Cap mek urang tame negar suan hukum

Hadei di rilo harei pasang iek, kuhria tal harei 27/7, jabat jaka ban Đà Nẵng hu duah mboh yaok rituh urang negar langiu tame negar drei suan hukum, abih di nyu nan lac urang negar Trung Quốc. Dahlau nan, 21 urang Trung Quốc daok oh khan brei thau dalam 1 resort di ban sit Điện Bàn, tỉnh Quảng Nam hu duah mboh. Thiếu tướng Nguyễn Đức Dũng, Giám đốc Công an tỉnh Quảng Nam brei thau, tapon urang ni brei thau nyu tame negar meng jalan haluk, jalan praong, jalan sit. Jabat jaka daok pasang iek ngak cambaih bruk hu ha oh jalan ba manuac negar langiu tame negar suan hukum saong hu hadom urang pambuak tal?

Dahlau di nan, di kreh bilan 7/2020, tỉnh Quảng Ninh hu ba jaik 200 urang tame negar suan hukum tapa dom jalan sit, jalan praong tapen negar tame labik daok karei Center Way di ban Móng Cái. Langiu di bruk njom mbak jit ruak, bruk urang tame negar suan hukum daok ba tal quá tải ka labik daok karei Centerway Móng Cái. Labik daok karei ni urak ni hu 60 bilik, tui adat, brei 6 urang daok sa bilik, min urak ni kapul ngak bruk njauk ramik 10 urang daok dalam sa bilik. Dalam tuk dom janih yau ye điện, ia di labik ni khut biak trak, ba tal bruk quá tải.

Anak bruk ni, dalam mbang nyaom baai tapak haong rajaei ka bruk pacang caga jit Covid-19 harei 25/7, Thủ tướng Nguyễn Xuân Phúc pato tacei samar peih bruk langyah tui hukum urang ba mauac tame negar Việt Nam suan hukum. Thủ tướng jeng hu ieu kakei Mintri Quốc phòng njauk khan brei thau cambaih laih tal dom kapul biên phòng saong ba tabiak panuac sua tangi lac dom urang negar langiu ni tame negar Việt Nam yau habar, meng jalan halei?

Thủ tướng ndom lac: hu dom urang maong lap, oh ngak ginup dom panuac kakei ka bruk pacang caga jit. Bruk caik ka urang negar Trung Quốc tame negar suan hukum lac bruk biak njauk piah mbuah kan. Mayah dom mintri, dom gah, dom tinh, ban maong glaong jang bruk ngak di drei brei ka rahra, ka taneh ia ye oh rahtabiak bruk ni.

Gam saong bruk jhul khang pathau khan, brei thau adat hukum piah ka bhap bini, abih di nyu nan lac bhap bini bhum tapen negar thau hu bruk tabiak, tame negar suan hukum oh njauk lac ngak suan hukum bo daok dui tui rilo bruk kan kandah ka rup drei, ka gauk gar, rahra saong ka abih taneh ia, ye dom gah chức năng njauk khang hatai pacang cakak saong langyah dom urang ba manuac tame, tabiak negar suan hukum. Hu yau nan, bruk kham marat di negar ba gauk tame pacang caga jit praong Covid 19 meng oh njauk kaaak saoh./.

Urang lang: Thu Thảo – 03/08