Urang umo labaih 65 thun hu klauk jru mbang ka 2

Bier harei 15/11, UBND Ban raya Hồ Chí Minh brei thau jit ruak COVID-19 di dalam ban raya daok di pakat 2, khik tamo yau 3 adit dahlau. Min, bruk njauk caik hatai nan lac dom quận, huyện “bhum hijao” daok trun saong dom labik “bhum kanjik” daok tagok. Bác sĩ Nguyễn Hồng Tâm, Phó Giám đốc Pasak pasang iek ruak kik Ban raya Hồ Chí Minh brei thau, dom urang F0 tagok rilo abih di dom quận, huyện bhum tapen yau ye Nhà Bè, Hóc Môn, Bình Chánh, Quận 12, Gò Vấp saong Ban Thủ Đức. Dom F0 ni rilo meng lac dom urang ngak di dom doanh nghiệp, labik chế xuất, labik ngak kong daok diukrai di dom labik nan. Urak ini, Ban raya Hồ Chí Minh hu 47.000 F0 daok taong ruak di sang, meblah 73% dalam abih tih dom urang njom COVID-19 daok taong ruak.

Kuhria tal urak ni, bruk klauk vaccine pacang Covid-19 mbang ka sa di  Đồng Nai hu  109,9%, bruk klauk mbang ka 2 hu labaih  87,8%. Tapa nan, Đồng Nai dok dang akaok taneh ia  ka bruk klauk  vaccine pacang  Covid-19 ka bhap bini . Labik hu klauk  vaccine dang hadei Đồng Nai lac TP.HCM hu  109% mbang klauk   ka sa song  82,2% mbang klauk ka 2. Bruk klauk vaccine ka uranaih, hu jiak  112.560 uranaih meng  15 tal  17 thun dalam tỉnh hu klauk vaccine pacang Covid-19.

Harei 15/11, mBan Bangsa tỉnh Bình Phước peih bruk rivang, alin hadaih pandap ka 121 baoh sang bhap bini bangsa takik dalam labik brei daok karei, labik pacang veik piah pacang caga jit COVID - 19 di dalam palei Bù Kroai, xã Đức Hạnh, huyện tapen negar Bù Gia Mập. Yaok paok pandap hu 10kg brah, 100 kg njam patam meng dom gah ngak pahla daong brei. Meng harei 8/11 tal 15/11 hu 42 urang dương tính dalam labik pacang viek di tỉnh ni.

Bảo hiểm xã hội Việt Nam (BHXH) brei thau, hadei di tuk brei thau bruk lac hu  đầu số 052… nhắn tin tal phone pal tangin di bhap bini pathau khan bruk taduan hu bruk daong meng kadung jien  Bảo hiểm thất nghiệp ka urang ngak njauk kan kandah kayua jit Covid-19 piah blah mek drap ar, tal urak ni, BHXH Việt Nam taduan hu rilo panuac khan ka bruk  hu dom  đầu số karei nhắn tin, ieu phone, payua jalan link đăng nhập...piah pachot.

Bier harei kabroi, di Sang pacacah Thái Sơn Nam (Ban raya Hồ Chí Minh), Giải futsal HDBank vô địch pakat negar thun 2021 hu peih pacacah ka tukvak ka II, ngan haong dom mbang pacacah di mbang ka 10. Sahako hu jayah 1-0 anak Hiếu Hoa Đà Nẵng, tapa nan khik siam labik dang ka 1 di mangaok bảng xếp hạng anak kan kandah meng 2 gah daok maraik gauk tapak lac Thái Sơn Nam saong Zetbit Sài Gòn FC. Ini jeng lac mbang pacacah camriep dalam dom jai pacacah dalam taneh ia hu peih tabiak di Ban raya Hồ Chí Minh hadei di tukvak paatah di gauk.

Harei kabroi  15/11 Tổng thống Mỹ Joe Biden hu mbaoh tangin patabiak  danak dak hukum cơ sở hạ tầng yaom  sa ribau tỷ đô la Mỹ, piah dong duah bruk ngak  ka bhap bini dalam taneh ia. Tui nan, sarak hu parabha yaok tỷ đô la Mỹ ka karja song dom  bang song dom labik  piah pasiam veik dom boh tatua song jalan nao mai njauk khut khat, jang yau peih prong bruk truy cập internet băng thông rộng ka bhap bini.

Jabat pacang cakak kol Tội phạm negar Anh hu duah mboh cocaine trak 418kg hu yaom 32 triệu bảng Anh (44 triệu USD) dalam sa lô pandap pajeng lasun prang. Sruh radaih pajeng lasun ni nduac meng Coquelles, France, di mangaok sa sruh radaih pajeng pandap nao tal negar Anh. Tui dom jabat chức năng Anh, bruk ma-in ma túy di taneh ia ini daok tagok saong dom urang metai pambuak tal ma túy urak ini tagok 80% dut saong thun 2012. Rajaei Anh bahrau ini hu sanya daong 80 triệu bảng Anh (107 triệu USD) dalam thun 2021-2022 ka dom dịch vụ taong ruak saong ngak thit ruak ka dom urang njil jru phil.

6 dam dara di ban Aurora, bang Colorado, Mỹ njauk rambuac dalam mbang  cuh phao jiak sa sang bac  trung học harei kabroi. Mbang tong tame hu rilo  bruk pagam tal  dom nyaom di langiu jalan. Tong abih 6 urang lac anek saih  umo meng  14 tal 18 thun, hu ba tame sang iek ruak cấp cứu. Biak patuah rambuas nan oh  trak damak tal 6 urang ./.

Urang lang: Hanipha- Thu Thảo -16/11