Pathau mikva saong taong abih gauk!

Dom harei di bilan 5 ini, tuk grauk labik dalam taneh ia daok pamaong tal bruk pahadar jayah praong danei angan di dunya ini, khol drei yaom pang dom urang hu mbaok mesruh metak tuk nan dak dalikan ka Chien dich ĐBP tapa kadha vak di Quang Long angak harak mbaok Điện Bien:  

Wa Hoàng Văn Bảy, dahlau daih lac urang lin C5 D10 E174, F 316 daok di tổ dân phố 1, phường Thanh Trường,  ban  Điện Biên Phủ, tỉnh Điện Biên lac sa dalam labaih 300  urang dahlau daih lac urang lin Điện Biên Phủ daok diuk rai angaok bhum taneh Điện Biên bo kol dahlak mai taom gaok. Dalam Chiến dịch Điện Biên Phủ saman dahlau, wa lac urang hu ralo kadha oh var hu pambuak saong kamei dân công, y tế. Saong kadha njauk hadar di abih ngan saong wa lac tuk njauk rambuah dalam sa mbang taong Đồi A1. “Harei nan, dalam sa mbang gam saong đồng đội taong tame Đồi A1. Yaom lac sauk bak abih, min taong abih dom urang lin hu mbaok tame mbang taong harei nan jeng dũng cảm taong tame. Dahlak njauk rambuah kayua njauk asar phao saong candaih mbom. Gah likuk, kamei dân công nduac mai ba dahlak nao chữa trị di Mường Phăng. Hadei di nan, dahlak meng thau nan lac kapul kamei dân công di tỉnh Bắc Giang saong Phú Thọ. Dahlak daok kanal cambaih rup binguk dom urang kamei daong dahlak harei nan. Dom urang kumei nan umo 18, 20. Nao tapa jalan atah tal Mường Phăng, tapa đèo, cagar caraoh, ralo labik njauk dauk patau, kak talei meng ndik tagok hu. Mboh dom anai glaih glar, dahlak lac: caik dahlak trun, dahlak gam rui gam sait, dahlak trak yau ini dom anai oh nao hu! Oh ka abih panuac  dom anai ndom: sa-ai jui suh sah, kol dahlak hu ba sa-ai nao hu min! Tuk ba dahlak nao tal labik bloh, dom anai talap mai ngak nhiệm vụ. Tok 3 harei hadei, dahlak mehit lac labik dom anai daok njauk mbom khamang plaik trun saong dom anai nan metai abih…” Sap Wa Hoàng Văn Bảy drut drui… Dom pluh thun hadei di jayah Điện Biên Phủ, urak ini yaom lac umo taha, praong thun, min wa Bảy jeng daok kanal cambaih dom bruk di samar nan.   

 Mesruh metak lac bruk oh thei khin. Min, tuk kol khamang tame meblah taneh ia, urang hu darah Việt Nam – khang hatai dang tagok mesruh mek veik độc lập, tự do. Nan jeng lac hatai saneng di yaok pluh ribau kamei thanh niên xung phong, dân công, văn công, y tế… saong jeng lac hatai saneng di amaik Phạm Thị Bấm daok di ban sit Mường Ảng (huyện Mường Ảng). Amaik Bấm lac sa dalam yaok ribau urang diuk liệt sỹ trung kiên, var klaak haneim phol di drei brei ka độc lập di taneh ia. Pasang amaik Bấm ndih trun dalam bruk mesruh pacang kol prang tuk anek di amaik oh ka ndih tapui tabiak. Luan pandik harao, amaik Bấm sa hatung hatian nao tui Đảng, nao ngak thanh niên xung phong dalam chiến dịch Điện Biên Phủ. Saong urak ini umo labaih 90 thun, min amaik Phạm Thị Bấm jeng oh var hu dom thun bilan: Dốc Pha Đin, adei cakaong sa-ai naong/ Đèo Lũng Lô, sa-ai daoh adei takơ/ yaom lac bom đạn haok ralo haok darah/ oh huac kanda, oh damen umo dam dara.

Mesruh metak nao tapa livik bloh, ký ức di dom urang hu ngak jeng jayah “dane angan di dunya, tatuan megei baoh taneh” harei ini oh lac rup binguk di phao ndao atau mbom đạn bo lac bhum taneh sajarah  bak hatai anit ranam gauk di anek menuac. Dom ký ức nan daok brei mboh meng anek menuac biak, dom “nhân chứng sống” lac dom wa, dom amaik, dom saai – lambaok di rai rah “nằm gai nếm mật”, “drah lai gluh baok,” “oh huac metai lihik” saong jeng lac talei pambuak saman dahlau haong harei ini, pambuak ký ức hong harei ini saong harei hadei./.