Đại tá Trần Phi Hùng, dahlau daih ngak phó Chỉ huy trưởng Bộ CHQS tỉnh Sơn La hu 10 thun hu mbaok tapak tame mesruh di mặt trận biên giới Vị Xuyên (Hà Giang), dalam rilo angan lac: đại đội trưởng thông tin, tiểu đoàn trưởng, trưởng ban tác chiến sư đoàn 314 Vị Xuyên, trung đoàn trưởng trung đoàn 754. Ong cho biết: bruk kuhria caga dahlau bruk hit, kuhria caga dahlau ka yaok mbang taong biak tani tanat. Rilo mbang taong, dom urang pan akaok mặt trận trun tapak tacei tapo, pasram ka adei sa-ai thau cambaih laih. Kayua yau nan ye bo kol drei oh tatuak drei anak bruk lac harei 17.2.1979, Trung Quốcpeih bruk taong praong di dom tỉnh biên giới gah barak, bloh harei 28.4.1984,  Trung Quốc nyu peih bruk meblah mek mbang ka 2 tame biên giới Việt Nam, pataom tame taong meblah biên giới Vị Xuyên - Hà Tuyên (urak ini, lac Hà Giang).  Đại tá Trần Phi Hùng khan veik mbang taong haong kol khamang di harei 19.10.1986: “Tuk nan lac 12 tuk jala. Kol dahlak bahrau huak lisei bloh ye mehit sap phao patuh khang ye tuk nan thau lac kol khamang nyu taong tame. Pháo binh di kol khamang nyu cuh tame taong abih dom labik glaong di jalan pacang caga. Bloh kol khamang nyu pandar trung đoàn tăng cường taong tame tiểu đoàn 8, trung đoàn 3 di kol dahlak.. Sư đoàn hu brei pháo 122 ly cuh tame trận địa di tiểu đoàn 8. Tapa nan kol khamang metai biak rilo, taong pametai jaik abih sa trung đoàn tăng cường di khamang”.

Jeng yau đại tá Trần Phi Hùng, thượng tá Phạm Xuân Trường,  quyền đại đội trưởng di trung đoàn 754 Sơn La hu mbhaok tapak tame mesruh di mặt trận Vị Xuyên meng hun 1985-1989, dahlau daih ngak trưởng Ban Dân quân, Bộ CHQS tỉnh Sơn La, jeng oh var hu dom thun bilan mesruh metak biak catang, biak kan kandah min hào hùng di bộ đội drei piah khik caga biên giới palei negar. Hadei di tuk ngak salah biak siam bruk padang ngak jalan phòng thủ, padang jalan taong mek dom labik njauk kol khamang meblah mek, đơn vị hu Quân khu II brei bruk taong tame, meblah mek 4 lubang di khamang. Hadei di pasang iek, duah thau cambaih laih, 5h mesup harei 5.7.1985, trung đoàn patuh phao taong tame. Hadei di 45 minit mesruh, đơn vị taong tayah hu taong abih kol khamang di dom lubang, tuan hala dok taneh ia di angaok labik glaong 685.08.00 saong ngak po hu labik mesruh. Kol khamang mboh huac saong cuh tabiak blah truyền đơn hu asal lac “Sa trung đoàn sơn cước meng gah Tây Bắc tapa daong ka Đông Bắc, angaok bara yaok urang lin 35 kg, takai oh juak takhaok, oh hu dép, nao tapa ceik samar yau mengiu yau sóc”: “Adei sa-ai daok ranaih biak khang hatai mesruh, oh huac hagait, njauk haong darah di urang lin. Njauk yau panuac di Wa Hồ lac, taneh ia njauk xâm lăng ye hatung hatian nan jeng sa pren khang biak praong. Adei sa-ai biak chreih chrai, oh huac kan kandah, oh rambah rambup, pandar taong tame ye taong chip”.

Di mặt trận Vị Xuyên tuk nan, lingiu di quả cảm, anh dũng dalam mesruh metak, Bộ đội drei jeng biak hu hatai anit ranam. Bruk nan brei mboh tuk kol khamang nyu lah, nyu daok mbuan si metai, bộ đội drei padeih cuh phao, peih jalan brei kol nyu nduac tabiak, cakaong tau di kol nyu nduac tapa gah daih biên giới. Đại tá Trần Phi Hùng daok brei thau lac: “Melam mai, kol khamang nyu mai mek tau biak rilo, sư đoàn oh cuh piah ka kol nyu tame mek tau, brei ka kol nyu nduac tapa gah daih biên giới, peih jalan ka kol nyu tabiak. Kol drei ngak sa bruk biak nhân nghĩa”.

Khik caga biên giới gah barak ginreih, meng thun 1979 tal 1989, yaok rabau anek kamuan bhap bini dom bangsa di Sơn La ba gauk tagok jalan khik caga taneh ia, palei negar. Dom urang nan, lac urang jakar daok ngak bruk di dom cơ quan đơn vị, urang lin tapon nyom bol pan phao kraong, lac anek saih, sinh viên dom sang bac, lac urang đoàn dam dara dom xã, palei. Oh neh rabha umo thun, oh lac bangsa halei, oh huac metai lahik, urang tok sahneng mboh tui jalan yau Yuan lac “quyết tử cho Tổ quốc quyết sinh”, khang hatai taong pateok kol khamang meblah taneh ia. Rilo menuac dalam dom urang nan ndih trun ka độc lập tự do di taneh ia.

Saman sron mbon hòa bình, đại tá Trần Phi Hùng, thượng tá Phạm Xuân Trường saong dom urang lin Vị Xuyên dahlau daih jeng daok patagok ilamu Bộ đội cụ Hồ di dom gah: bac da-a, ngak bruk, lao động sản xuất, patagok triển kinh tế, pato pakai anek taco. Rilo bruk ngak ndung bak hatai anit ranam jeng daok hu dom urang lin dahlau daih brei ka gauk piah pabak miat tình đồng chí, đồng đội metai lahik hu gauk di sa saman mesruh metak./.