Labik pato bruk ngak ka urang jaoh jo
Saai Vì Thị Thuận, bangsa Thái daok di bản Lác, huyện Mai Châu, tỉnh Hòa
Bình oh lac hu ilamu dalam bruk menyim saong pato menyim jih dahlah bo tuk
halei jeng sami samal, thau pablei salih, yaih khan pandap. Cơ sở bảo trợ xã
hội Thuận Hòa kayua saai padang
tagok, lac labik pato bruk ka urang jaoh jo bangsa takik, daong ka dom urang
nan thau bruk, hu bruk ngak saong hu jien mek tame tani tanat.
Menek tabiak dalam sang kathaot, raidiuk
pagam pambak tame hamu apuh, tame langik tasik. Hadei di tuk khin likei, saai
Thuận kham merat salih bahrau raidiuk meng bruk nao trun Hà Nội saong dom tỉnh
duah iek darak pasal piah duah jalan ngak mbang pablei salih. Dalam dom mbang
nao duah iek, saai gaok rilo urang jaoh jo sang kathaot mboh biak anit min tuk
halei jeng caong khin yam tagok dalam raidiuk. Meng nan saai brei padang cơ sở bảo trợ xã
hội – labik bo dom adei jaoh jo meda mai daok saong hu pato bruk, meda ngak
tabiak dom pandap gam hu yaom gah ilimo gam ba jien mai ka dom urang oh patoah
jamo.
Dom harei dahlau tuk bahrau peih
tabiak, cơ sở gaok rilo kan
kandah. Adei Bùi Thị Hưng (bangsa Mường)
jaoh jo meng sit, lac urang akaok meti hu saai pato pứt, pato menyim. Thau tal
cơ sở ini, dom sang hu anek, hu adei jaoh jo mai payua saai piah bac bruk. Tal
thun 2008, tuk saai Thuận likau padang
Cơ sở bảo trợ xã hội Thuận Hòa, cơ sở hu 9 adei jaoh jo bac megru saong ngak
bruk pak ini. Tal thun 2012, saai padang
ka dom adei sa baoh sang ngak labik daok karei. Hu tuk labaih 20 adei pataom
gauk saong bac megru di ini. Urak ini baoh sang daok taik tahak rilo njauk
pacang bạt saong kak piah caga hajan ribuk…
Yaom lac oh ka hu jien padang labik ka nyu siam, min saai Thuận jeng daok khik
bruk ngak praong nan lac: pứt, menyim thủ công saong jhik. Saai khan lac “ urak
ini dom adei hu jien mek tame tani tanat, jaik 3 triệu đồng/sa urang sa bilan
saong jien mbang, daok cơ sở lo abih. Langiu nan, hu rilo adei kumei jaoh jo di
dom tỉnh atah jeng caong bac bruk, caong hu bruk ngak di cơ sở. Kuhria ta-eng
dalam huyện Mai Châu jeng hu tal labaih 20 adei tut angan min kayua oh ginup
labik mbang, labik daok ka dom adei yau nan ye oh ka taduan tame hu...”.
Hiệp hội palei ngak Việt Nam pok brei
saai Vì Thị Thuận angan lac “Nghệ nhân menyim jih dahlah” meng thun 2010 tal
2013 saong urak ini saai lac Phó Chủ nhiệm Hợp tác xã palei ngak jih dahlak Mai
Châu, Hòa Bình. Maong dom adei jaoh jo yau dom urang anek di drei, gam saong
bruk kham merat di drei, saai Thuận caong taduan hu bruk daong di dom urang hảo
tâm piah padang veik baoh sang ngak labik daok, labik ngak bruk ka jaik 20 adei
jaoh jo saong caik sa gian hàng pablei pandap ka tuai du lịch./.
Viết bình luận