Muk Nguyễn Thị Thành brei thau, sang muk oh kaya meda hagait, jien duah hu meng bruk pah yot, ngak gaiy puh mbang pah ka dom cơ sở kinh doanh; pasang muk  Thành umo labaih  70 thun, pren yava oh siam kayua njauk jru mek klik kroic dalam dom thun mesruh metak pacang Mỹ. Min yaok bilan muk hu kaoh tabiak meneing jien di sang piah daong ka urang kathaot. Langiu di nan, muk dok jak bad om urang ngak pahla, auyt sahabah rik daong piah blei brah, pandap mbang dong ka 21 urang taha doksa drei, urang jaoh yo, urang buh pren ka cách mạng, amaik iệt sĩ. Yaok pok pandap saong yaom jien 250 ribau đồng sa bilan sa urang hu muk ngak meng jiak  4 thun ni mai.

          Oh padeih di bruk ngak pahla, dalam rilo thujn tapa, UBND xã Sông Trầu hu ba tabiak bruk rik daong kudung jien patak pataom di chi hội - tổ hội, dom kalup kapul dong phun jien ka hội viên urang kamei patruh eik patrun kathaot, muk  Thành halan hatain mek pok jien patak pataom hu labaih 20 triệu đồng piah dong ka urang kamei hội sang kan kandah hu mesriy jien piah ngak mbang. Dalam palei, muk  Thành kham merat hu mbaok tame bruk tong abih bhap bini dak padang rai duik ilamu di labik daok, puh ramik hacih saat môi trường, pataom mek hareik hareim, kuac raok jalan tathuak ia, ngak jalan nao mai di dom palei./;.