Urang dut iek pak di sang

Biar harei kabroi 15/8, Giáo sư, Tiến sỹ Nguyễn Thanh Long – Akaok Mintri Y tế haong kapul ngak bruk di Mintri Y tế hu tame ban raya HCM piah pambuak bruk haong ban raya patui bruk pacang caga jit. Dalam mbang par haong Akaok Mintri Y tế, hu labaih 110 y bác sỹ, điều dưỡng, kỹ thuật viên di sang iek ruak Meta Trung ương haong Viện Huyết học tame darah pakat negar tame daong ka sang iek ruak Hồi sức COVID-19 ban raya Hồ Chí Minh haong Pasak hồi sức urang ruak COVID-19 di sang iek ruak Bạch Mai daok di sang iek ruak Dã chiến 16. Ini lac 2 dalam 5 pasak hồi sức bhian taong ruak ka urang ruak COVID-19 trak haong biak trak di ban raya Hồ Chí Minh urak ini.

Kuhria tal harei 16/8, tỉnh Đồng Nai hu 14.215 urang njauk Covid-19 (98 urang metai). Dalam nan, ban  Biên Hòa hu rilo di abih, lac 5.853 urang. Urak ini daok hu 39 urang ruak biak trak saong 131 urang ruak trak. Anak bruk srau kadau di jit Covid-19, tỉnh Đồng Nai peih bruk dut iek ka labaih 2 triệu menuac. Tui kuhria, dom menuac njom bahrau hadei di 3 mbang dut iek dalam bhap bini meda hu meng 9.000 tal 18.000 urang saong meda glaong jang.

Công an ban raya Hồ Chí Minh brei thau, Công an ban raya jeng daok khik bruk brei thau ka nao mai tui mã QR di Cục Cảnh sát khik ramik harak gar gah trật tự xã hội (C06 Mintri Công an) di 12 bilai pasang iek labik jalan tame tabiak ban raya. Piah khik ka bruk nao mai hu mbuan lagaih, bhap bini njauk khan brei thau dahlau di sang blaoh thaot veik mã QR.

UB bhap bini tỉnh Sóc Trăng hu Sarak ka bruk pandar dom jalan pacang caga jit COVID-19 tui tanut ba tabiak di dom xã, phường, ban sit dalam tỉnh Sóc Trăng. Tukvak ba tame pandar meng mon 12 melam 16/8/2021 mbiah tal tuk hu panuac khan bahrau. Gam haong nan, mBan tacei pato pacang caga jit Covid-19 tỉnh hu brei tapa Sarak ka bruk neh rabha tanut mbuan njaom mbak jit COVID-19 di dom xã, ban sit dalam tỉnh Sóc Trăng.

Harei camereip peih bruk paatah di gauk tui Sarak 16 di Thủ tướng Rajaei, mesup 16-8, rilo jalan di TPHCM rah tabiak bruk gar radaih biak rilo. Kapul urang jakar pasang iek di dom bilai biak glaih glar tui iek, rilo menuac oh hu adat tabiak jalan njauk ieu nao sang veik.

Ô-xtrây-li-a bahrau hu mboh 1 uranaih likei umo bahrau 15 thun metai kayua viêm màng não phế cầu haong njauk Covid-19. Bruk ini brei mboh lac virus SARS-CoV-2, abih di nyu lac biến thể Delta, meda ba tal ruak trak ka anek menuac, abih di nyu lac dom menuac daok hu hệ miễn dịch oh khang atau hu dom ruak dalam rup.

Anak bruk srau kadau di Áp-ga-ni-xtan, taong abih dom mbang par pajeng menuac haong pandap tal taneh ia ini jeng brei padeih abih. Tok hu kapal haoh quân sự hu adat brei par. Kadha ini ngak brei rilo taneh ia yau Đức, Prang njauk ba kapal haok quân sự tal piah ba rahra di drei mai veik taneh ia. Dalam tuk Mintri Quốc phòng Mỹ harei kabroi brei pabak 1 rabau lin tal Áp-ga-ni-xtan piah ba urang Mỹ mai veik taneh ia, tui nan, abih tih lin Mỹ hu mbaok di taneh ia Nam Á ini tagok tal 6 rabau.  

Mỹ haong jaik 70 taneh ia karei harei 15/8 hu tabiak panuac ieu daong bhap bini Áp-ga-ni-xtan (Afghanistan) haong urang dom negar karei caong khin tabiak truh Afghanistan. Panuac nan ndom lac, gah pan quyền di Afghanistan njauk khik caga suan yava, drap ar saong brei padang veik chip bruk an ninh haong trật tự dân sự. Dom menuac caong khin tabiak truh Afghanistan brei daong palagaih ka urang nao, saong dom jalan, mblang kapal haok, dom pabah mbang negar brei hu peih dalam tuk trật tự brei hu khik kajap./.

Urang lang : Mousaphuong -16/8