Tui Mentri Y te brei thau, kuhria meng mon 6 biar harei 24/6 tal mong 6 mesup harei 25/6, Viet Nam hu 91 urang birau nyom Covid-19, dalam nan hu 12  urang brei daok karei hadei di tuk tame negar di Tây Ninh, di TPHCM hu 57 urang, Bình Dương 10 urang saong Bình Thuận 5 urang. Peih bruk brei atah di gauk pacang caga jit, dom darak meng lavik mai brei takik nyaom, padeih pablei dom janih pandap oh pandar yaok harei, pacang cakak darak tamuh eng…Min dom harei tapa, Pasak Pasang iek ruak kik Ban raya HCM gam gam mboh hu dom urang njom Covid-19 di dom darak pasar, sieu thi.

Biar harei 24/6, Thủ tướng Phạm Minh Chính hu nao ravang Cty TNHH 1 thành viên Vaccine saong Sinh phẩm ka 1, Viện Vệ sinh dịch tễ Trung ương. Hadei di tuk ravang bilik ngak iek, labik khik piah vaccine, duah thau ka bruk ngak  vaccine, Thủ tướng hu ginum biai haong dom urang pan akaok dom mintri, dom gah saong dom labik roh duah, ngak tabiak vaccine. Thủ tướng ndom lac: “Njauk pataom tame bruk ba brei công nghệ, roh duah, ngak tabiak vaccine saong anak meta lac vaccine Covid-19 dak samar dak siam, suai di abih lac bilan 6-2022 brei hu vaccine Covid-19 ngak tabiak dalam taneh ia”.

Biar harei kabroi, UB bhap bini tỉnh Long An padang labik brei daok karei pacang caga jit Covid-19 dig 2 labik dalam huyen Bến Lức saong Đức Hòa kayua rilo sruh jit ruak birau tamuh di labik ini. Jeng dalam biar harei kabroi, tỉnh Phú Yên hu 10 urang dương tính SARS- CoV-2. Meng melam 25/6, tỉnh Khánh Hoà brei padeih pajeng tuai  meng Khánh Hòa nao saong mai Phú Yên, Bình Định. Daok urang tame tỉnh Khánh Hòa meng tỉnh Phú Yên, brei daok karei di sang 14 harei meng harei tabiak truh Phú Yên saong mek mẫu dut iek ruak 2 mbang.

Harei 24/6/2021, di sang pakacah Phú Thọ, Tp. Hồ Chí Minh, labaih 230 y bác sỹ di dom sang iek ruak, pasak y tế quận, ban raya hu peih bruk klauk vaccine pacang COVID-19 brei ka labaih 9.000 urang ngak dom gah, dom bruk haong anek saih, SV saong bhap bini labik nan. Hu mbaok tame daong bruk klauk jru pak ini, daok hu dom kapul halan hatian, urang lin, công an, mban chỉ huy quân sự quận, ban raya hu parabha jeng rilo kapul sit gam haong 46 bàn klauk jru piah jhul samar bruk klauk jru saong khik hu bruk daok atah di gauk. Tui kuhria, di labik sang pakacah Phú Thọ hu klauk vaccine pacang COVID-19 dalam 3 harei gam.

Tỉnh Bắc Ninh birau tabiak harak brei adat taong abih dom doanh nghiep di tỉnh hu ngak bruk gilac veik, langiu dom DN hu urang F0 saong oh pabak hu bruk pacang caga jit. Langiu di nan, tỉnh brei ka dom D.N hu taduan urang ngak meng tỉnh, ban karei tame ngak bruk, gam urang daok di tỉnh Bắc Giang min urang nan oh lac urang brei daok labik karei gah y te, oh mai mneg labik peih ngak tui Sarak 16 saong hu brei dut iek ruak.

Pui khuah tuk saboh mesup ini di sa pasak võ thuật dalam tỉnh Hà Nam, Trung Quốc ngak brei 18 urang metai, 16 urang karei njauk rambus, dalam nan hu sa urang biak trak, mbuan metai. Urak ini gah chức năng tỉnh Hà Nam padam hu blaoh, daok daong dom menuac njauk bala saong cap khik menuac iek pasak võ thuật piah duah thau, ngak brei cambaih laih makna ba tal khuah.

  Hội đồng Bảo an Liên hợp quốc harei 24/6 nyaom biai ka bruk Trung Đông saong Palextine. Ini lac nyaom biai piah ginum bruk peih ngak Sarak 2334 pambuak tal dom labik daok di bhap bini  Ixraen di bhum taneh Palestine lih mek di Palestine. Brei panuac di nyaom biai, Đại sứ Đặng Đình Quý, Akok Phái đoàn thường trực Việt Nam di LHQ brei mboh bruk haduh hatai ka bruk mesruh gauk daok rah tabiak di Bờ Tây, hu gam Đông Jerusalem, dalam nan hu bruk pandar phao ndao rilo saong bruk neh rabha bangsa. Đại sứ Việt Nam iew gah Israel brei ien abih saong brei hu dom jalan pacang caga dom bruk thù địch saong neh rabha bangsa.

Tal harei ini, hu jaik 63% rahra Mỹ, dalam nan hu uranaih umo meng 12 thun hu klauk takik di nyu  1 mba ng vaccine saong jaik 53% menuac sia di Mỹ hu klauk ginup abih. Min bruk klauk vaccine di Mỹ daok dang veik, abih di nyu lac dalam dam dara urang daok ranaih umo, yaom lac vaccine di Mỹ labaih biak rilo duk haong bruk kurang vaccine di rilo taneh ia karei angaok dunya. Tui kuhria mboh di rajaei Mỹ, jaik abih dom menuac metai kayua Covid-19 di Mỹ dalam tukvak tapa jeng ka oh hu klauk jru./.

Urang lang: AI NGHIEM & M.PHUONG - 25/6/2021