipa, kurang mbang tuk Tet, karja di 102 xã, phường, ban sit di tỉnh Kon Tum peih bruk pasang iek tui jalan “tame tal yaok baoh sang” vak angan yaok baoh sang bhap bini mbuan kurang mbang, mbuan eik lipa. Ngan saong dom xã bhum atah bayah, bhum urang bangsa takik saong bhum taphia negar, bruk sangka caga Tet ka baoh sang kan kathaot hu jao brei ka karja palei, đơn vị daok pak labik nan saong dom đơn vị pambuak talei rohim haong yaok xã, yaok puk palei. Ong A Nhập, Phó akaok UB bhap bini xa bien gioi Dak Blo, huyen Dak Glei, palei hu 400 sang urang bangsa takik Gie-Trieng, dalam nan hu 160 sang kan kathaot, brei thau: “ Urak ini dom sang kan kathaot, sang sarak karja hu angan payua pandap dalam tukvak samar di abih. Akaok bilan 2, peih bruk alin pandap Tet ka dom sang kan kathaot. Jeng hu pasang iek duah thau sang kan kathaot halei mbuan gaok eik lipa tuk Tết. Langiu di nan, Ban thường vụ Đảng ủy tacei pato caga peih Harei pataom ahar bánh chưng di taong abih 4 palei bo abih di nyu nan lac sang kathaot, sang sarak karja xa biak caik hatai sang ka. Taong abih sang kan kathaot, sang sarak karja hu taduan raok Tet ginup oh kurang pandap mbang atau paok pandap Tet.”

Jeng di huyen Dak Glei, lac sa dalam dom huyen bhum atah bayah kan kandah abih di tỉnh Kon Tum, bruk oh caik brei sang halei iek lipa dalam tuk Tet Nguyen dan lac bruk daok hu karja palei brei ngak dahlau. Birau ini, hueyn hu kaoh tabiak meng kadung jien karja huyện 500 trieu dong blei 1.000 blah phui saong 700 ao am  ka bhap bini daok di 6 xã gah Barak di huyen, nan lac:  Mường Hoong, Ngọc Linh, Xốp, Đăk Choong, Đăk Blô saong Đăk Man. Ong A Thanh Sắc, akok jabat Lao động, Thương binh saong Xã hội huyện brei thau, ngan saong dom sang kan kathaot, dom urang mbang tui sarak daong xa hoi, đơn vị hu panuac tagok pakat angaok daong ka sang halei jeng hu Tet.

Gam saong karja palei, bruk kham merat daong di dom jabat, đơn vị, doanh nghiep saong tổ chức hội, kapul nyaom dalam bruk sangka Tet jeng ngak ka urang kan kathaot di tỉnh Kon Tum mboh bui hatian, sambai hatai. Thun ini, di taong abih dom palei urang bangsa takik dalam tỉnh hu peih Harei pataom ahar bánh chưng hijao. Bruk nan piah gam ba bui sambai Tet, taduan raok Xuan gam brei ka yaok sang urang kathaot hu takik di nyu sa gu ahar bánh chưng hijao mbang Tet. Mbiah tal tukvak ini, yaom lac daok labiah sa adit tra meng tal Tet, min hu bloh rilo mbang ba pandap tet nao tal mikva urang bangsa takik  di tỉnh Kon Tum. Ong A Vương, Bí thư Huyện ủy Dak Hà brei thau: “Dua bilan ini mai hu biak rilo kapol ngak pahala pambuak saong hueyn mai alin hadiah pandap tet ka urang kan kathaot, ka boah sang urang bangsa takik. Ub bhap bini huyen, MT huyen jeng hu harak payua dom doanh nghiệp Karja, dom doanh nghiep tư nhân, dom kapol nyaom ngak mbang di huyen rik jien tame ngak pahala daong baoh sang urang kan katahot, jaik kan kathoat. Langiu di nan, huyen jeng hu iew dom urang jakar yaok urang rik daong takik di nyu 50 ribau đồng piah peih ngak Harei pataom ahar bánh chưng hijao di dom palei urang bangsa takik ka mikva mbang Tet.  

Oh lac Tet jum pataom bo daok lac Tet klah rabha, Tet anit ranam, dalam tuk Tet sak sau 2018 ini, meda hu labiah 43.000 urang saong labih 34.500 baoh sang kan kathaot, jaik si kan kathaot di tỉnh Kon Tum hu daong brah, jien, paoh pandap Tet. “ Ba Tet tal bhum atah bayah, bhum kan kathaot”, “ Ba Tet tal urang kan kathaot” daok lac bruk praong hu tỉnh KonTum samar ngak salah bloh dahlau di tuk tame thun birau./.