Tame bhum taneh Cư Pui, huyện Krông Bông daok jiak 20 thun ni mai, min labaih 500 boh sang urang Mông di palei Ea Rớt urak ini jeng daok pagam pambak tame ia langik. Kayua yau nan ye yaom lac tari tarieng ngak mbang min kayua taneh riya thu lagu nan ye bruk pala drak di bhap bini hu takik. Bahrau ni, hadei di tuk danao Ea Rớt (sa binah di kraong Krông Pách Thượng) hu peih pakak song ba tame pandar, hu ia rilo hadei ba mai bui sambai prong ka yaok ribau boh sang dok taom dar danao. Ong Nguyễn Văn Tâm, Akaok xã Cư Pui, huyện Krông Bông, sa dalam dom labik hu bhap bini hu kein laba tapak meng ribong Hồ Ea Rớt, lac:Hồ Ea Rớt hadei di tuk peih pakak song ba tame pandar hu pabak ia pruh ka huyện Ea Kar, min xã Cư Pui lac labik hu rilo boh sang daok taom dar danao hu palagaih ka urang palei Ea Rớt dok vil val dano, tapa duah thau bhap bini biak bui samba. Kayua danao tuk ba tame pandar hu pabak ia pruh ka taneh phun cà phê, cao su, amriak kalu di bhap bini. Meng nan daong ngak salih bahrau rai duik di rilo mik va urang Mong panduan mai dok di labik ni dalam dom thun tapa.

Krông Pắc Thượng lac danak dak krong ribong kayua Mintri ngak nong song patagok palei pala ngak po đầu tư, padang ngak di 3 huyện Ea Kar, Krông Bông song M’Đrắk, saong yaom jien buh tame ngak abih tih jiak 3.000 tỷ đồng. Ong Nguyễn Quang Vinh, akaok Cục khik ramik padang ngak danak dak, Mintri ngak nong song patagok palei pala brei thau, Ni lac dana dak krong ribong prong abih di Tây Nguyên, meda ngak salih karei sa bhum taneh prong, langyah bruk pandiak bhang dalam bilan thu  Hồ Ea Rớt hu ngak bloh song dung tích labaih 18 triệu mét khối hu ba ia pruh ka labaih 2.000 ha dalam bhum dự án. Gam song danao prong Krông Pắc Thượng meda ba ia pruh ka jiak 14.000 héc ta di tong abih dự án, yau nan hu pabak ia pruh ka bruk pala drak song abih di nyu nan lac dalam bruk pacang pandiak thu ka dom tỉnh Tây Nguyên.

Tui ong Y Dhăm Ênuôl, Phó akaok Ủy ban bhap bini tỉnh Đắc Lắc, bhum taneh dom huyện gah timur Đắc Lắc oh lac gaok kan kandah ka bruk pandiak bhang dalam bilan thu. Kayua biến đổi khí hậu, dom huyện Ea Kar, M’Đrak, Krông Bông, ngan song labaih 300 ribau bhap bini bhian njauk dom mbang thu lagu sit di kreik bilan hajan ngak khat lihik praong. Ndom ka dom siam lagaih dalam bruk patagok kinh tế di tỉnh tuk dự án hu ngak bloh, ong Y Dhăm brei thau Danak dak danao ia Ea Rớt hu ba tame pandar lac sa bruk bui sambai prong ka mik va dom bangsa takik daok di huyên Ea Kar jeng yau tỉnh Đắk Lắk. Meyah karung ia tantu oh patagok hu dom gah KT tỉnh song danao ia Ea Rớt hu dong biak prong dalam bruk patagok ngak nong  di tỉnh Đắk Lắk

Krong Krông Pắk Thượng dok ngak jeng sambo hajao ka bhum taneh dok hu labaih 350 ribau bhap bini daok. Bhum taneh kan kandah dok hu pamedeih pren khang saong peih tabiak jalan rik dong ka Đắc Lắc patagok samar song khang kajap jang dalam tuk vak ank tal./.