Dah page ni (13/8), labaih 1 triệu mbang vaccine AstraZeneca kayua Mintri Y tế blei tapa Công ty Cổ phần Vắc-xin Việt Nam (VNVC) meda ba mai tal Việt Nam. Ini lac lô vaccine dalam 30 triệu mbang kayua Mintri Y tế blei tapa VNVC. Dahlau di nan, brei panuac di mbang ginum biai di harei 12/8, Phó Thủ tướng Vũ Đức Đam brei thau dalam 2 bilan 8 saong 9 meda hu ba mai labaih 12 triệu mbang vaccine meng dom gah.

Bhap bini ban raya.HCM  harei ni, yam tapa harei ka 36 paatah di gauk tui sarak 16 song 16 patagok. Harei 12/8, ban raya hu  3.841 urang njom Covid-19, patagok labaih 137.000 urang dalam mbang jit ka  4. Urak ni, ban prong abih dalam negar dok pacang veik jiak 5.300 labik piah pacang caga Covid-19.UB bhap bini ban raya.HCM hu harak samar ka bruk padang ngak  song khik ramik "bhum hajao" dalam bruk pacang caga jit gam song rilo bruk ngak catang. Yaok"bhum hajao" hu sa jalan tame, sa jalan tabiak karei, pasang iek luac harei melam. Dom sang di labik ni, yaok adit hu brei harak nao drak pasa sa mbang di labik pablei pandap mbang jiak di abih.

Anak bruk njom mbak di jit ruak Covid-19, Thành ủy Vũng Tàu, tỉnh Bà Rịa-Vũng Tàu brei ngak catang tui sarak pacang cakak meng melam 12/8 tal harei 25/8. Oh caik ka bhap bini dalam labik pacang cakak nao mai vil val labik daok tui hatai, pataom main di dom sang haong gauk, dom urang brei daok karei pataom gauk oh nao meng duk ni tapa duk dieh. Dom bilai pasang iek njauk ngak catang bruk pasang iek bruk nao mai di yaok urang, yaok sruh radaih. Dom bruk ngak suan adat pacang cakak njauk taong phat biak catang saong oh caik rahtabiak veik.

Hadei di labaih 10 harei peih bruk paatah di gauk tui sarak 16 di Thủ tướng rajaei, gah chức năng ban  Phan Thiết, tỉnh Bình Thuận hu pasang iek tong phạt jiak 360 urang ngak suan hukum pacang caga jit Covid-19. Dom bruk njauk taong phạt rilo lac tabiak jalan oh cuk pataih pacang mbaok, tabiak gah langui oh hu bruk, oh tui bruk padeih radaih di dom chốt pasang iek… Kapul pasang iek ngak biên bản, payua angan mai ka phường, xã tabiak sarak tong phạt, ngan song pok jien jiak 250 triệu đồng.

  Kuhria tal harei 12/8, Bình Phước taduan hu jaik 81.000 harak gar likau daong tui sarak 68 di rajaei, dalam nan, jaik 32.000 urang hu daong brei labaih 27 tỷ đồng. Tui Sở Lao động-Thương binh saong Xã hội tỉnh, tapa yaok pataom hu labaih 300 rahra Bình Phước gaok kan kandah kayua Covid-19 daok di ban raya HCM, Bình Dương, Đồng Nai. Tỉnh hu biyar jien daong tapa bưu điện ka 171 urang kan kathaot, jaik kathaot saong urang joh jo, yaok urang lac sa triệu đồng.

Gah Y tế dunya (WHO) ieu rajaei dom negar pambuak gauk  piah jhul pakhang bruk roh duah asal di  vi-rút SARS-CoV-2 rah tabiak jit prong Covid-19; khang panuac oh brei ba bruk chính trị tame. WHO ndom lac bruk prong prang nan lac brei thau jit prong Covid-19 rah tabiak yau habar  piah dunya meda pacang cakak dom jit prong dreih yau nan dalam harei anak tal. Bruk pabak dom dữ liệu tuk camereip jit prong di dom negar  lac biak prong song dom negar njauk pambuak bruk piah dom roh duah patui di nan meda peih ngak samar di abih.

Liên Hợp Quốc daok duh hatai tuk kol Taliban  daok salih bruk taong tame, meng bhum palei pala tapa tal dom ban sit, mbuan ba tal matai lahik ka bhap bini. Urak ni hu tal 18 triệu 4 rituh urang Ápganixtan daok caong tal dom paoh jien daong pahla; yaok rituh ribau urang njauk paduan nao daok labik karei dalam thun ni. Mintri Quốc phòng Mỹ, Anh brei thau meda ba yaok rituh urang lin nao tal Ápganixtan piah daong ka urang Anh saong dom urang lang sap di pak ni tabiak truh taneh ia Tây Nam Á ni.

Rajaei Indonesia brei klaak abih dữ liệu ka urang metai kayua  Covid-19 yau sa tanut piah tong yaom dom sarak patrun xã hội. Dalam 7 harei tapa, urang metai kayua Covid-19 di  Indonesia lac glong abih di dunya  ngan song labaih 12.000 urang. Min, tui jabat pasang iek độc lập Covid-19 di Indonesia, biak di nyu lac tal 19.000 urang. Bruk brei klaak abih dữ liệu metai di rajaei gaok rilo bruk cagar veik. Dom chuyên gia ndom lac bruk ni meda ngak ka jit prong di Indonesia oh meda abih kayua sarak pasang iek Covid-19 meda iek tui dom dữ liệu suan./.

Urang lang: H.Pha & Thu Thảo - 13/8/2021