Tui kuhria bruk patagok kinh te di ban raya dok suai lavik 

Kuhria taong abih pandap ngak tabiak dalam negar (GDP) thun 2021 tagok 2,58%. Bruk patagok GDP thun 2021 lac 2,58% yau brei mboh dom kan kandah kayua jit ruak Covid-19 ngak jhak tal dom bruk di gah kinh te, abih di nyu lac quý III/2021 tuk rilo tỉnh, ban praong gah kinh te dalam negar brei pa-atah di gauk dui atah tukvak piah pacang caga jit ruak. Tanut tagok 2,58% di thun 2021 biar jang  tanut 2, 91% di thun 2020. Bruk nan kayua Tổng cục Thống kê di Mentri Kế hoạch saong  Đầu tư khan brei thau di harei 29/12, di var pathau khan ka bruk kinh tế - xa hội quý IV saong luac thun 2021.

Kinh tế tagok âm 6,78% - tanut biak di abih meng dahlau mai, min TP HCM mek jien tame kadung jien karja hu 383.703 tỷ đồng, tapa kuhrai mboh dahlau lac 5,2% saong tagok 3% dut saong thun bloh. Bruk nna hu ong Trần Phước Tường, Phaok Cục yaok pataom TP HCM brei thau di mbang họp báo ka bruk yaok pataom kinh tế - xã hội thun 2021, di biar harei 29/12. Thun ini, Trung ương jao ka TP HCM mek tame kadung jien karja 365.000 tỷ đồng, kuhria rah tapa sa harei mek tame 1.500 tỷ đồng. Dom thun jaik di ini, jien mek tame kadung jien karja ban raya samu 25-27% jien mek tame di dalam taneh ia.

Ong Trần Quốc Nam, Akok UB bhap bini tỉnh Ninh Thuận brei thau, tapa thun birau 2022, tỉnh brei ngak dahlau bruk pachreih urang buh jien tame dom gah mbuan patagok yau năng lượng, dulich; dom gah ngak mbang praong yau năng lượng hacih, ngak nong tui jalan cong nghe glong, kinh tế đô thị…Langiu di nan, pachreih urang buh jien tame ngak patagok gah kinh te -xa hoi, jalan mbak pabah lamnge tasik, khu saong cụm khu cong nghiep, khu đô thị, khu dulich  saong dom dự án  hu pandar ilamu birau, cong nghe glong, urang ngak tui ilamu birau, pataom tame dui pachreih urang buh jien tame dom khu công nghiệp ngak bruk, patagok rilo labik ngak bruk dalam KCN; pachreih urang buh jien tame ngak hạ tầng kỹ thuật saong dom danak dak tame dom KCN Cà Ná, dom cụm công nghiệp Tri Hải, Quảng Sơn, Hiếu Thiện saong bhum kinh tế praong di gah Meraong tỉnh.

Salam uan nyaom roya mbang ka XI Hội Nhà báo Việt Nam (vaktu 2020-2025) saong pachreih ba dom pakat Hội, dom jabat báo chí Trung ương, tỉnh ban dalam bruk ngak, Thường trực Hội Nhà báo Việt Nam hu peih bruk jao giải ấn phẩm báo chí hadah krah puac thun 2020, akaok thun 2021; jao giải saong parang iek bruk pakacah thaot binguk báo chí "Việt Nam 2020". Tapa nan, mban peih bruk hu pilih ruah, jao giải hạng samu gauk ka 28 kadha papar binguk Tết njauk caik hatai; 18 kadha papar sap Tết njauk caik hatai; 12 giao diện báo điện tử Tết njauk caik hatai. Dalam 18 kadha papar sap Tết nan, hu danak dak papar sap Cam: Harei Tết ndom ka ilamu halau gha hu Jabat papar sap bangsa- rayo sap ndom VN daok di ban raya hCM ngak.

Pambuak tal bruk uranaih kumei njauk diuk sit di ame taong paoh tal metai, UB bhap bini quận Bình Thạnh khan bruk nan tagok UB bhap bini Ban raya HCM. Tui nan, bruk ba tal kamuan metai kayua barah phổi cấp – rup pabhap rilo labik barah jhuk. Tapa duk iek pháp y atau kamuan nan hu thau lac  metai kayua barah phổi cấp, rup pabhap  rilo labik barah jhuk. Tapa blaic raic rup atau kamuan mboh brah labik ta-da, tung, jaoh talang ka-ing ka 2, 3, 4 gah hanuk, kandong darah di labik jaoh; barah tabung akaok gah hanuk, glo akok barah hanjol. Urak ini, Công an quận Bình Thạnh  daok duah thau, ngak brei cambiac laic dom bruk pambuak tal bruk metai kamuan piah lang yah tui hukum.

Hadei di rilo bilan pandiak khang ba tal rilo mbang khuah glai, tuyết daok laik kapal di talei ceik Sierra Nevada, di dua bang Nevada haong California di Mỹ. Mbang tuyết laik bahrau ini di Sierra Nevada nyu kapal jaik 5 m, kapal jang mbang tuyết laik rilo abih di bilan 12 lac 4,6 mét, di thun 1970. Grauk labik di bang Washington haong Oregon, rilo labik daok plaih hu peih tabiak, tuk gah khí tượng kuhria mboh lac langik biak la-an meda dui atah tal puac adit. Bang Oregon hu tabiak bruk khẩn cấp kayua langik biak la-an saong tuyết laik kapal.

Bien the Omicron daok ngak brei dom urang njaom mbak di Prang tagok tabung glong birau ngan saong 200 ribau mbang dalm 24 tuk tapa. Anak bruk njom  Covid-19 tagok khang tal having akaok, dalam biar harei kabroi 29/12, ban Paris khan brei thau, meng harei 31/12, langiu bruk pasram rup pabhap, abih bhap bini umo 11 thun tagok brei cuh pataik pacang pabah  tuk tabiak gah langiu atau tame dom mblang kapal haok dalam ban. Dom bruk uan raok  thun birau yau daoh tamia saong menyuk ia hu cồn labik công cộng  brei takik menuac meng mong 6 biar harei sup. Dom nhà hàng saong quan bar brei kareik pabah mbang dahlau mong 2 saboh page. Ban Paris brei jak ba  jaik 9.000 cảnh sát  saong binh sĩ  piah pasang iek  bruk ngak tui  dom jalan pacang caga angaok nan dalam melam yam tapa thun birau saong taong abih dom urang ngak suan njauk taong phạt 135 euro.

Gah Y tế Thái Lan harei kabroi hu panuac kakei bhap bini saong Karja  njauk caga ka bruk meda hu rilo menuac njaom Covid-19 biak rilo di anak tal, hadei di tuk anek ruak Omicron camereip abih di taneh ia ini di adit dahlau tapa langyah mboh lac njaom mbak samar biak samar.  Tal urak ini, Thái Lan hu 740 turang njaom Omicron. Hadei di tuk hu urang njaom Omicron camereip abih di adit dahlau, karja Thái Lan brei ngak veik bruk brei daok karei ngan saong tuai negar langiu saong brei padeih danak dakh "Ngak iek saong nao" brei adat ka dom tuai negar langiu hu klauk vaccine blaoh oh njauk dut iek jit ruak./.

Urang lang: Ái Nghiêm- Mousaphuong -30/12