Kuhria tal dah page ni (1/9), nan lac jaik 12 maong tapa, negar drei oh hu urang halei njom ruak bahrau Covid-19. Bier harei kabroi, Mban pato tacei pakat negar brei thau 4 urang tame negar drei dương tính haong virus SARS CoV2. Min, 2 harei tapa Việt Nam oh mboh urang njom bahrau dalam rahra. Tal urak ni, dalam taong abih 1.044 urang njom Covid-19 hu mboh di negar drei, hu 354 urang ruak tame negar, 690 urang ruak kayua njom mbak dalam negar, dalam nan dom urang njom pambuak tal Đà Nẵng tui kuhria meng harei 25/7 tal urak ni lac 550 urang.

Hu  7 urang ruak  iek ruak  Covid-19 di sang iek ruak  Bệnh Nhiệt đới Trung ương hu abih ruak, dalam nan hu sa urang ruak lac uranaih umo 7 thun. Jeng dalam harei 31-8, sang iek ruak Phổi Đà Nẵng jeng khan lac hu 5 urang abih ruak  Covid-19. Dom urang ruak nan mboh âm tính 3-4 mbang song  SARS-CoV-2, oh dok mboh hagait  yau pandiak, patuh, kan suah yava. Hadei di tuk tabiak sang iek ruak, dom urang ruak tui iek pren yava, brei paatah di sang dalam 14 harei tui bruk ba tabiak.

Bhap bini Đà Nẵng meng urak ni mada hu pasang iek duah thau di online piah iek drei hu daong jien ka bhap bini njauk kan kandah kayua jit Covid-19 di labik atau oh tapa dom jalan yau ye Cổng dữ liệu peih ban di labik https://congdulieu.vn atau https://opendata.danang.gov.vn/; tapa ứng dụng Zalo Tổng đài 1022 Đà Nẵng; tapa tin nhắn phone pang tangin SMS atau meda parabha tapa API piah pataom tame dom ứng dụng karei. Urak ni hu 4 kapul hu Đà Nẵng daong kayua gaok kan kandah meng jit Covid-19 hu kapul urang ngak bruk, sang pablei salih, kapul bảo trợ xã hội, kapul urang hu buh prien ka taneh ia saong sang kan kathaot, jaik kathaot.

Dok 2 harei tra, mbang ka  2 di mbang pakacah tamat  THPT thun  2020 hu rah tabiak , harei 3/9-4/9. Tal tuk vak ni, taphia di bruk pabak ginup dom pandap panda y tế, patiah pacang mbaok, bruk pruh jru pametai anek ruak di 11 hội đồng pakacah di dom  tỉnh ban hu ngak salah bloh.Tui mintri pato megru, yaom lac mbang pakacah ni  hu peih ngak ka labaih  26.000 thí sinh di  27 tỉnh ban, tok meblah  3% tong aboh  thí sinh hu mbaok pakacah dalam negar, min bruk tui iek pakacah jeng hu peih ngak siam mekre cambaih laih.

Tapa pasang iek tuk camriep brei mboh, dom pandap mbang Pate Minh Chay ba tal bruk rilo manuac tame sang iek ruak piah taong ruak hu vi khuẩn kị khí tuyệt đối, menek tabiak bào tử haong độc tố Botulinim hu jru mek biak trak, ngak kan kandah trak tal prien yava saong mbuan ba tal matei urang ruak. Nan lac janih ruak biak takik gaok yau nan ye bruk blei jru lac oh mbuan. Pasak pacang caga jru mek sang iek ruak Bạch Mai brei thau lac duah jru biak kan, hadei nan hu gah Y tế dunya daong, sang iek ruak hu 2 kalaok jru giải độc meng Thái Lan paih taong ruak ka 2 urang ruak trak.

Hội đồng Bảo an Liên hợp quốc hu brei tapa sarak  dui atah tuk vak trừng phạt Mali sa thun tra, nan lac tal harei  31/8/2021, dalam nan hu gam bruk oh brei nao mai song kreih abih drap ar dom urang dok cagar veik jalan peih ngak Hiệp đình hòa bình song siam mekre di  Mali. Jeng dalam mbang ginum biai, Hội đồng hu brei tapa sarak dui atah tuk vak bruk ngak di  Hội đồng chuyên gia song  phái bộ di  Liên hợp quốc di Mali tal harei  30/9/2021 piah pasang iek tuk vak peih bruk  trừng phạt.

Dalam mbang rivang Đài Loan (Trung Quốc) meng 30/8 tal 4/9 di akaok Thượng viện Séc Mi-lốt Vít-trờ-chin (Milos Vystrcil), Cộng hòa Séc saong Đài Loan hu mbaoh tangin tame 3 harak hadar kanal(MoU) di sa mbang ginum baai pablei salih. Dom sanya hu pambuak di dua gah ka bruk cak rok patagok công nghệ ban thông minh, akaok saneng kayua menuac ngak saong dom janih mac jamriak bharau; pachrieh bruk ginum baai, pambuak bruk saong daong gauk di dom kapul padang mbvang ngui di Đài Loan saong Cộng hòa Séc. Mintri Ngoại giao Trung Quốc hu ieu pataom urang lambuak Cộng hòa Séc di Trung Quốc piah cagar viek mbang rivang ni.

Sa mbang duah thau bahrau di abih  kayua gah  Y tế dunya  peih ngak di labaih  100 negar brei mboh lac 90% negar oh ngak ginup dom  jalan ngak ngan song dom dịch vụ y tế. Dom negar duah hu jien takik song mbiah lac urang njauk kan kandah rilo di abih. Tui nan hu tal 70% dịch vụ y tế yaok harei oh hu peih ngak gam gam ginup dalam nan hu klauk jru tui thun bilan, chẩn đoán song iek  dom ruak oh njom mbak, bruk ndih tapui tui sarak karja, iek ruak rối loạn pren yava glaow akaok, chẩn đoán song iek ruak ung thư. Gah Y tế dunya  hu panuac sinya pabak dom pandap panda piah dom dịch vụ y tế jang yau dong ka dom negar di dunya hu klah rabha ilamu song bac megru gauk./.

Urang lang: Thu Thảo & H.Pha - 1/9/2020 11:15:24