Rilo urang palih ruah nao du lich di Mui Ne

Harei 24/8/2020, Akaok Mentri Ilamo – Padhih saong Rivang ma-in hu mboh tangin tame sarak brei angan Labik rivang ma-in Mũi Né lac labik rivang ma-in pakat negar. Ini oh lac kadha bui sambai di gah rivang ma-in Bình Thuận, dom urang ngak mbang gah rivang ma-in bo daok lac ka taong abih bhap bani puk palei.

AmukNguyễn Lan Ngọc - Phaok akaok Sở Ilamo, padhih saong rivang ma-in Bình Thuận brei thau, bruk mek hu angan ini lac pren khang daong ka gah rivang ma-in Bình Thuận dak harei dak brei mboh ka labik dang di drei angaok bản đồ rivang ma-in di negar jeng yau dalam bhum. Atah jang, tui jalan quy hoạch cak rok patagok Labik rivang ma-in pakat negar Mũi Né hu Thủ tướng Raja-ei pasang iek saong njauk hatai brei ngak, ba tabiak jalan cak rok patagok Mũi Né jeng labik nao tal dang akaok di bhum taneh  Châu Á- Thái Bình Dương. Meng nan, gah du lịch Bình Thuận hu peih tabiak rilo jalan piah cak rok min jeng njauk kham merat rilo jang meng pabak hu bruk caong khin:

  Labik rivang ma-in pakat negar Mũi Né hu brei angan nan lac  kadha siam piah pachreih dom urang buh jien tame ngak mbang. Kayua lac tuk hu urang buh jien tame ngak meda daong ka bruk ba tabiak dom pandap panda saong dom labik hu parabha blaoh, dom jalan ngak ka darak pasar tuai damuai ka pandap panda rivang ma-in pakat glaong mek hu siam mekre jang. Taphia di nan jeng lac kadha piah ka drei rami ramik veik dom bruk ngak dalam labik rivang ma-in pakat negar Mũi Né ini.

Labik rivang ma-in pakat negar Mũi Né daok angaok bhum taneh tapen tasik meng phường Phú Hài, bal Phan Thiết tal xã Hòa Phú, huyện Tuy Phong, praong labaih 14.760ha, dalam nan hu mblang taneh bhum lõi pataom tame cak rok patagok, dak padang dom labik rivang ma-in  jaik 1.000 ha.

Ong Nguyễn Văn Khoa, akaok Hiệp hội rivang ma-in Bình Thuận ndom lac, tukvak tapa, dom doanh nghiệp ngak du lịch di Mũi Né jeng hu peih ngak tui jalan cak rok patagok hijao, pacang khik môi trường sinh thái. Rilo doanh nghiệp hu peih ngak saong patagok pren khang gah rivang ma-in tasik gam haong yaom glaong dom inem mek, ilamo puk palei, ngak jeng kadha karei ka drei. Dalam nan hu Muine Bay Resort daok di vịnh Mũi Né saong pamaong tabiak pulao kaoh Hòn Lao daok tamo. Muine Bay Resort ndung bak bruk rivang ma-in sinh thái tasik saong ilamo puk palei ngan haong labik padeih padei dalam pandiak kanjik katam, cuah patih, tasik hijao. Tui ong Nguyễn Văn Khoa ye labik ini hu padang ngak tui kadha ilamo “Sa hasit pahe Cam”, brei ka tuai hu thau ka sa bein ilamo puk palei di Bình Thuận, akaok meti lac meng biểu tượng vòng apui di Yang Shiva: 

  Shiva tamia pataih, Shiva tamia apui, Shiva biak rilo, Shiva  lac sa yang ginreh, lac dalikan ndom ka ilamo puk palei. Tok hu urang thau cambaih, drei meng ngak ka urang caong duah thau ka ilamo puk palei. Daok bruk mbang huak ye hu tuh bánh căn, bánh xèo blaoh daok hu aia bai baoh tamekai meda haong jah, blaoh hu liba Cam lac bruk pambuak gauk di dom gia vị, nyu biak hu yaom glaong.

Oh lac tok pataom tame cak rok patagok dom pandap panda rivang ma-in biak karei pambuak pagam haong mblang tasih mekre, Bình Thuận daok pambuak bruk peih ngak dom bruk meyaih khan dalam 3 labik rivang ma-in “Bình Thuận– Lâm Đồng– TPHCM” ngan haong dom pandap panda “Darak Bến Thành – Bingu Đà Lạt– Tasik Mũi Né”. 

Ong Nguyễn Đức Hoà, Phaok akaok UB bhap bani tỉnh Bình Thuận brei thau, piah dui pachreih urang buh jien tame labik rivang ma-in pakat negar Mũi Né, tỉnh kham merat jak ba urang buh jien tame ngak saong tuk camereip pachreih hu dom gah buh jien tame ngak bahrau. Meng nan bo rilo urang buh jien tame suai lavik, hu rilo jien padai saong ilamu yau Tập đoàn FLC, Novaland, TTC, Hưng Thịnh hu buh jien tame ini ngan haong yaom jien ka yaok dự án abih tih labaih 10 ribau tỷ đồng, praong labaih 1 ribau ha:

Tỉnh jeng hu jak ba dom urang buh jien tame ngak, buh jien tame ngak dom gah yau padhih tasik, dom labik rivang ma-in giải trí, tapen du thuyền, dom pasak pablei salih, dom pasak njaom biai parang iek dunya…. Tỉnh jeng pasang iek veik dom bruk quy hoạch, abih di nyu lac quy hoạch urak ini daok ngak jeng quy hoạch cambaih laih piah palaghaih ka bruk dui pachreih urang buh jien tame ngak.

Meng dom siam laghaih saong pren khang hu blaoh di drei, rivang ma- in Bình Thuận tui kuhria tal thun 2025 taduan raok jaik 9 triệu mbang tuai damuai, dalam nan tuai damuai dunya jaik 1,5 triệu mbang. Taong abih jien mek tame hu meng bruk rivang ma-in tal thun 2025 lac jaik 24.000 tỷ đồng saong ba bruk ngak ka jaik 24.000 urang./.

Urang lang: Mousaphuong -29/11