Phó Thủ tướng Lê Văn Thành dalam mbang ginum biai online 

Dom Mintri: Ngoại giao, Công thương, dom jabat saong puk palei tapen negar ngak bruk, pambuak gauk catang jang haong dom mintri, dom gah, tinh, ban di Trung Quốc piah ba mbuan lagaih jang ka bruk pablei salih pandap panda di 2 gah taneh ia – nan lac asal kadha hu pato tacei di Phó Thủ tướng Lê Văn Thành dalam mbang ginum biai online haong dom mintri, dom gah, tinh ban ka bruk lang talaih kan kandah dalam bruk pablei salih tapa dom tinh tapen negar gah Barak di bier harei 26-12. Tui pathau khan di Mintri Công thương, tal harei 25-12, Quảng Ninh daok 1.555 sruh radaih, Lạng Sơn daok hu 4.204 radaih daok gar viek di cửa khẩu, ngak khat lahik ka doanh nghiệp saong bhap bini tuk kaya nong meblah tal  80% pandap pablei tabiak, mbuan khut. 

Kapul ngak bruk di  Bộ Tư lệnh bhum  4 Hải quân pambuak bruk hoang Ủy ban bhap bini  tỉnh Khánh Hòa nao rivang, jak ba, tadhau yhut  Tết urang lin haong bhap bini huyện palao Trường Sa hu tabiak nao meng  Quân cảng Cam Ranh, tỉnh Khánh Hòa beir harei 25/12. Kapul ngak bruk hu 4 kapan: Trường Sa 561, Trường Sa 571, KN 490 song KN 491, tui kuhria dalam  20 harei hu nao rivang dom palao kaoh , labik dok di  urang lin di  huyện palao  Trường Sa. Mbang nao rivang ni, langiu di dom urang jakar  , urang lin  ba tui rilo pandap mbang, pandap Tết brei ka bộ đội song bhap bini  huyện Trường Sa raok  Tết, dok hu dom urang vak  di dom jabat harak mbao, rayo  Trung ương song mbao gah bol bala.

Danak dak “Xuân halain hatain ngak pahla” meda hu dam dara tỉnh Phú Yên peih ngak meng urak ini tal puac bilan 2/2022 dalam nan hu dom bruk ngak praong, yau ye: iek ruak, blei jru saong langyah oh mek jien (di sang) ka dom sang kan kandah saong ranaih di bhum njauk kan kandah di jit ruak COVID-19. Dom kapul halain hatain hu ilamo, pataom prein tame pato tacei ka urang nong peih ngak bruk pala drak hadei di mbang hajan ia sua meng blaoh; daong pambuak bruk pablei salih. Taphia di nan, rilo bruk an sinh xã hội jeng hu peih ngak, pamaong tal ranaih matui madar kayua amaik ame lahik dalam mbang jit COVID-19, ranaih kan kathaot…

Meng harei  27/12, tỉnh Trà Vinh peih ngak iek bruk pato bac  tapak  ka anek saih dom tal  9 song tal  12 di dom  xã, phường, ban sit  hu tong yaom pakat jit lac  pakat 1, pakat 2 ("bhum hajao", "bhum katam"). Hadei di nan, gah pato megru  tỉnh peih bruk brei ka anek saih dom tal  7, 8, 10 và 11 di dom  xã, phường, ban sit  di "bhum hajao ", "bhum katam" nao bac tapak veik meng harei  5/1/2022. Sở pato megru tỉnh padang jalan bac megru tapak gilac veik ka anek saih  tal  6 hadei di tuk dom adei hu klauk  vaccine pacang COVID-19. Ngan song pakat  Tiểu học, tỉnh hu  pato song bac  tapa rayo papar binguk  Trà Vinh.

Di tuk peih tabiak saong taduan bruk rik daong ka danak dak “Riyak saong Komputer ka adei” thun bac 2021 – 2022 kayua tỉnh Bình Thuận peih tabiak di adit blaoh, hu rilo jabat, kapul nyaom, doanh nghiệp, manuac urang rik daong saong tut angan rik daong jien saong pandap yaom abih tih labaih 16 tỷ đồng. Bruk taduan mek rik daong danak dak “riyah saong computer ka adei” meda palagaih ka gah pato magru Bình Thuận hu prein khang jang piah peih ngak siam bruk ngak di thun bac bahrau 2021- 2022. Kayua njauk kan kandah di jit COVID-19, dom labik dalam tinh jeng daok khik bruk bac tui jalan online. Min, urak ini hu labaih 18 ribau anek saih dalam tỉnh ka oh hu pandap panda piah bac online. Rilo adei lac sang kan kathaot, jaik kathaot, sang gaok kan kandah saong amaik, ame lahik kayua jit COVID-19.

Jit Covid-19 kayua biến thể mới Omircon dok ngak duh hatai ka dunya  tuk urang njom bahrau  tagok samar di Mỹ, Anh, Pháp, Đức… song pambak prong tabiak dom pluh taneh ia karei karei  . Yaom lac dom khaw tin camereip brei thau độc lực di  biển thể bahrau oh biak khang  min bruk njom mbak biak samar ngak ka dom  hãng kapan haoh  klaak yaok ribau mbang par dalam tuk padeih  Giáng sinh song thun bahrau, bruk  y tế rilo taneh ia abih di nyu nan lac  di  Mỹ song  châu Âu dang anak mbuan si quá tải gilac veik.

Harei 26-12, rajaei Taliban di Afghanistan brei thau lac urang kumei oh hu tabiak atah jang 72km langiu di bruk nao gam haong gauk gar lac urang likei, adat bahrau hu ba tabiak dalam dom adit hadei di tuk kanja Taliban ieu kakei dom kênh rayo thaot binguk di Afghanistan padieh bruk peih dom bộ phim saong vở kịch hu urang kumei. Meng di tuk tagok par akaok di Afghanistan di bilan 8, Taliban hu ba tabiak rilo adat hu pambuak tal urang kumei saong ranaih kumei. Di dom labik, rilo anek saih kumei trung học jeng ka oh hu nao tal sang bac.

Javap jalei báo chí harei kabroi, Phó Tổng thống Mỹ Kamala Harris)khan lac negar ni dok ngak bruk  song dom đồng minh haong đối tác ka bruk  Ukraine song meyah  Nga hu bruk  meblah mek  ye njauk dom  tong  phạt oh ka bhian mboh. Dalam harei nan, Tổng thống Nga Vladimir Putin jeng ndom lac  Kapul  Hiệp ước Bắc Đại Tây Dương (NATO) song Mỹ oh ba tabiak  dom paka piah patrun bruk ngak quân sự di  Đông Âu song oh brei Ukraine jeng sa  thành viên di  liên minh ni, Nga brei kuhri kuhria rilo palih ruah, dalam nan hu bruk cagar veik quân sự./.

Urang lang: H.Pha & Thu Thảo 27/12/2021