Binah 1: Sinh Mệnh – Ký ức Hội An ka saman peih taneh padang palei

Sinh mệnh lac sa blah rup cih chreih chrai ka dom bruk ngak yaok harei di menuac sia Hội An dahlau daih. Hu rup binguk anai kumei daok la menyim khan bai, cambuai khim klao biak mekre. Ini jeng lac menuac dalam 60 minit di show diễn, bloh ngak jeng 1 rup binguk biak pachreih tuai damuai dalam dom minit puac di danak dak.

Sinh mệnh daok hu binah parang me-in chreih chrai di jalan bak pui hadah ngan saong 100 anai kumei cuk ao tah. Rup binguk asal raidiuk bahrau hu peih tabiak dalam bui sambai di 2 diuk pasang daok ranaih umo thun. Saong daok hu dom likei dam chrteih chrai ngak bruk piah padang sang danaok saong bruk taong cap ikan,…

Meng dom kỹ xảo âm thanh saong ánh sángbiak bahrau; meng bruk kuhria caga biak tani tanat dom đạo cụ sân khấu tal ilamu parang me-in, bruk biểu diễn Sinh mệnh di Ký ức Hội An hu padang ngak veik dalam chreih chrai, brei mboh biak ginup makna tal urang maong iek.

Binah 2: ndam lakhah – Ký ức Hội An saman ilamu Campa

Binah ndam lakhah hu ngak ka urang maong iek kan var hu tapa bruk raok metau kumei meng la-men. Yaok ratuh menuac hu ngak dreih yau urang lin Cam cuk ngui khan ao biak siam, biak mekre, tamia dom ragu raok metau kumei biak chreih chrai. Gam saong nan, lac rup binguk dom drei la-men meng rup patau praong, glaong,…Taong abih jeng brei mboh veik cambaih ka ndam likhah di Huyền Trân Công Chúa haong patao palei Campa, lac tukvak sajarah njauk kanal hadar ngak ka urang maong iek njauk caik meta maong tame.

Tapa bruk raok metau praong nan di công chúa Huyền Trân haong patao palei Campa, “Ký ức Hội An” khin brei ka urang maong iek hu thau cambaih k\jang ka bruk kinh tế, chính trị saong adat cambat tanarakun, ilamu di Hội An saman Campa, saong khin brei mboh veik bruk pablei salih chreih chrai di bhum Chiêm Cảng – Lâm Ấp abap 9 tal abap 10.

Binah 3: Gilai saong Tasik - Ký ức Hội An ka tukvak mbeik drei

Kadha caong ba tabiak di binah parang me-in Gilai saong Tasik lac bruk mbeik drei cakrok patagok di Hội An jeng 1 thương cảng sầm uất di abap 16 – 17 bo kadha praong lac bruk meyut meyau di anai kumei palei Faifo cang miat urang anit ranam di drei lac thủy thủ tàu buôn bhian nao tah sang.

Mai veik Hội An abap 16 – 17 dalam tuk patagok kinh tế bahrau, urang likei nan mbleing mblang angaok tasik piah pablei salih pandap panda haong negar lingiu. Urang njuak daok atah di gauk dalam uan, hadar, dalam drut drui saong sa hatai ranam dahlau hadei oh salih karei. Bloh anai jeng patau yau baoh gom hoa đăng hadah tanyak dalam melam hadei di dom harei maong akaok, uan, hadar.

Binah ini pandar ragu tamia piah ndom tagok.Meng bruk pambuak gauk biak gheih di âm thanh saong ánh sáng, thơ saong nhạc, labik kraong ia, dom ragu taia biak gheih hu ba mai ka urang maong iek dom drut drui kan var hu.

Binah  4: Bến Bờ - Ký ức Hội An ka saman taom gaok ilamu rilo gah

Binah ini mek cảnh darak dunya Hội An ba drei tame dunya piah brei ka urang maong iek mboh hu bruk chreih chrai bui sambai, bak menac sia di 1 thương cảng dunya sầm uất abih di bhum Đông Nam Á abap 16 – 19.

Meda lac, binah Bến Bờ lac kadha praong di danak dak thực cảnh “Ký ức Hội An”. Bến Bờ h brei ka urang maong iek mboh hu saman hadah hadai di thương cảng Hội An saong daok ngak ka urang maong iek mboh biak chreih chrai anak bruk kuhria caga biak tani tanat  meng tạo hình nhân vật, ilamu parang me-in tal dom tiểu xảo âm thanh, ánh sáng saong biak rilo diễn viên. Taong abih jeng hu pambuak pagam veik biak gheih, daong ka urang maong iek mbuan thau makna bo urang ngak tabiak khin payua tal.

Binah 5: Ao tah – Bruk pambuak gauk di “Ký ức Hội An” yaok klak haong suan yava bahrau

Hội An lac sa ban biak takik,  daok khik hu yau tamo dom yaom glaong yao klak di yaok ratuh thun dahlau yaom lac rah tapa rilo mbang trun tagok di sajarah.Meng bruk nan nyu ngak ka Hội An jeng karei jang saong menuac sia pak ini hu quyền tự hào haong ayut sahabat dunya ka dom yaom glaong di drei.

Tamat danak dak parang me-in thực cảnh “Ký ức Hội An” lac bruk parang me-in ao tah meng kan pambuak haong công trình kiến trúc yao klak pagam haong bhum taneh Hội An. Dalam âm thanh saong không khí bahrau, dom anai kumei juak radaih rah tui jalan gom hadah, nao tapa yaok canah jalan klak yau ba urang maong iek mai veik haong raidiuk urak ini, mai veik haong 1 Hội An yao klak min oh kurang chreih chrai, bak bahrau tui jalan di labik ini./.

Urang lang: Mousaphuong - 24/11