Rilo labik glut jaleih di Hậu Giang biak kan kandah 

Tal urak ini, Việt Nam hu 8 tỉnh, ban tamat bruk klauk vaccine pacang Covid-19 mbang ka 1, lac Tây Ninh, Long An, Bà Rịa-Vũng Tàu, Khánh Hòa, Đà Nẵng, Gia Lai, Hòa Bình haong Hà Giang. Tapa bruk klauk vaccine pacang COVID-19 di AstraZeneca dalam 1 bilan tapa di Việt Nam mboh lac dom kan kandah hadei di tuk klauk nyu takik jang dut saong gah ngak vaccin brei thau. Abih di nyu nan lac, tal harei ini, Việt Nam oh ka hu urang halei khal darah hadei di tuk klauk jru. Piah diukrai hu siam mekre haong jit praong COVID-19, bhap bini njauk ngak njauk tui 5 paka di Mintri Y tế nan lac: pataih pacang mbaok, -pametai anek ruak - daok atah di gauk - Oh pataom rilo menuac - Khan brei thau gah y tế.

Dah page ni 12-4, UBTWMT negar Việt Nam peih nyaom biai mbang ka 8 kapul akaok mbang IX (tukvak 2019 - 2024) hiệp thương, pilih ruah pabak akaok Ủy ban Trung ương Mặt trận negar  Việt Nam saong manuac ngak bruk pabak hu mbaok tame kapul urang dang akaok, UBTWMT negar Việt Nam. Di nyaom biai, abih urang dalam kapul dang akaok njauk gauk yaih khan yaih khan ong Đỗ Văn Chiến piah ka nyaom biai UBTWMT negar Việt Nam mbang ka 4 akaok UBTWMT negar Việt Nam mbang IX.  Nyaom biai jeng hiệp thương, pilih ruah pabak 8 urang hu mbaok tame Ủy ban Trung ương Mặt trận negar Việt Nam mbang IX, tukvak 2019 - 2024.

Kuhria meng akaok thun tal ini, dalam tỉnh Hậu Giang hu 10 labik glut jaleih atah abih tih jaik 250 mét, ngak lahik mbaok haluk jaik 1.300m2, khat lahik abih tih jaik 600 triệu đồng. Taong abih dom labik glut jaleih ini daok di huyện Châu Thành haong ban sit Ngã Bảy, dua labik daok tapen kraong Hậu.  Hadei di tuk rah tabiak bruk glut jaleih di dom labik, mBan tacei jalan pacang caga bala meng langik tasik saong daong duah urang njauk bala tỉnh hu pambuak bruk haong karja xã ba menuac nao caik biển cảnh báo brei thau labik glut jaleih, ngak paga pacang oh brei menuac mai jaik labik glut jaleih ini. Gam haong nan, khan brei dom sang daok jaik labik nan thau biak caik hatai sangka, jak ba bhap bini panduan nao tal labik siam mekre, salamat.

UBND TPHCM bahrau mbaoh tangin tame dom harak brei rami ramik veik sang iek ruak quận 2, 9 saong Thủ Đức.Tui nan, sang iek ruak Quận Thủ Đức jeng sang iek ruak ban Thủ Đức (di labik ka 29 Phú Châu, khu phố 5, phường Tam Phú, ban Thủ Đức); sang iek ruak Quận 9 jeng sang iek ruak Lê Văn Việt (labik ka 387 jalan Lê Văn Việt, khu phố 2, phường Tăng Nhơn Phú A, ban Thủ Đức) saong ramik veik sang iek ruak Quận 2 jeng sang iek ruak Lê Văn Thịnh (labik ka 130 jalan Lê Văn Thịnh, phường Bình Trưng Tây, ban Thủ Đức). Taong abih 3 sang iek ruak ni jeng daok dalam Sở Y tế ban raya HCM.

Tui pasak kuhria mboh dahlau bruk langik tasik pakat negar, tia cực tím (UV) di dom tỉnh gah meraong negar, abih di nyu lac ban raya HCM, ban sit Cà Mau (tỉnh Cà Mau) saong Cần Thơ dom harei akaok adit ini tagok 9.2 tal 10.0; tuk kreh pandiak lac 9.6. Hu thau, tia cực tím meng 8-10 lac biak glaong, labaih 10.5 lac glaong biak glaong, biak jhak. Tia cực tím meda nao tapa taginum saong dom pambah mbang camin, meyah klik gaok tapak ia harei pandiak dalam 25 minit tuk tia cực tím daok di tanut biak glaong meda ngak bruk pandung klik.

Jabat gah Y tế dunya (WHO) di Campuchia hu panuac lac Campuchia, negar jaik taphia haong Việt Nam, daok anak bruk kan kandah trak di jit COVID-19 saong ieu bhap bini raoh roya Khmer di sang. Dalam dua adit tapa di Phnom Penh, virus njom pambak dalam dom nhà hàng, darak pasa sit, dom labik pablei salih sit, dom mbang ginum biai sit saong dom var pataom gauk mbang huak. Dom labik hu rilo manuac nao mai, takik hu ngin lahei saong dom labik sang daok, labik hu saabat saong gauk gar dalam sang bhian pataom gauk dalam dom harei padeih padei lac labik mbuan njom glaong. Sarak bahrau tabiak di harei 11-4 di Thủ tướng Campuchia Hun Sen ieu kakei taong abih dom urang jakar rajaei saong tapon nyom bol pan phao kraong klauk jru caga COVID-19, dalam tuk jit praong daok rahtabiak sarau kadhau di negar ni.

Akaok Mintri Nội vụ Thái Lan Anupong Paochinda brei thau, oh cang pacang cakak abih dalam negar piah pacang mbang tamuh bahrau abih di Covid-19 dalam taneh ia ini. Dalam tuk nan, urang ilamu hu panuac khan lac, meyah Thái Lan oh ngak catang dom jalan pacang jit ye dalam bilan 5 tal, yaok harei meda hu jaik 28 rabau menuac njom bahrau. Urak ini, dom menuac njom bahrau yaok harei di Thái Lan lac jaik 1000 saong oh ka mboh trun bruk njom mbak ini.

Liên quân Arập harei kabroi brei thau lac hu taong cakak saong palai tayah 6 sruh ahaoh oh hu manuac peih dalam nan hu biak rilo janih patuh di kapul Houthi, di Yemen pandar piah taong tame bhum taneh Arập Xê-út. Tui Liên quân Arập, Hu-thi hu peih bruk taong tame bhap bini saong Arập Xê-út daok peih ngak dom jalan piah pacang cakak. Langiu di nan, liên quân jeng taong cakak hu 1 tên lửa đạn đạo bo kol Hu-thi cuh meng Yemen tame gah ban Jazan di Arập Xê-út./.

Urang lang: Thu Thảo - Mousaphuong -12/4