Bruk nao mai dalam dom harei jiak tết hu pasang iek catang.

Kuhria tal maong 6 dah page ni 4/2, abih tih dom urang njom di dalam negar lac 1.948. Dalam nan, 37 urang njom bahrau (lac dom urang ruak meng 1912-1948) lac urang ngak di labik ngak kong ban sit Chí Linh, tỉnh Hải Dương, hu brei daok karei, oh njom mbak tabiak rahra. Dut iek mbang ka 1 mek mẫu di harei 28/1 brei mboh âm tính. Harei 03/02 tapa dut iek mbang ka dua hu 37 urang dương tính haong virus Sars Cov 2.

Mban tacei patao pakat negar, pacang caga Covid-19 brei thau, dom mbang urang njom mbak nCoV jaik ini kayua oh cuh pataik pacang pabah idung, ralo kayua taom gaok jaik dalam baoh sang atau labik pacang sir. Dom mbang urang njom mbak meng blaoh dalam tuvak samar tok meng 3 tal 4 harei, njom mbak samar jang, nồng độ virus khang jang saong njauk caik hatai lac dom urang njom mbak oh hu cuh patiak pacang pabah idung. Dom urang jakar di Mban tacei patao pakat negar, pacang caga Covid-19 njauk gauk, iew kakei brei thau gah y tế di bhap bini; Mentri Y tế tui iek, ba tame, brei thau angaok blah web Bản đồ diukrai saong Covid-19 salamat. Dom doanh nghiệp viễn thông njauk brei ngak yau gauk, dom urang mai meng bhum jit, hadei tuk kakei mbang aka

Dah page harei 3/2, dam dara dalam negar hu ba gauk pachreih tui "harei dam dara ba gauk ngak" salam uan jak jeng di nyaom roya mbang ka XIII di Đảng, pahadar 91 thun harei padang Đảng Cộng sản Việt Nam.  Dalam dom bruk di "harei dam dara ba gauk ngak" dom pakat bộ Đoàn di dalam negar meda hu ngak salah jaik 1.500 danak dak, bruk ngak. Dom danak dak, bruk ngak ni hu dom tỉnh, thành đoàn, kapul dam dara di T.Ư Đoàn caga blaoh blai, ba gauk paglaong bruk ngak, brei mboh cambaih bruk ba akaok nao dahlau di dam dara, hadah mbaoh mata yam tagok ala hala dok di Đảng hadah hadai.

Anak bruk haduh hatai ka bruk ngak di Mblang kapal haok dunya Nội Bài tuk đơn vị ini likau Mentri Y tế, Mentri Jalan mbak pajeng ba, Mban tacei patao pacang caga jit ruak TP Hà Nội brei meh darah dut iek nCoV ka taong abih 3.200 urang jakar, urang ngak bruk tapak di labik ni, Thứ trưởng Giao thông Vận tải Nguyễn Ngọc Đông brei thau, bruk ini lac mbuan min, tuk mboh yau ruak karei ye urang ngak bruk di mblang kapal haok brei mek darah dut iek ruak, oh lac Nội Bài. Bruk nan khik brei ngak siam piah ginup manuac ngak bruk, daong ka tuai damuai mboh sahanang hatai jang. Cục kapal haok Viet Nam brei thau lac Mblang kapal haok dunya Nội Bài brei peih par yau bhian harei, tani tanat, oh kareih pabah mbang yau dom panuac urang ndem meyai angak mạng XH.

Harei ni 23 bilan mat saka ia bulan lac harei di Patao Ging. Di gah barak, salao caik pandap paling patao Ging hu ginup dom pandap mbang meng kan yau ye ndiuk, manuk, chả, ia bai ribung, nem... Di gah kreih negar: dom bhum yau ye Huế saong Hội An hu adat kakuh Rup haluk Pato Ging saong padang phun nêu. Dom rup haluk hu ginup pandap ieu yang, bingu that, baoh kayau, caik rup haluk bahrau saong rup haluk klak taphia  gauk. Salo lisei hu ikan sei saong ikan ya.  Di gah maraong, kayua hu bruk lai gauk di ilamo nan ye salao  kakuh patao ging di urang gah maraong negar jeng hu dreih yau urang gah bahrak. Langiu di dom pandap mbang mbak hu rilo yau ye: nem, giò, bánh chưng, hành muối, manuk tuk... urang gah maraong daok hu  sa jam ritak lo, kẹo lange jhuk...

Tổng thống Italia, Sergio Mattarella harei 03/02 jao brei ka ong Mario Draghi, urang ngak Akok Gilang priak trung ương châu Âu – ECB brei taduan bruk praong padang sa rajaei birau di Italia piah ba taneh ia ini  tabiak truh bruk sraw kadau chính trị dalam tuk jit ruak praong Covid-19 daok rah tabiak kan kandah. Bruk chính trị di Italia gaok kan kandah meng meteh bilan 1 thun 2021 hadei urang dahlau diah ngak Thủ tướng Italia, Matteo Renzo ba đảng Italia Viva di drei tabiak truh rajaei liên minh, chap Thủ tướng Giuseppe Conte padeih bruk di harei  26/01.

Kapul par akaok kanja di Myanmar brei thau lac muk Aung San Suu Kyi meda njauk langyah tui hukum ka bruk pablei tabiak, blei tame negar Myanmar saong njauk cap khik tal harei 15-2 hadei di tuk njauk cảnh sát duah mboh dom pandap liên lạc par tangin hu blei tame negar saong hu pandar oh hu harak brei adat" dalam sang di muk. Dahlau di nan hu panuac brei thau muk Aung San Suu Kyi meda njauk kaoh tui duas pablei taneh ia. Dalam tuk nan, urang brei panuac di Nhà Trắng Jen Psaki ndem lac mbang đảo chính di Myanmar lac sa bruk bo tổng thống Joe Biden saong Mỹ jeng daok pasang iek dom bruk taong phat.

Thủ tướng Anh Bô-rít Boris Johnson khan lac, virus ba tal ruak Covid-19 daok njom mbak ralo. Jeng tui Thủ tướng Anh Bô-rít Giôn-xơn, meng hu bruk kham merat ralo di taong abih gah karja, taneh ia ini meng peih ngak hu bruk klauk jru pacang caga ruak  praong abih kuhria meng lavik mai di Dịch vụ Y tế negar. Urang hu klauk jru pacang caga Covid-19 di Anh urak ini yam tapa tanut 10 triệu, glaong abih di châu Âu. Bruk nan meda daong brei patrun urang metai, yaom lac urang metai daok rilo dalam tukvak suai atah tra./.

Urang lang: Thu Thảo - Ái Nghiêm -4/2