Danak dak pathau khan ka pataik pacang pabah idung khik prein yawa Viet Nam saong khik caga Blue patih

Di var ginum biai ka Dự thảo Sarak ka bruk peih ngak karja đô thị di Ban raya HCM harei 12/11, Ralo urang Quoc hoi brei mboh bruk njauk hatai brei hu nan. Tui dom urang QH, karja đô thị di Ban raya HCM brei langyah dom bruk praong di đô thị đặc biệt, sumu bruk patagok khang samar, kajap saong cak rok patagok siam abih bruk ngak, labik dang di Ban ngan saong bhum kinh tế praong di gah Meraong negar jeng yau dalam taneh ia. Akok mentri Bộ Nội vụ Lê Vĩnh Tân brei thau, dalam dự thảo sarak kayua Rajaei pok tagok hu ba tabiak 2 jalan ngak, nan lac: khik tui Hukum Peih ngak karja palei saong parilo urang QH chuyên trách. Tapa ginum biai, dom urang QH rilo meng njauk hatai haong bruk parilo urang jakar chuyen trach ka Ban raya HCM.

Kuhria dalam 10 harei akaok bilan 11, pabui njauk am cuh klaak kayua ruak jit tả pabui châu Phi dalam negar lac jiak 3 ribau 500 drei. Yaom lac jit daok mbuan si tamuh song njom mbak biak glong gam song meng bloh rilo tỉnh gah kreih negar khat lihik prong gah rong glang kayua hajan ribuk min dut song tapon menuk ada, athur rong dalam negar ye oh prong.Tui mintri ngak nong song patagok palei pala dalam negar hu 96% xã oh dok jit tả pabui châu Phi, meda raong veik hu.

Biar harei kabroi, di Hà Nội, Công đoàn Y tế Việt Nam peih bruk brei thau danak dak pathau khan ka pataik pacang pabah idung khik prein yawa Viet Nam saong khik caga Blue patih. Tui nan, ytaok sa blah pataik pacang pabah blei pandar hu ba tui kadha “Khik prein yawa Viet Nam saong caga Blouse patih” saong tuan njauk labik di nyu lac yaok urang trun takik jit ruak pambak, pakhang prein yawa ka urang Viet Nam, tui nan rik tame hasit Kadung jien “Khik caga blouse patih”. Di var peih tabiak nan, Phó Akok Tổng LĐLĐ Việt Nam Ngọ Duy Hiểu taong yaom glaong hadah karah di Công đoàn Y Tế Việt Nam saong mboh lac: ini lac danak dak hu makna biak dalam. Danak dak duah bruk ngak ka urang gah jhik pet dalam tuk dom doanh nghiep jhik pet daok takik hrak pambuak bruk ngak tabiak. Tui nan khik caga, klak rabha kan kandah saong urang đoàn, urang ngak gah Y tế daok harei melam var drei huy sinh ka bruk mesruh metak pacang Covid-19.

Sở pato megru TPHCM hu ba tabiak angan 50 urang jakar khik ramik, gru pato hu jao giải thưởng Võ Trường Toản mbang ka 23 thun 2020. Ni lac giải thưởng kayua Sở pato megru TPHCM pambuak song Báo Sài Gòn Giải Phóng peih ngak yaok thun piah pok meyaom dom gru pato naih ghieh , tapa nan patagok ilamu iek praong gru pato di tuk pahadar 38 thun harei gru pato Việt Nam (20/11/1982 – 20/11/2020). Yaok urang jakar khik ramik , gru pato hu pok meyaom, hu taduan harak pok meyaom di UBND TPHCM gam song pok pandap yaom 20 triệu đồng. 

Mentri pato megru ba tabiak bruk lac meng thun bac 2021-2022, jien bac đại học tagok 12,5%. Jien bac pakat mầm non, phổ thông tagok 7,5% dut saong thun bac 2020 -2021. Cơ sở pato megru đại học công lập brei kuhria jien pandar bhian saong jien buh tame ngak, hu tanut pasang iek asar cơ sở pato đại học dalam taneh ia hu mek jien glaong abih lac 2 mbang metah jien bac. Tui Mentri pato megru, khung jien bac đại học, jien bac kuhria rah tapa yau urak ini oh ka lagaih saong dom gah, bruk pato, jien pabak tui Nghị định ka 86 oh ginup pabak jien buh tabiak pato saong meblah labaih 40% -50% jien buh tame bruk pato di dom cơ sở patao megru, kayua yau nan ye gilang pariak karja brei daong ralo jien piah ngak bruk di dom cơ sở patao megru…Meng bruk yau nan, dom gah, karja palei brei peih praong jien bac kuhria rah tapa ka pakat bac mam non, phổ thông piah klak rabha jien pato di karja saong urang bac, yam tal bruk kuhria ginup jien pato bac tui Hukum Pato megru 2019 saong sarak 19 di Pakat negar.

Gah Di cư dunya harei kabroi brei thau, hu sa mbang kram kapan pajeng urang di cư suan hukum di langui tasik gah brak Libya, ngak takik di abih 74 urang metai. Dom gah khik caga takai tasik di Li-bi dong hu ka 47 urang karei song bruk dong duah dom urang karei jeng dok hu peih tabiak. Tui gah Di cư dunya, dalam 2 harei tapa hu rah tabiak 2 mbang tabaleik kapan karei angaok tasik Địa Trung Hải, ngak brei 19 urang metai. Jeng tui kapul ni, meng akaok thun tal ni, hu takik di abih 900 urang metai di Địa Trung Hải tuk kham nao tapa tasik tame châu Âu.

Javap jalei hãng tin jien padai CNBC harei kabroi (12/11), Tiến sĩ Gót-li-ép urak ini lac urang ilamu roh duah pakat glaong di Viện Doanh nghiep Mỹ mboh lac, mbang ini bruk njom ruak glaong pauac abih saong jit ruak meda pacang caga hu siam jang tuk yam tapa thun 2021 meng hu bruk patagok di công nghệ pacang caga njom mbak, bruk tabiak rai di vaccin saong jalan taong ruak ka urang njom Covid-19. Yau nan min, Tiến sĩ Gót-li-ép kakei bhap bini oh iek lap, njauk brei takik nao mai saong dom bruk karei dalam raidiuk di drei piah daong pacang caga ruak kayua vi-rút SARS-CoV-2 pambak praong, dalam tuk dom mbang urang njom ruak Covid-19 saong njauk brei tame sang iek ruak tagok di rilo labik di taneh ia.

Negar Prang hu rah tapa 2 adit camereip di bruk pacang veik negar. Bruk jit ruak Covid-19 daok hu pasiam veik min karja negar ni jeng oh dok paglaong hatai sangka. Urak ni, sang iek ruak di Prang hu cấp cứu ka labaih 4 ribau 800 urang ruak trak, meblah jiak tong abih gaghe ruak cấp cứu tok hu dalam negar labaih 5 ribau. Tui Thủ tướng Prang, hu 4 urang metai ye hu 1 urang pagam tal jit Covid-19, yaok 30 giây hu sa urang njom bahrau vi rút Sars-CoV-2. Kayua yau nan ye, Prang brei dui atah bruk pacang cakak dalam negar tal 1/12 yau tui kuhria. Hadei di harei 1/12, dom jalan ngak dreih yau nan daok hu peih ngak min hu ramik veik piah lagaih song bruk di anak meta./.

Urang lang: Hani Pha – Ái Nghiêm – 13/11 15:13:34