Kluak vắc-xin Covid-19 blaoh daok njauk ruak Covid-19 halei oh?

Javap jaleiy: Oh hu janih vắc-xin Covid-19 halei hu brei adat saong pachreih pandar hu gam virus daok diuk meda ngak jeng ruak Covid-19. Bruk nan jeng hu makna lac oh hu vắc-xin Covid-19 halei meda ngak brei ka rup drei njaom mbak janih ruak ini. Taong abih dom janih vắc-xin ini jeng hu daong cak rok patagok hệ miễn dịch piah mboh saong pacang veik virus SARS-CoV-2. Jeng njauk thau lac, hadei di tuk klauk vắc-xin pacang ruak Covid-19, abih dom adit piah ka rup pabhap cak rok patagok prein pacang caga ruak. Bruk ini hu makna lac sa urang meda njaom mbak virus ngak jeng ruak Covid-19 dahlau atau hadei di tuk klauk jru saong jeng meda njauk ruak. Ini lac kayua vắc-xin oh ka ginup tukvak piah pabak prein khik caga rup pabhap.

Meyah njaom Covid-19 blaoh saong abih ruak blaoh, njauk klauk vắc-xin Covid-19 halei oh?

Javap jaleiy: Drei njauk klauk vắc-xin Covid-19 yaom lac drei njauk ruak blaoh saong taong abih ruak blaoh. Kayua lac dom urang ilamu urak ini jeng oh ka thau tukvak oh njauk njaom ruak veik hadei di tuk abih ruak Covid-19 nan lac hadom, kayua yau nan ye, yaom lac abih ruak blaoh min  meda njaom veik nCoV.

Vắc-xin Covid-19 ngak salih ADN di urang ruak halei oh?

Javap jaleiy: Oh. Vắc-xin COVID-19 oh ngak brei salih AND di drei. Pagap yau vắc-xin RNA truyền tin atau daok iew lac vắc-xin mRNA lac vắc-xin COVID-19 akaok mereip hu brei adat pandar di Hoa Kỳ. Vắc-xin mRNA daong ka dom tế bào di kol drei meda ngak tabiak protein piah pachreih jalan pacang caga ruak. mRNA dalam vắc-xin COVID-19 oh njaom tame tế bào labik hu ADN di drei.

Kadha ini hu makna lac mRNA oh gaok hagait tal ADN di khaol drei. Salih tame nan, vắc-xin COVID-19 mRNA ngak bruk haong jalan pacang caga eng di rup pabhap piah cak rok patagok prein pacang caga ruak ka nyu siam. Puac tukvak nan, rup drei thau hu jalan khik caga, pacang bruk njaom mbak di anak tal. Bruk  pabak hu kadha pacang caga jit saong ngak tabiak kháng thể nan lac jalan khik caga piah ka kol drei oh njaom mbak ruak tuk virus njaom tame rup pabhap./.

Urang lang: Thụy Sĩ - 11/3/2021