Rilo kapan gaiy kuhria caga tabiak tasik 

Ban sit  La Gi lac labik hu rilo kapan gilai taong ikan di tỉnh Bình Thuận tuk hu 2.112 sruh  gam song labaih 14.480 urang ngak; Dalam nan, yaok rituh sruh kapan hu pren khang tong chap langiu tasik atah song dom bruk ngak yau halam dui, vah ikan, lưới mành… Gam song bruk peih ngak siam dom sarak dong ka urang tong chap  ikan  di bhum tasik atah, hu palagaih ka dom bruk tong cap kaya ikan angaok tasik di urang tong ikan hu cakrok patagok, pren khang kapan gilai tapa nan jeng hu tagok tui. Hu thau, ban sit urak ni hu 57 kapul kapan gilai jum pataom angaok tasik, gam song  661 sruh kapan gilai. Yaok kapul hu meng  5 tal 6 sruh.

Yau dom kapul kapan gilai jum pataom angaok tasik karei di ban sit, dom urang dalam kapul  kapan gilai jum pataom ka  3 phường Bình Tân bhian khan brei gauk thau ka labik hu rilo ikan, ka langik tasik, ka ilamu tong cap. Dalam tuk ngak bruk angaok tasik, urang tong ikan dalam kapul tuk halei jeng jum pataom gauk,  halan hatain dong gauk tuk hu bruk hagait rah tabiak  .

Bruk ngak mbang angaok tasik tuk halei jeng mbuan gaok kan kandah, abih di nyu nan lac tuk tong cap di kreh tasik atah song bhain gaok ngin, ribuk. Kayua yau nan ye, tong cap tui kapul, nyaom hu mong lac  jalan ngak khang kajap dalam bruk tong cap kaya ikan. Dalam nan, bruk jum pataom  di urang tong ikan angaok tasik lac bruk hu yaom biak prong.

Ong Võ Thế Kỷ - Akaok kapul kapan gilai jum pataom ka  3, phường Bình Tân khan lac: “Bruk pambuak gauk di dom kapan gilai, padang dom kapul jum pataom tong cap angaok tasik hu dong ka khol dahlak khang hatai jang dalam dom mbang tabiak tasik lavik harei tuk patagok hu bruk dong gauk dalam tuk tong cap kaya ikan, rik dong paglaong jien mek tame di yaok mbang tabiak tasik.”.

Ong Nguyễn Khánh Hùng – Akaok Đồn Biên phòng Phước Lộc brei thau: “Tapa bruk ngak di dom kapul kapan gilai jum pataom angaok tasik, gah  chức năng hu peih ngak siam bruk pathau khan dom sarak bahrau ka khik ramik bruk tong chap kaya ikan, abih di nyu nan lac peih ngak catang dom bruk ngak song jalan ngak chip  piah pasiam veik panuac lac di Ủy ban Châu Âu ka bruk pacang cakak tong cap kaya ikan suan hukum, oh pathau khan song oh tui adat hukum, pacang cakak, oh daok bruk kapan ikan, urang tong ikan tong cap kaya ikan suan hukum di bhum tasik negar langiu”.

Song yaom lac hu oh thau hadom kan kandah, glaih glar, mbuan metai lahik, min urang tong ikan tuk halei jeng brei mboh hatai khang, harei melam hu mbaok angaok dom sruh kapan tabiak tasik gam song dom hala dok meriah bhong patuk kanyik katam par tagok di dom labik taong ikan. Kayua yaok urang tong ikan thau lac, bruk hu mbaok di drei angaok bhum tasik, lingiu di bruk ngak mbang duah jien, lac bruk patui jalan ngak meng kan di ong muk ong kei, dok lac bruk brei mboh hatai khang khik ramik quyền ngak po palao tasik di taneh ia, lac bruk hadah mbaok meta tuk hu ngak po bhum tasik palei negar./.

Urang lang: Hanipha- 23/2