Meng mblang kapal haok Kuala Lumpur, kol dahlak abih sa tuk par tal mblang kapal haok Langkawi  piah duah thau ka pulao mekre ini. Langkawi – quần đảo daok gah brak eo tasik Malacca jaik taphia Phuket, Thái Lan. Tui bhap bini di labik ini, Langkawi lac labik daok di anek đại bàng. Rup binguk dom drei đại bàng khang kadang par angaok langik hijao biak jaik saong anek menuac. Kayua yau nan ye, karja di labik ini hu brei padang ngak sa quảng trường Đại bàng biak praong, pachreih hu ralo tuai damuai tuk mai tal pulao ini. 

Mai tal Langkawi, langiu dom labik yau palei Phương Đông Oriental Village, Pantai Kok, mblang du thuyền Telaga…kol drei jui klak bruk nao cáp treo (cable car). Cáp ini nyu atah labaih 2 km, angaok tabung glaong labaih 700 mét hu brei kol drei thau jang ka viên ngọc quý di Malaysia ini. Saai Saing Darareaksmey – sa urang tuai mai meng Campuhia brei thau:   

 “Biak chreih chrai tuk hu nao cáp treo. Drei maong hu biak ralo labik  biak mekre. Dahlak mboh biak bui sambai hong kapul di dahlak, haong dom menuac di dahlak. Tuk cáp nao tagok glaong, drei hu mboh abih cảnh Malaysia biak mekre saong taphia negar di Thái Lan. Urang ndom lac “oh karei hagait suraga”. Drei hu mboh sa bhum taneh biak mekre di Malaysia, Langkawi saong taphia negar Thái Lan. Nan lac sa labik biak mekre”.   

Tabiak truh labik cáp treo, kol dahlak nao tal miuyim nghệ thuật 3D daok di takai ceik. Pak ini, meng dom anek athur tal dom khu vườn, dom blah chân dung di dom urang hu angan je, jeng hu cih meng tangin biak siam, drei meda thaot hong dom rup binguk nan, yau thaot saong athur biak, menuac biak. Ini lac miuyim 3D praong abih di Malaysia, hu abih tih 3 tal saong 9 khu vực. Ndom ka bruk karei di gauk di miuyim 3D ini, saai Ridzuan –urang khik iek di labik ini brei thau:  

 “Bruk karei di gauk di kol dahlak saong dom miuyim  3D nan lactaong abih dom rup cih jeng hu cih meng tangin. Tuai mai tal jeng mbuan mboh bruk karei di gauk nan. Dom miuyim karei ye in rup cih angaok tanyaik bloh mbat tagok tường. Daok di labik ini, taong abih rup cih angaok tường saong sàn jeng hu cih meng tangin. Kol dahlak khik ramik sàn meng sa tal tauk jangaih piah khik ramik sambo angaok sàn. Nan ye tuai damuai mai tal ini brei taoh takhaoh tabiak, piah khik hu dom blah rup cih”.

Jeng dalam mbang nao, baoh kapal pajeng kol dahlak nao tal danao Pulau Dayang Bunting (makna lac Tiên nữ metian). Ini lac sa danao ia taba biak praong, daok angaok pulao kreih tasik. Danao hu padang hadei di tuk tabung di động praong nyu jaleih. Tuai damuai hu menei atau pah kapal nao vir taom dar labik ini. Cagar riyak mai veik baoh taneh, hu maong iek mblang bein địa chất dunya akaok meti di Đông Nam Á – labik hu dom janih patau klak labaih 450 triệu thun, hu kraong Kilim saong dom hang động đá vôi. Mai tal labik ini, kol drei hu ba drei tame lingik li-ar, tame sambo hijao di dom glai dước, gam saong hệ thảm thực vực. Gah dalam hang động di mblang bein địa chất Kilim hu biak ralo thạch nhũ, đá vôi ngak jeng labik biak mekre.

Langiu dom labik du lịch sinh thái, angaok pulao ini daok hu ralo labik du lịch ilamu dane angan yau sang parang iek nghệ thuật Atma Alam, pasak thủ công mỹ nghệ Galeria perdana, pasak ilamu Kota Mahsuri gam saong dalikan bhap bini hu angan di Langkawi lac truyền thuyết ka anai Mahsuri, urang nguyền rủa 7 rai urang Langkawi tuk anai metai oan nghiệt. Taphia di nan daok hu miuyim khảo cổ học Bujang, miuyim padai angaok pulao padai ia (pulao Beras Basah).  Ndom ka bruk dui chreih di pulao padai ia (pulao Beras Basah), saai Vijay – hướng dẫn viên du lịch di labik ini lac:

 “Pulao padai ia (pulao Beras Basah) lac sa dalam dom labik mai di tuai damuai tuk tabiak rivang dom baoh pulao. Hadei di tuk rivang iek, nyuc tasik saong vah gaiy, maong đại bàng, ini lac baoh pulao puac abih piah tuai damuai mai calui. Ia tasik biak hijao jangaih. Lingiu di nan, ia tasik jeng biak ấm ngak ka labik ini jeng labik biak siam piah calui”.

Pandap mbang menyum di Langkawi jeng hu biak ralo janih saong pabak hu hatai caong di tuai damuai. Langiu dom pandap mbang di urang Isalm daok hu pandap mbang di urang Thái, urang Hoa saong sit jien jang lac pandap mbang di urang phương tây. Langkawi lac pulao miễn thuế, alak saong socola di labik ini biak lap, hu urang blei ngak pandap alin hadiah.

Langkawi – baoh pulao intan biak mekre. Ini lac labik tuai du lịch hu ba drei tame dom labik karei di gauk, meng tagok ceik maong iek lingik tasik tal tame glai dauk mbak saong nyuc tasik. Meng bruk đa dạng di dom hệ sinh thái ngak jeng labik du lịch tổng hợp min jeng hu nét đặc sắc karei. Ini biak lac labik nao tal biak chreih chrai ka tuai damuai./.