Anek saih bangsa takik hu urang pajeng nao bac 

Jalan nao meng sang tal sang bac  atah labaih 3km min ngan song sa  uranaih oh hu takai  yau  Nguyễn Tất Minh ( daok di  xã Quyết Thắng, huyện Triệu Sơn) lac jalan nao biak atah, biak kan kandah. Meda lac amaik ame di Minh jeng oh sahneng tal bruk anek di drei meda yam tapa hu jalan nan. Ame di Minh khan lac:

"Anak tari taring lo, anai gru anit ranam, meyah menuac dalam sang oh ka mai pajeng ye anai payua di quán, hadei di nan, boh sang blei sruh radeih  nhựa 3 kong ye nyu takik gleih glar. Kol dahlak jeng kham merat abih drei kuhria ka anek nao bac .

Kurang 2 gah takai, min Nguyễn Tất Minh tuk halei jeng caong hu nao bac"

  "Tuk dok sit adei nao bac jeng mboh sambaii, oh mặc cảm song rup drei, tuk halei jeng sahneng lac drei yau ni min oh hagait jeng meda nao bac, main sambai song ayut sahbah lac sambai ye".

Menuac sia bhian ndom lac  “dalam bala hu patuah”, oh hu dua gah takai yau dom ayut sahabat umo nde gauk min pabak veik Minh hu hatai khang yam tapa kan kandah piah ngak hu bruk daok caong khin di drei. Min, bruk hagait hu dong ka Minh hu pren khang song yam tapa kan kandah piah ngak hu yau hatai khin? Panuac jalei di Minh meda lac ayut sahabat, tok hu ayut sahabat hu dong ka Minh yam tapa tong abih dom kan kandah dalam rai duik. Dalam tuk Minh kan kandah di abih  ye Hiếu hu mbaok, 2 ayut Hiếu – Minh mboh anit ranam gauk song bruk gui ayut nao bac jeng tabiak meng ini, piah ka 2 urang vak jeng dalikan dalam raiduik .Ayut Ngô Minh Hiếu khan lac:

"Tuk camereip adei ba  Minh tal sang bac adei biak bui sambai song adei tuk halei jeng iek Minh lac ayut, meng nan khol adei main haong gauk dak harei dak kajap jang."

Ong Nguyễn Tài Quyển, Akaok sang bac  THPT Triệu Sơn 5 brei thau,  Minh lac anek saih biak tari taring, yaom lac hu brei tame sang bac  kayua menuac jaoh jo  min adei oh taduan song eng drei pakacah tame sang bac . Sang bac biak hadah mbaok meta tuk hu sa anek saih kham merat yau nan .

"Cei gru bhian kakei dom adei tuk halei jeng pabiar rup, iek prong menuac sia. Bruk camereip lac brei thau dar phol, kayua  ni lac bruk biak siam.Hiếu hu hatai siam hong  Minh, song  Minh ngak hu bruk lac yam tapa kan kandah jaoh jo piah ba drei tame haong ayut sahabat" 

Dalikan “10 thun gui ayuh nao bac” di Minh song Hiếu dok yam tapa sa blah bahrau.Mbang pakacah tamat  THPT meng bloh  2 adei jeng  mek hu  điểm glong, labaih  28 điểm. Bruk ni jeng hu makna lac  Hiếu song  Minh njauk atah di gauk song peih tabiak jalan bahrau tuk Hiếu caong khin jeng Bác sĩ dok  Minh cong khin bac gah công nghệ thông tin.

Ndom ka tukvak anak tal di drei, Minh brei thau lac kham merat bac mergu jang song jia lac drei meda yam tapa yaok kan kandah tavak tavaiy, harei hadei hu jeng urang hu kein laba ka  puk paga, ka menuac sia./.

Urang lang: Hanipha- 14/9