Tok hu pluh urang, pandap panda jeng oh hu hagait, meng dom harei puac bilan 4, Kapul pathau khan  di pasak Ilamu tỉnh Kon Tum tagok jalan nao tal dom  bhum palei urang bangsa takik  dalam tỉnh piah pathau khan ka bruk palih ruah urang ka Quoc hoi mbang 14 saong Hoi dong bhap bini dom pakat, tukvak 2016 – 2021.

Sa-ai Nguyễn Thị Ngọc Hương, Akok kapul brei thau: gam saong bruk pathau khan brei bhap bini thau ka quyền lợi, bruk ngak di drei dalam harei palih ruah meng radaih peih loa jak ba gam haong dom thaot binguk, di yaok labik nao tal bhian lac tuk melam sup,  Kapul hu sa danak dak daoh tamia 15 kadha brei ka mikva mai maong iek. Dalam nan, dom khaw tin ka bruk palih ruah hu pablak tame siam, gheih piah mikva  mbuan thau, mbuan hadar saong mbuan ngak.

“ langiu di Pano, ap-phich, rup cih jak ba, Kapul hu padang sa danak dak daoh tamia . Langiu  dom kadha daoh pok meyaom taneh ia palei negar, pok meyaom Wa Hồ ye Kapul jeng hu padang dom kadha piah pathau khan ka Hukum palih ruah. Padang sa kadha tangi sua ka Hukum palih ruah. Tapa kadha nan, khol dahlak palih ruah dom panuac tangi sua biak lagaih ka bruk palih ruah”.

Thau lac pathau khan ka bruk palih ruah nan lac bruk chính trị praong, gam saong Kapul pathau khan di pasak Ilamu tỉnh, Jabat Ilamu, Brei thau saong Thể thao 10 huyện, ban di tỉnh Kon Tum tukvak ini jeng daok khik bruk ngak di dom kapul pathau khan xung kích. Piah ka urang taha, urang oh thau akhar huroh phổ thông jeng thau hu ka bruk palih ruah, dom Kapul pathau khan hu urang bangsa Bana, Sê đăng, Gie-Triêng…piah pathau khan tui sap bangsa, ba khaw tin ka bruk palih ruah ka nyu mbuan kanal mbuan dar tal mikva. Ong U Đê, bangsa  Sê đăng, sang daok di palei Kon Mong Tu, xã Đắc Tờ Lung, huyện Kon Rẫy hadei di tuk tui pang bruk pathau khan, ong brei thau:

 “Pathau khan yau ini biak mbuan thau, biak cambaic laic. Tal harei 22 bilan 5 cử tri umo meng 18 thun brei nao buh phieu palih ruah. Dahlak caong khin urang hu palih ruah nan lac manuac lambaok ka bhap bin, ngak bruk daong ka bhap bini ngak mbang cak rok patagok xã hội saong an ninh quốc phòng.”

Gam saong bruk pathau khan bruk palih ruah tal bhum atah bayah, bhum ceik car, bhum urang bangsa takik piah cử tri thau cambaih quyền lợi bruk ngak di drei dalam harei bầu cử Quốc hội saong Hoi dong bhap bini dom pakat  harei  22 bilan 5 anak tal. Bruk ngak di dom Kapul pathau khan jak ba meng pakat tỉnh tal pakat huyện dalam tỉnh Kon Tum daok daong ngak brei chreih chrai bui sambai dalam bhum urang bangsa takik hu labiah 53% bhap bini dalam tỉnh.  Ini jeng lac bruk praong piah ka harei palih ruah di tỉnh jeng harei roya di taong abih bhap bini./.