Dalam jiak 10 mô hình dok ngak njam thủy canh  pandar công nghệ glong di Lâm Đồng ye trang trại pala njam xà lách di amuk  Phạm Thị Cúc, dok di palei  Đạ Nghịt, xã Lát, huyện Lạc Dương lac sa điển hình. Ngak tui công nghệ  di Châu âu, nan ye phun jien buh tabiak ka  trang trại biak praong, yaok hec-ta labaih 8 tỷ đồng. Gam song  sang camin, brei hu dom thiết bị nao gam yau ống máng, talei ba ia, van khóa, giá đựng cây, bồn nhựa, hệ thống jamriak nyuk ia ,… dom thiết bị ni hu blei meng negar langiu. Tui amuk  Phạm Thị Cúc, bruk pala njam thủy canh tui công nghệ glong oh kan, takik buh pren yava iek glang min hu njam siam chất lượng glong, jien mek tame rilo.

“ Pala njam thủy canh biak  mbuan, ka sa lac kein liba glong,  iek glang  takik, nyu dok angaok glong nan ye paik biak mbuan. Song bruk siam di abih lac pandar jru khik caga phun pala, meyah sa vụ njam pala ala taneh nyu dui atah labaih 2 bilan ye urang pruh meng 5- 6 mbang jru, daok xà lách thủy canh tok pala meng 25 -30 harei, nan ye hulin oh pandar jru khik caga phun pala. Bruk kein laba ka 3 nan lac abih takik ia, samu ¼ ia urang pala di ala taneh.

Meng 1.000 mét vuông  ngak tuk camereip, urak ni amuk Phạm Thị Cúc peih prong taneh pala njam thủy canh tagok  1,3ha, song  16 janih njam xà lách karei di gauk. Urak ni  yaok harei sa ha paik hu labaih 800kilogam njam  xà lách,  thành phẩm, ngan song yaom pablei tui hợp đồng ka dom siêu thị  lac 40.000 đồng/kg. Kayua bruk caong blei njam hu pala meng jalan  thủy canh ni biak prong, nan ye oh dut hatai ka bruk pablei. Amuk Phạm Thị Cúc lac: “Meng bilan 6 thun 2015 tal urak ni,  tuk halei njam di hulin jeng oh ginup pabak ka darak pasa,  daok tuk vak ni nyu dak kurang. Meng livik ye, hulin pablei ka 3 siêu thị, min  oh ginup pandap piah pabak. Di bein hulin pablei  yaom 40 ribau đồng /kg, hu sa ha ye jien mek tame biak rilo. Urang blei mbang dok sangka tal pren yava, daok caik hatai tal dom kaya nong chất lượng glong, ye hulin dok kurang biak rilo njam pablei ka darak pasa. 

          Tui ong Phạm S, Phó akaok UB bhap bini tỉnh Lâm đồng, bruk patagok ngak nong công nghệ glong di tỉnh hu salih bahrau, ngan song chất lượng sản phẩm song yaom jien mek tame di mblang taneh jeng hu tagok glong. Min, kan kandah prong di abih urak ni lac phun jien buh tabiak, nan ye piah brei thau saong pambak prong dom bruk pala njam thủy canh yau trang trại di muk Phạm Thị Cúc tabiak prong lac bruk biak kan kandah

Taneh siam, langik lagaih, tỉnh Lâm đồng hu jalan piah patagok ngak nong tui jalan công nghệ glong, abih di nyu nan lac dom janih njam, bingu, te, café, rong limo ia tasau song rong ikan ia liar. Urak ni, dom kaya nong di Lâm Đồng hu mbaok di grauk darka pasa  dalam taneh ia song pablei tabiak negar langiu, song hu angan je dalam urang blei mbang. Tuk phun jien hu peih brei, meda lac gah ngak nong cong nghệ glong di Lâm đồng dok tagok khang jang, samar ba Lâm đồng jeng tỉnh hu bruk ngak nong siam, khang kajap song salih bahrau tui jalan ngak bo sarak đảng bộ di tỉnh ni hu ba tabiak./.